https://www.patreon.com/posts/49852445
回應陶傑：有關KOL工業與抗爭KOL經濟的分別／呼籲劉細良等黃標KOL簽署〈課金與抗爭無關約章〉
響陶傑不點名（點圖）本Page後，好多朋友／網友都私底問我幾時會回應，但拖到而家先終落筆，原因係：
1. 陶傑文筆／節目雅俗共賞之餘，往往蘊含好多弘外之音，我覺得應該先慢慢咀嚼後先小心回應，以免好似某君咁衝出黎七；
2. 通常討論氣氛熾熱時，都會持續有新論點爆出，我通常參加（或者煽風點火）去到差唔多程度後，都會抽離一下仔細觀察同歸納各方意見，睇下可唔可以得出更圓滿同客觀嘅結論；
3. 同埋呢排真係好撚忙，早兩日先正式趕完稿可以抖下……
綜觀細良賣樓之亂，其實好容易睇倒兩邊嘅階級同年齡特性：幫劉細良護航一方，通常都係一班中剷以上嘅中老年，佢地下意識都會覺得，自己努力半生（無論呢半生做嘅包唔包括陰質嘢，例如加入中策組成員，收于品海黑金等等），賺倒幾千萬係應份；而家被共產黨迫害移民，成功套現亦係佢好彩，大家應該恭喜佢至係，點解反而批鬥佢？
然後佢地最常用嘅反擊就係：你就係憎人富貴厭人貧！（其實你班傻尻識唔識中文？幾時有厭人貧？厭人貧係你班撚屌呀）、你夠開Patreon收課金啦！你夠膽公開你盤數比人睇咩？
至於質疑劉細良一方則兵分兩路：一邊就係強調，賣樓從來唔係重點，甚至只係引子，重點借呢件事引來大家關注，睇下劉細良過去如何劣跡斑斑惡行連連，包括抹黑誣蔑本土派，強屈勇武派係鬼，甚至對於「自由訂價」的無恥解讀等──事實上我最初出的幾個Post都係強調劉細良夫妻身家豐厚早係公開秘密，反而佢點樣食住人血饅頭搞散抗爭先至係大家最應該關注嘅。
唔該你班黃屍狗死廢老作為成年人，好好記住，「做錯咗就要認錯」，以劉細良多年抹黑、捉鬼、叫人放棄時代革命等罪孽，拍10集節目向香港人道歉都唔撚夠，更何況而家一句道歉都無，就想側側膊算數，傻撚咗？都唔好講就算你劉細良道歉，都未必一定要接受添！
其實陶傑先生兩晚光明頂節目中，經已睇倒佢好快吸收哂上面呢堆相關資訊，提出新嘅睇法見解，呢個亦係佢同其他黃屍中剷廢中廢老嘅分別：唔會死牛一邊頸，完全無視反方意見，只用符咒「你係分化撚」、「你又做過啲乜」黎胡混過去。
而另一邊，就係所謂抗爭資源分配問題，亦係我今次想回應陶傑嘅部份。其實陶傑響HK01訪問入面提到：「KOL經濟圈貧富懸殊現象，在全球各地都有，不止香港。」呢一點我自然非常同意：響資本主義社會入面能者得之，優勝劣敗，囊括絕大多數資源，呢個係無可否認嘅現實，而我亦無打算推翻呢個現象。
但我要強調兩點，一係「KOL經濟圈」同「抗爭KOL經濟圈」係兩個完全唔同嘅概念，因為後者響催逼／誘導消費過程中，係加咗一重道德光環響上面；二係「黃色抗爭經濟圈」個本意，從來都係幫手足義士，唔係比班身處安全地方嘅冷氣軍屍發大財。
所以劉細良真正罪狀在於兩點：一係扮窮、二係霸佔大部份抗爭資源卻無所作為。
有關扮窮，好簡單，有無人因為燒山賣樓而鬧佢？無，因為佢從來無扮過窮。我又舉咗新浦崗朱婆做例子：朱婆辛勞半生，掙得兩層過千萬物業，點解佢仲要響網絡被批鬥？因為佢明明大撚把錢，仲要響街邊行乞，呢一點劉細良亦沒兩樣：不少城寨前Fans都指，劉細良不停要求網友捐款，原因就在於經營困難；點知一去到賣樓一刻，竟然大賺幾千萬，而我可以肯定話你知，呢層樓只係佢兩公婆眾多物業嘅其中之一；
然後將商品自由訂價，本來係以為佢係半賣半送回饋網友，點知人地擺低10蚊卻立刻被佢網上批鬥──原來自由訂價意思係只能比多，不能比少；如今再對比佢身家千萬，點解唔可以對佢表裡不一作出非議？
至於第二點則更加重要。講番之前有好城粉自以為聰明，舉出「你都有開Patreon」作為反駁，殊不知這只係極其低水平的偷換概念：正如你貪污用匯豐收賄，同我用匯豐出糧有何關係？
反而花膠台一眾垃圾早年嘲笑熱血公民課金抗共，如今竟然做熱血公民一樣嘅嘢，呢啲就真係叫自打嘴巴。
劉細良、甚至一眾黃屍KOL一個最大罪孽，就係成日有意無意將抗爭運動同課金比自己拉上關係，甚至暗示只要課金比自己，就可以幫倒手足義士。咁我當然有權問，你每個月借呢樣嘢收咗幾多錢，當中用咗幾多響抗爭上面。
然後我又要再提一次，點解會有「黃色經濟圈」出現？係因為當日抗爭前線有手足飯都開唔倒、有黃店受影響處執笠邊緣，先至開始有「黃圈」概念。所以「黃色經濟圈」、甚至「抗爭經濟圈」，當然係不單止於其他經濟圈單純以市場機制決定一切，而係要肩負起資源分配責任。
所以如果有某啲黃屍KOL 1. 本身身家豐厚；2. 靠課金月入近百萬；3. 成日將暗示撐自己即等如撐抗爭、幫手足，咁點解可以唔接受所有抗爭者監察？有城粉挑機問我「點解你自己唔公開課金盤數？」，Sorry，我其實已公開咗，隱暪收入嘅反而係劉細良等黃屍KOL。
但事實上，我根本無責任公開盤數比大家睇，因為我從來無講過課金比我可以幫倒抗爭同手足，我Patreon亦同「黃色經濟圈」無關；甚至我怒屌嘅，從來都係果班最願意課金嘅黃屍，不存在「爭生意」問題；我每個月買文具、資助小朋友嘅錢都係私底下出，完全同我課金無關。
所以劉細良等黃標KOL，如果拒絕揭露課金情況、拒絕接受「黃色經濟圈」持份者、抗爭者以至一般市民監察，我覺得都唔係問題，前提係你要向公眾坦誠，簽署一份專為網上課金嘅KOL／Nobody（即係我）而設嘅〈課金與抗爭無關約章〉聲明：
一、網絡政論純為網民提供資訊／娛樂，課金純為私人收入，與抗爭運動無直接關係；
二、任何資助抗爭運動之支出皆為本人私人開支，與網民課金無關，固不接受任何人監察；
三、如往後有使用課金平台作籌款資助抗爭運動之用，必公開所有帳目供公眾監察，以避免「落格」、中飽私囊之嫌。
作為主催方，本Page將身先士卒簽署這份聲明，由公眾見證，本Page所有課金將與抗爭運動無任何關係，唔好誤會課金本Page就幫倒手足；而如果你劉細良肯簽呢份聲明的話，咁你日後就算賣樓收多幾億，就真係無人有資格再過問點解你咁有錢之餘仲可以收月入近百萬課金；
但如果以劉細良為首嘅一眾黃標KOL，都仲係冥頑不靈要將盤數收埋之餘，又要曖曖昧昧暗示課金比自己「就救倒手足、支援倒抗爭」的話，咁就唔好再怪人時刻監察住你幾時賣樓。
自然 導 賞 約章 在 自然導賞約章- Explore 的推薦與評價
進行任何戶外活動或生態觀賞時，除咗唔好亂拋垃圾同留下火種 外，更應該尊重自然生態，避免騷擾同捕捉大自然嘅生物。 即刻睇吓「自然導賞約章」，了解更多自然生境 ... ... <看更多>