TED TALK之為何競爭對手老是在左近？
#是敵還是友 #TEDTALKS #MrBusiness
-----------------------------------
香港地物價騰貴，就算要食碗豆腐花都唔平。荃灣就有兩間痴埋嘅小店大鬥法，平賣豆腐花，一間$3一間$2，價錢恍如回到過去，吸引大把人排隊幫襯！
唔單止荃灣豆腐花店，只要上街望望，你就會發現依度有七仔，對面又會有間OK；依間賣台式飲品，隔離又賣港式飲品；甚至喺一條長街，會有幾間米線舖同茶記打對台。依個現象，除咗好似影片裡面用霍特林模型空間競爭(Hotelling's model of spatial competition)解釋之外，其實仲可以用其他角度解釋。
我哋普遍都有一個概念，如果競爭對手已經插旗，應該避免直接競爭以免兩敗俱傷。但由另一個角度，將競爭性發揮到盡致，打造成一個小消費圈，喺宣傳角度會係一件好事。就好似Food Court，有林林總總嘅食肆，論競爭性係非常之大，但正因為夠集中，只要食物同服務無過分重疊，每間食肆反而有更大生存空間。
各間Food Court食肆之間，表面上係互相競爭，實際上形成一種利益共同體，只要有人諗起食嘢，就會諗起去Food Court。所以有新食肆加入Food Court，無分薄到市場塊餅之餘，仲可以令市場塊餅做大，越吸越多一班街外walk in客。
做生意，唔一定要置對方於死地，透過良性競爭一齊進步，創造共贏文化先係皇道。小成功靠朋友，大成功靠對手。
荃灣豆腐花 在 亞玉豆腐花 - Facebook 的推薦與評價
亞玉豆腐花，自2007年起一直秉持對傳統港式糖水的傳承，嚴選優質原材料、堅持日日 ... 荃灣荃興徑6號昌泰大廈地下5B舖元朗阜財街2號宏豐大廈地下12號舖紅磡船澳街99號 ... ... <看更多>