又嚟？今次呢款好似唔錯喎！
老任即將喺9月14日推出第三彈嘅任天堂實驗室紙皮配件「Toy-Con03 DRIVE KIT」，顧名思義呢次係以「駕駛」為主要概念，有別於之前第一、二彈嘅「實驗味道」，今次嘅DRIVE KIT明顯地唔單只係為砌而砌，遊戲適性亦高咗好多，而且最新宣傳片亦講到明個紙皮軚盤可以用落《Mario Kart 8》上，相信有關做法會吸引到唔少遊戲跟隨，而且駕駛配件相對地易啲匹配到落唔同嘅遊戲上，驟眼睇第三彈紙皮配件唔會好似以前咁「得個砌字」，砌完之後應該重可以應用到去其他遊戲。
任天堂喺發售前夕釋出「Toy-Con03 DRIVE KIT」最新嘅宣傳影片，詳細介紹並且示範咗紙皮配件如何變身成軚盤、飛機搖控器同埋潛艇嘅升降杆等等，而且預示玩家可以透過將Joy-Con搖控器擺放到唔同嘅配件上，從而令到遊戲中嘅載具「變身」嘅功能，例如將Joy-Con由軚盤放到升降杆上，遊戲中㗎汽車就會即刻變身成潛艇，Joy-Con搖控器頓時化身成切換載具嘅萬能鎖匙。
「Toy-Con03 DRIVE KIT」預定喺9月14日全球發售，配合埋Switch同Joy-Con嘅六軸動態感應、紅外線Sensor同埋HD震動功能等等，將紙皮改造成各式各樣嘅控制器，基於前兩彈嘅紙皮配件反應都只係麻麻地，今次DRIVE KIT可謂肩負住「不成功，便成仁」嘅壓力，如果市場反應繼續冷淡，我哋未必可以再見到第四彈，各位Switch機主又有冇興趣入手呢？
__________________________________
今個星期五（7/9）7:30pm，Kristy會聯同直播界爛玩達人篤公喺 #今晚打機夜唔夜 嘅直播打超熱新作《Marvel's Spider-Man》（http://bit.ly/2CrS07g），睇睇佢哋身手點啦！
__________________________________
想睇精彩短片，即去：http://bit.ly/2IRwZ8a
萬能鎖匙 在 編號D572~~~之後 的推薦與評價
詮和鎖匙. 目錄中的萬能丕只有到D571，所以D572之後的鑰匙會統一放在這個相簿裡，謝謝大家～. 8 yrs Report. 詮和鎖匙. 105/06/02 新增D601-1,D601-2,D601-3 三款. ... <看更多>