十大寃氣食物
相信大家都可能試過 (甚至經常發生), 明明唔係食到好飽, 都硬係有啲頂住頂住嘅感覺, 有時又會好多胃氣, 甚至會有腸胃敏感情況. 以下十類食物, 未必對每個人都有反應, 但容易胃氣漲的朋友, 不妨留意一下:
1. 豆 – 含豐富纖維和寡醣Oligosaccharides, 是糖類一種, 身體難分解
- 可以嘗試煮淋啲, 每天進食少量, 讓身體慢慢適應
2. 有氣飲料 – 汽水, 啤酒, 梳打水, 都含有二氧化碳, 多喝會影響消化系統, 引致胃氣漲
- 可改喝其他無氣飲料, 如檸水, 花茶, 綠茶烏龍茶等
3. 小麥 – 含有小麥麩質, 有些人對它有消化困難, 會形成胃氣, 胃漲, 胃痛, 肚瀉等問題
- 減少進食麵包, 意粉, 蛋糕, 餅乾等含小麥製的食物
- 改吃燕麥, 藜麥, 紅米糙米等
4. 薏米 – 如果對小麥過敏, 很大機會進食薏米和黑麥後都會出現胃漲情況.
- 煲湯唔放薏米, 就改放沙參, 玉竹吧
5. 6. 洋蔥, 蒜頭 – 呢孖寶真係令人又愛又恨: 好高抗氧化價值, 但食完又有口氣又易放屁. 呢對孖寶都含有果聚醣﹙Fructans﹚, 對有些人較難消化
- 可改用其他天然香草作調味
7. 十字菜類 – 椰菜, 西蘭花, 椰菜花
- 可以嘗試煮淋啲, 或改吃其他含相近營養素的蔬菜如菠菜, 莧菜, 露荀等
8. 奶類 – 包括牛奶, 芝士, 乳酪, 及其他奶類製品如白汁, 忌廉, 芝士蛋糕等
- 大人和小朋友都有機會出現乳糖不耐的情況, 即是不能分解牛奶當中的乳糖, 不過嚴重情度各有差異: 有些人吃少少無問題, 但有些人一吃即出現腸胃敏感情況
- 改用其他不含乳糖的奶代替品, 如豆漿, 米奶, 杏仁奶等
9. 代糖 – 常見的如山梨糖醇 (Sorbitol), 木糖醇 (Xylitol) 等, 用於無糖飲料或其他食物如無糖香口膠等. 有研究發現, 代糖或有機會影響腸道好壞菌平衡, 形成胃氣, 腸胃敏感等問題
- 想有啲甜味又唔想用白糖或代糖, 可以改用蜜糖, 椰糖, 肉桂, 羅漢果等調味
10. 酒精飲品 – 所有酒精都有促炎性, 即會加速身體發炎, 而炎症可以發生在任何地方, 包括腸胃粘膜等, 當中啤酒因同時含有小麥和有汽, 所以飲完啤酒更易 “成肚氣”
至於有咩食療有助舒緩胃氣漲, 下次再分享.
#胃氣 #胃氣漲
#StomachGas #StomachBloating
#營養師 #Nutritionist #AnnieLee
胃痛舒緩飲品 在 #胃痛... - 家庭生活易family.esdlife.com | Facebook 的推薦與評價
胃痛難忍，有甚麼減輕胃痛的方法？胃痛舒緩飲品如牛奶到底有沒有效？本文為你帶來3大減輕胃痛的方法，亦會提供腸胃相關的身體檢查計劃，令你不必再受胃痛之苦。 ... <看更多>