✨摘星名廚掌舵精緻中菜廳 - 采悅廳
．．．．．
呢間高級中菜館位於東涌喜來登酒店，由摘星中菜名廚鍾志強師傅主理，鍾師傅為現有既招牌菜式加入全新元素，令人眼前一亮
．．．．．
前菜采悅三小碟(圖4)有甜甜酸酸既玉葡萄(紅菜頭莓果醬冬瓜)、水晶花膠凍同江南醉鴨。然後到金黃焦脆既至尊炸釀蟹蓋(圖1)，雖然係炸，但食落就唔覺油膩，仲要有拉絲鮮甜蟹肉 🦀 再來杏汁花膠燉菜膽(圖2)，係我最鍾意既一道菜，花膠非常厚身入口感受到滿滿既骨膠質，杏汁味道亦超香濃，個人覺得係必點菜式之一。
．．．．．
主菜方面，一定要推薦招牌菜三十頭吉品鮑扣鵝掌(圖3)，吉品鮑份量十足而且好入味，中間溏心且口感軟腍，令人一食難忘！另外，黃豆酥白雪魚(圖5)同當紅脆皮雞(圖7)賣相亦非常精緻。火曈菊花菜(圖8)係菜膽切成菊花型配上熬製左8小時既雲南金華火腿上湯，靚到唔捨得食。
．．．．．
甜品方面，薑味繡球其實係薑汁豆花(圖6)，但師傅將豆腐做得超美，「繡球」係師傅將豆腐僅於90秒內切120刀而成，絕對係功夫菜呀。另外一道甜品係造型超可愛既西瓜凍(圖9)，大人細路見到都會超開心呀。
—
采悅軒 (東涌)
東涌怡東路9號香港東涌世茂喜來登酒店2樓
·
🥑生酮友好食品：❌
—
#small中式
#small東涌
薑汁豆花 在 豆花職人－薑汁的煮法最近有人問起薑汁的熬法 - Facebook 的推薦與評價
4煮薑汁時，薑不能用菜刀切，正確是要拍碎或搗碎，這樣薑的辣味才容易煮出來。 5一台斤薑對一公升水（可視情況調整）。 6如果要放糖或黑糖，須在薑汁煮 ... ... <看更多>