#大學唔係呢回事！🌋
👶🏻Q: Psychology好似好神秘咁，主要係讀乜？
🐜A: 心理學其實係利用科學研究方法去理解人嘅一門學問，所以係Undergraduate讀心理學會涉獵到唔同心理學範疇嘅基本理論同研究統計方法。
理論方面，Undergraduate會讀到包括認知心理學（例如人嘅記憶模式、感官運作嘅理論），發展心理學（例如小朋友依附理論、性格形成學說），社會心理學（例如從眾理論）等等。研究方面會學到應用統計學同埋實驗方法嘅原則。好多人會以為心理學「讀到心」，但其實揀咗科就會發現心理學係透過海量嘅理論同埋數據分析去理解人嘅思想同行為，並唔係一啲神秘、虛無飄渺嘅學問。
//
👶🏻Q: 有冇話乜嘢人比較適合讀Psycho?
🐜A: 最重要係對人有興趣。當你每日同人相處，睇書讀到唔同人嘅故事嘅時候，會諗多一步嘗試去理解每個人行為同思想背後嘅過程，或者係會想知道多少少點解佢會咁樣做。呢份對人嘅興趣會令你讀Psychology嘅時候都能夠保持住一顆求知嘅心去欣賞呢一個學科。
至於好多同學都會想知讀咩科會比較適合讀Psychology，其實心理學對要求同學具備一定嘅語文能力同科學分析能力。所以無論你高中揀咩科都唔會有特別嘅優勢或者不足。
//
👶🏻Q: 心理學家做乜㗎？讀完Psycho係咪就可以做心理學家？
🐜A: 同學要首先明白到*讀Undergraduate嘅心理學唔代表你可以成為一位心理學家*。心理學家係要先對於唔同心理學理論有穩健嘅認識，之後再修讀碩士以上嘅課程去嘗試將心理學理理論應用係唔同範疇。譬如教育心理學家會協助家長同學校改善佢地教育唔同小朋友嘅方式，臨床心理學家利用心理學理論去協助受情緒困擾嘅人調整思想同行為，工業及組織心理學家會協助一啲商業公司去提升員工效率，腦神經心理學家則會研究腦部唔同神經元嘅運作模式。
讀完心理學嘅Undergraduate並唔能夠成為一位心理學家，但就提供咗一張入場券比你去報考心理學家專門嘅課程。
//
👶🏻Q: 咁如果想讀Master再發展競爭大唔大？
🐜A: 臨床心理學同教育心理學每年都幾百人報, 然後收廿幾人左右啦，所以投考專業心理學家碩士嘅門檻相當高，競爭亦都激烈，同學都要有定心理準備呢條路唔易走。不過本地心理學家碩士課程都慢慢加緊位嘅。
//
👶🏻Q: Psycho畢業嘅人通常會有啲咩發展？
🐜A: 因為唔係每一位Psychology Undergraduate 都會想成為心理學家，畢業生有一部份會投身各行各業，例如商界(人力資源、數據分析等等)、政府、心理學科研工作、教育界或者唔同嘅NGO。想成為心理學家嘅畢業生一般會係有關行業工作兩三年累積經驗再投考。例如一啲有志從事教育心理學家嘅會先修讀PGDE以做老師為短期目標，有志從事臨床心理學家嘅可以入醫院或者NGO去累積同受精神問題或心理困擾嘅人相處嘅經驗，為報考碩士做好準備。
另外，其實都有唔少Psychology graduates 會報唔同醫療行業master。呢方面我地係有優勢，因為我地會知多啲對人嘅理論。所以都有唔少畢業生去考Occupational therapist / Speech therapist嘅master，成功率都幾高。
//
//
//
Interviewee: 🐜, CU Psychology Master
Editor: 大大🖋
-
仲有個幾禮拜就聖誕，做人唔好咁孤寒，關心人要講出口呀，把握呢個機會寫張聖誕卡俾好朋友，大家開開心心過聖誕啦！🎄🎄🎄邊度有靚嘅聖誕卡？ @frogxwords 係唔錯嘅選擇，Vocabno followers最後半日有八折discount, 交Google Form時只要大嗌「大大好有型」，唔係唔係，係打我哋嘅code “vocabno2018”即刻有優惠呀！大大我都買咗啦，不過因為冇朋友嘅關係，我選擇咗貼牆，成間房即刻好有聖誕味道👍🏼啲聖誕卡真係靚到想點都得呀☃️
#Vocabno #English #DSE #18DSE #2018DSE #19DSE #2019DSE #20DSE #2020DSE #Reading #Writing #Speaking #Wordoftheday #Vocabulary #Expression #Phrase #HKDSE #LiberalStudies #通識 #LS #Dsetips #Linguistics #語言學 #Morphology #JUPAS
