https://youtu.be/mR6Z9lbVzxg
隻雞堅持先有希望生
我鍾意睇頒獎典禮,雖然近年冇再咁鍾意,但係我都真係好鍾意睇頒獎典禮。
雖然未必係真,但係我覺得好多人一生好努力,就係為咗台上講嗰幾句嘢,多謝嗰一堆人;但好多時我更想睇到嘅係,每一年冇機會上台嘅人,個袋或者電話入面,究竟寫嗰番得獎感言又係點嘅呢?
有一件事我到而家都好深刻,嗰年我冇去叱吒,但係呢件事係某女歌手親口同我講嘅。
話說嗰年競爭相當激烈,咁呢位女歌手就有日撞到個DJ,問到佢對今次頒獎典禮有咩期望,阿女就話「冇呀,我都係諗住着到靚靚,影張靚相,有個美好嘅回憶咋。」DJ冇乜講啲乜,感覺似係同佢講:「咁嘅心態咪幾好,唔使失望呀嘛。」
到嗰晚,佢又撞到同一位DJ,大家喺後台打招呼,然後突然間DJ就笑笑口問:「點啊,諗好講咩未啊?」阿女嚇到呆咗,明明心諗自己冇獎攞,而呢番說話又唔似講笑,於是佢心情非常緊張,係非常非常之咁緊張。
跟住冇耐就頒新人獎,介紹第一位銅獎得獎者嘅內容,真係同阿女嘅身世一模一樣!於是阿女側邊嘅朋友仔都即刻望住佢,擺出一副戥佢開心嘅笑容,阿女緊張到唔識反應,一邊擔心緊鏡頭可能影住佢,另一邊又好想喺凳底攞返支威士忌出嚟飲。
「123!上嚟啦!」123並唔係DJ搞氣氛,而係另一位女歌手嘅名。
就喺呢一秒,所有本身戥緊阿女開心嘅朋友仔即刻轉移視線,若無其事咁望向另一邊嘅得奬女歌手歡呼吶喊。呢個就係娛樂圈。Sorry,呢啲就係人類I mean。
而娛樂圈最難嘅就係呢一剎,點樣可以保持住你諗住會贏,但又要裝出一副不嬲都諗住恭喜其他人嘅嘴臉,嗰種殘酷又複雜嘅失望真係......
於是佢一路笑一路笑,笑到覺得應該冇乜人望緊,終於走去廁所,不佢唔係真係去廁所,而係跑咗去附近一個垃圾站然後跪咗喺個地下度喊,喊到佢開始聞返自己飲咗成晚嘅威士忌,然後佢好嬲, 嬲個DJ點解要俾呢個假希望佢,佢寧願從來都冇呢個希望。
當然往後佢發現其實係一啲內部嘅政策同誤會,先令到呢件事發生,絕無玩佢嘅成份,不過佢嘅遭遇已經比玩佢慘一百倍。
因為呢件事,我好無聊地睇返歷年好多頒獎典禮嘅新人獎,然後我會諗究竟嗰年呢個人有冇諗過自己會贏,原來嗰個人竟然三甲不入。
好似2002年咁,冠軍原來係香港人未必知佢去咗邊嘅胡彥斌,亞軍係已經冇唱歌嘅余文樂,季軍係「邪不能勝正」跟住去咗拍劇嘅蕭正楠。
但有返咁上下年齡嘅朋友,應該會知嗰年三甲不入嘅係麥浚龍,而17年後嘅佢,就第一次攞咗「至尊唱片大獎」;同一年,胡彥斌就有首好紅嘅歌,諷刺地叫《你要的全拿走》,係嘅,香港樂壇丁咁細,有鬼用咩,畀晒你啦。其他兩個,就更加唔使多講。
最近好興一句說話:「唔係因為有希望所以堅持,係因為堅持先有希望。」
其實希望同成果咪即係雞同雞蛋,只不過好多人諗住啲雞日日都生蛋,但係其實隻雞唔係不育喎,不過佢可能真係要17年後先生咋嘛,而雞就好似「成果」咁,都係唔識講嘢,佢唔識得話俾你聽:「喂!我其實依家係未生得出咋,你等多我17年啦!」
結果,結果咪好多雞走咗去做海南雞飯囉。
好多人想要希望,更多人埋怨希望,可能真係要去到連埋怨都冇機會嘅時候,先會珍惜呢啲暗淡曙光。
共勉之,過來人上。
蕭正楠邪不能勝正 在 胡恩晴 Kannas Wu Facebook 的最佳貼文
Bye Bye啦 妖♥️
#一路好走
#唔送喇
#全年最開心呢日
#學蕭正楠話齋
#邪不能勝正
#興奮到瞓唔着
蕭正楠邪不能勝正 在 月巴氏 / Work Super Guy Facebook 的精選貼文
浪漫月巴睇2000(30)
【當年為何憎Juno?現在又為何撐麥浚龍?】
記憶好怪,有些明明同自己生命無關的事,總會Keep住記住——即使只是一句說話,例如「邪不能勝正」。
1.2002年,蕭正楠在某頒獎禮慶功宴高呼「邪不能勝正」。
2.蕭正楠在大庭廣眾高呼「邪不能勝正」的真正動機,當然只有他本人才能知道(任何人的感覺和思想都是私密的,蕭正楠個心諗乜,黃翠如都不會完全知道),但經由娛樂雜誌的詮釋(或誤讀),這句「邪不能勝正」是有明確指向性的,被指向的對象是麥浚龍,跟蕭公子同樣在2002年出道的樂壇新人。
3.嚴格來說是,一個屋企好有米的樂壇新人。
4.再嚴格一點的說法是:一個屋企好有米而唔靚仔(但又要扮型)的樂壇新人。屋企好有米,原罪一;唔靚仔(但又要扮型),原罪二——當任何人被拋落塵世時都只孭住一條原罪,麥浚龍就孭夠兩條。所以,如果將「邪不能勝正」這句(只會出於武林中人口中的)說話想成有指向性,Well,咁蕭公子本人就是站在「正」的一方,而麥浚龍自然是代表「邪」嗰一方(至於蕭公子另一不朽名句「雪雪雪」則不涉正邪之分,純屬X定唔X——X的值:介乎6與8之間)。當正邪被劃然二分,其他在場邊睇波的人自然會選擇企喺邊一方。
5.人類絕對是一種離奇生物,離奇在明明懂得理性思考但又經常不作理性思考,好易受外界影響,情緒好易被牽動,從而集體地嫌棄厭惡聲討一個自己明明未曾接觸過的人——咁都未夠,更離奇的是,人類竟然可以在若干年後忘卻自己當日的嫌棄厭惡和聲討,變成支持擁戴甚至捧上神枱——麥浚龍正正經歷了這個被集體嫌棄厭惡聲討後再被支持擁戴甚至捧上神枱的荒謬歷程。
6.於是,麥浚龍由當年那個屋企好有米而唔靚仔(但又要扮型)的樂壇新人,變成一個有思想有內涵有Message想講的音樂人;一首在他未被外界接納時唱的舊歌《耿耿於懷》,因為在很多年之後變成了一個愛情故事的開端,而終於獲得了(遲來的)讚頌。有理由相信,今時今日聲稱自己鍾意聽《念念不忘》、《羅生門》、《勇悍.17》的人,在2002年都曾經化身圍攻光明頂的六大派,為那句「邪不能勝正」叫好。
7.而我真正佩服麥浚龍是因為《殭屍》。
8.如果要順應潮流,理應拍喪屍,而不是殭屍——一種著住件清朝官服點睇都不有型的「生物」;而傍實這隻殭屍的,是陳友、鮑起靜、吳耀漢、盧海鵬、惠英紅、樓南光、錢小豪以及鍾發(我敢寫包單大把人不知鍾發是誰),麥浚龍借助了這隻殭屍 & 這班演員,不只拍了一齣恐怖動作片,同時整合了一個古今中外恐怖片系譜(Slasher、Gore、J Horror),兼且向殭屍片這個在80年代中至90年代初盛行的港產片類型致敬。在不少人以「本土」作為Marketing口號的時候,沒有以「本土」作招徠的《殭屍》,比不少「本土電影」更能呈現「本土」——「本土」不只是景物,還有精神與歷史。
9.但亦有人說:超,有錢咪做到囉。咁不如俾呢筆錢你,睇吓你又做唔做到?公道一點講,比起其他創作人麥浚龍所擁有的優勢是:某程度上沒有(太大的)後顧之憂。
10.他說,做創作,不能侮辱觀眾智慧;偏偏在香港,最侮辱觀眾智慧的就是觀眾自己。
(原文刊於am730)
#浪漫月巴睇2000
#麥浚龍
蕭正楠邪不能勝正 在 [新聞] 公子多情蕭正楠- 看板HK-drama - 批踢踢實業坊 的推薦與評價