對上一本《逆權之怒》出版後兩個月，第一版經已全數派街，基本上已等如完售，總算無令出版商蝕錢。而響呢兩個月間，本專頁仍然堅持每天發表一篇有關抗爭嘅評論，終於響兩個月後，又再結集成抗爭系列嘅第二部《逆權之暴》──事實上當坊間同類書籍大多仍然集中於分析六月嘅劇變時，《逆權之暴》經已緊貼時局，就最近兩個月嘅事態發展進行最貼市分析。
今次短期內再出新書，其實於我心有戚戚然。首先由書名《逆權之怒》升級為《逆權之暴》，本身就化表咗成場運動激化嘅發展──響六七月之間警隊濫捕搵打問題雖然已非常嚴重，但去到八九月時期，警暴問題簡直陷入瘋狂狀態：831防暴速龍衝入太子站疑似打死人就係最有代表性嘅慘劇。
踏入十月，抗爭仍然每天風雲變色，令到過往兩個月嘅抗爭好似離我地好遠。但當你回想一下：
由83旺角再遊行、84遍地點火、85全港大決戰、劉業成上場後嘅810快閃堵路、811大流血日、813機場再圍堵、818解放軍南下陰影下繼續大遊行、824九龍衝突、825荃灣開真槍、91防暴開始肆意闖入商場港鐵站、92抗爭之火藉住開學日帶入校園、97電視播映《逆權公民》之下，街頭同時進行抗爭、98美國領事館請願、914淘大黃藍大衝突、915北角大私了、921元朗白衫黑社會虐打市民紀念日、922各區商場遍地開花式抗爭、929記者被射盲眼……當中一幕又一幕用血、汗同淚水寫成嘅歷史，我地都唔應該、亦無可能忘記，而呢個亦係《逆權之暴》出版嘅最重要原因。
同《逆權之怒》有些少唔同，今次Henryporter係擁有咗多一個網媒記者嘅身份，令佢可以用一個新角度去觀察事態嘅發展；但與此同時，響某啲時刻，「佢朋友」又會以舊身份繼續響前線「見證」抗爭嘅進行，最後再番番冷氣房，重新以抽離、客觀嘅角度綜合所見所聞，為抗爭嘅成敗同發展路向作出分析──我唔敢話我寫得出最好嘅分析，但我肯定係一眾香港時事評論員之中，企得最前嘅其中一個。所以相比起戰地記者，似乎用「戰地評論員」更加切合。
今次《逆權之暴》除咗我嘅舊拍檔周顯，繼續以冷酷角度勾勒出成個抗爭背後嘅政治發展脈絡（聽聞第一集最受讀者歡迎嘅部份，就係周顯大師寫嘅抗爭時間線，因為真係可以一氣呵成睇番哂成件事極度複雜嘅來龍去脈）；同時亦利用佢響建制商界之間嘅人脈關係，等黃絲讀者們可以多了解下淺藍或者所謂「理性藍絲」嘅想法；
另外上次只係幫我地寫序嘅Kevin徐家健教授，今次「升呢」變成主筆之一： 佢響美國生活近廿年，可能會比較明白長居海外香港人嘅諗法；同時又因為佢本身熟悉美國政治，再加上本身為經濟學教授，以會嘗試以政治經濟學去解讀這段逆權暴力史。
最後講一講今次《逆權之暴》嘅頁數，係比上一集多出三份一以上，所以售價亦上調至$101──響度亦要講一講一個外傳故事：話說第一集《逆權之怒》完售，連作者都Keep唔倒一本比自己，要等最後回書先攞得番做紀念，好自然就會問幾時加印，點知出版社方面卻面有難色，支吾以對……原來第一本《逆權之怒》定價太低，竟然搞到加印係會印一本蝕一本！即係我都無諗過原來本書好賣都係會蝕……
於是問佢點解第一本賣$69咁平啦，佢話因為想食抗爭日子嘅Gimmick，所以先賣$69……然後今次定價，就係食住《逆權之暴》嘅分界線10月1日，所以定價$101！某程度上都係要補番第一集半賣半送嘅印刷費，所以希望大家多多支持，唔好嫌貴！
但同時係真係唔好問我，如果仲有第三本會賣幾錢……今次由於都加印咗唔少，首先希望佢賣得哂先再講其他嘢啦！
最後當然要同大家講下買書嘅方法，首先係一定會買倒嘅書店：
各大眾書局
各誠品分店
田園書屋
開益-旺角
天地圖書(灣仔)
森記(北角)
森記(灣仔)
宏達圖書中心
序言書室有限公司
突破書廊-佐敦店
另外如果想買Henryporter親筆簽名版，亦可以去以下地點購買：
MIHK.tv ： 九龍觀塘駿業街49號佳貿中心15樓1室
啤梨晚報：新填地街576號，新輝商業中心7樓E室
除此之外亦有Kindle版本：
https://amzn.to/2o4l26F
Google Book電子書版本（合iOS及Android）
http://bit.ly/2MZJ8rJ
至於網購實體書，目前出版社因為斷哂貨嘅關係，我會持續跟進，請靜待最新消息……
暫時可經啤梨晚報網購！
http://bit.ly/2JpnMmP
自然派旺角分店 在 自然派- Natural is Best 的推薦與評價
疫情期間營業時間. Pandemic Operating Hours 12:00 ~ 22:00 地址：尖沙咀加拿芬道41-43號. Address: 41-43 Carnavon Road, Tsim Sha Tsui, Kowloon · · 2 · . ... <看更多>