Search
[中環·性價比高Flawless3.3日式下午茶！］
每個配搭都幾有想法!
#芥末八爪魚五色海苔沙律 呢款fushion日式小食配合好夾，仲有食用花作點綴～
#黃金鹹蛋黃炸薯條
一人有一碟，份量好多！鹹蛋都落得好足料~
不過如果兩碟薯條可以花多少少心思整多一款口味就滿分喇！
#香煎帶子紅燒肉
帶子仍保留到新鮮帶子的口感，紅燒肉油脂豐富。
#香蔥煎蠔小薄餅
超有驚喜，蔥油蠔肉超鮮味，即刻想夜晚食番碟薑蔥炒蠔
另外 #grandmascone 4款都唔同口味，原味富牛油香，抹茶口味食落有mochi口感豐富。
水果茶：蜜瓜菠蘿水果茶 呢個組合味道幾特別！
#SayHi #日式下午茶 #Flawless33
Say Hi Bar & Dining (士丹利街) (中環)
中環士丹利街11號3樓
$198/per head
#小編食好西 之 海景嘉福洲際酒店生蠔鴨肝回本buffet實測😋
9月海景咖啡廊嘅自助餐有新主題，主打鴨肝生蠔，而家要食到生蠔嘅自助餐一係就好貴，一係就質數參差，今次試下佢究竟堅定流先！🥳🥳🥳
🎊優惠詳情🎊 https://flyagain.la/97923
🎊預訂網址🎊 https://flyagain.la/q2k3
📍預訂日期📍 即日起～9月14日23：59
📍入住日期📍 9 月 9 日至 10 月 31 日
🚌位置及交通
海景嘉福洲際酒店位於尖東核心地帶，尖東站、紅磡站行過去都好近，附近超多巴士站，好易去！食完之後想去散步落下格都唔難，酒店隔籬就係天橋過海濱長廊，或者行返去彌敦道都唔係好遠！
💰焦點1－🦪生蠔
生蠔係今次自助餐嘅重點！平時自助餐都係得一至兩款，今次你就有三款生蠔！🦪🦪🦪包括就係法國Fine De Claire、愛爾蘭生蠔同埋蘇格蘭生蠔！估唔到係自助餐都可以食到mini 蠔吧platter，都係一個大驚喜！如果想食齊3隻蠔就要頭圍食啦，因為小編想臨尾食甜品前食多次，都係得返1款蠔🥲
去到熱食部分都見到唔同蠔嘅蹤影：薑蔥炒蠔、日式炸蠔、蛋奄列配蠔、蠔仔粥等等🤯食咗咁多生冷嘢，係時候食返啲熱嘢暖下個胃～其他嘢食例如日式炸蠔睇落好似炸得好脆好金黃，不過咬落就唔太搵到蠔嘅身影🧐除咗出面嘅食物，每位都會有一客芝士焗蠔，睇得出用咗2－3隻芝士，好邪惡🧀🧀
去到甜品部分，都仲有蠔！大家唔洗驚唔係暗黑料理，而係個仿生蠔造型的柚子忌廉芝士慕斯，好精緻好有心思！☺️
💰焦點2－匈牙利鴨肝
作為主題食材，今次鴨肝入饌嘅菜式都唔少：頭盤沙律、壽司、炒飯、鴨肝多士、仲有鴨肝焦糖燉蛋！🤯🤯
頭盤嘅鴨肝慕絲沙律配石榴籽蔓越莓汁用咗好多雜莓，感覺都唔廉價，食落去酸酸甜甜亦都可以解到鴨肝本身嘅肥膩感，幾好幾好！😆
而個鴨肝壽司一見到都嚇親，厚到成塊午餐肉咁！不過同壽司飯一齊食唔大驚喜，感覺就好似為鴨肝解膩咁，而壽司可能都擺過一陣，所以就凍咗🤥🤥
至於個多士就即煎好香口，下面法包吸咗鴨肝油，咬入口油香爆晒出黎，好香好邪惡！🤤
如果以上嘅嘢都未填飽你個肚，可以食埋呢個海鮮露筍鴨肝炒飯，不過望落都唔係好大驚喜🥴
至於甜品鴨肝焦糖燉蛋係今次甜品師傅精心研發，一個有咸香嘅焦糖燉蛋都幾新奇！可以試下！🤡
💰🦐🦀海鮮
海鮮種類都唔少架：青口、小龍蝦、凍蝦、翡翠螺、煙三文魚都係自助餐基本嘢，正常發揮；而麵包蟹就好貼心界開咗幾份，裡面都多膏嘅，可以一戰！加分位就係個醬汁：今次見到有紅酒醋同泰式辣醬，幾開胃，又可以有啲新鮮感！
💰限量食品🤑
開始晚市嘅時候就會棟個牌話你知幾點會有咩食推出，例如7點半會有即燒乳豬🐷，呢個真係必排！望住師傅去燒層皮，佢嘅脂肪唔算太厚，但係個皮係非常脆，整體脆而不膩，好食！
之後甜品時間就有黑松露巴斯克芝士蛋糕，小編都係第一次食！松露味偏淡，口感濕潤綿滑，唔錯嘅，不過唔睇牌我真係唔知係有松露😳可能2種重口味撞埋一齊要調校調校下🤔
之後8點半小編諗住收手，然後出面好多人排火焰雪山！🔥諗住好似芝士蛋糕咁可以之後先拎，點知已經冇晒😭😭下次想食記得排定隊！
🥘 熱食
介紹完咁多嘢食，仲有冇其他？有！燉湯、焗龍蝦、即烤羊架、連炸蝦熱狗都有！🤯好惹味嘅麻辣炒龍蝦鉗、慢煮豬肉、燒牛肉／三文魚、印度串燒等等，各國美食都有齊晒，完全唔馬虎！
🍰 甜品
欣賞呢度甜品全部都係一口甜品！容易拎又唔會破壞整個蛋糕，仲每份都咁多料，唔洗揀！除咗甜品，仲有6款Haagen-Dazs雪糕，任食唔嬲！🍨🍨🍨
💬 總結
今次海景嘉福嘅自助餐就好似同生蠔愛好者挑機咁，就係驚你唔食，一次過推出咁3款生蠔、由頭盤到甜品都有貼題，食物種類都有好多，唔會覺得悶👍🏻另外想講嘅係擺盤小小心思位，喺沙律同Cold cut都放咗食用花上去裝飾，成碟嘢即刻高級咗！係小編私心嘅加分位🤟🏻而家有優惠，平日＄540連加一，可以一戰！
完
【千禧新世界香港酒店自助晚餐體驗分享】
網上唔多人提起千禧新世界香港酒店既自助晚餐，連小編之前都未食過，所以今次食完同大家享下，佢地官網而家仲有快閃，房價 HK$1,880 （連服務費 HK$2,068）起，包客房住宿一晚（會免費升級至豪華客房）、雙人自助晚餐、雙人自助早餐，星期一至四入住更可以下午 1 點辦理入住，翌日延遲退房至下午 3 點。開頭睇個價錢唔平，唔知值唔值，現場睇過之後而家就可以叫大家放心訂，質素真係幾好。(預訂及詳情：https://www.runhotel.hk/new-world-millennium-flash-sale)
🤤🤤首先係凍海鮮方面，小編體驗當晚有龍蝦、長腳蟹、麵包蟹、海蝦、螺肉、青口等等一共 6 款，每一款都非常厚肉新鮮，而且 refill 得好快！
🤤🤤刺身方面有三文魚、吞拿魚、鯛魚、希靈魚、赤貝同埋玉子，同時仲有多款壽司。
🤤🤤5 月嘅主題係「東瀛韓風雙重滋味」（6 月自助餐將會以 星、馬、泰為主題），無論係冷盤、熱盤都有好多日韓特色美食，選擇有： 韓式雞肉粉絲沙律、香煎帶子伴明太子、日式青芥末吞拿魚韃靼、蟹味噌玉子、韓式宮廷炒年糕、海鮮煎餅、爐端燒、清酒煮蜆同埋長崎蜂蜜蛋糕等等，比起一般嘅酒店自助餐款式更多！
⭐️⭐️熱食方面，有北菇鮑魚扣鵝掌、XO醬炒海鮮、薑蔥炒蠔、日式燒銀鱈魚、葡式燴豬手、天婦羅、脆炸雞串骨、黑椒牛仔骨等。Café East 仲有唔少 live station ，可以享用熱辣辣嘅即製美食！必食嘅有爐端燒，有大大隻嘅燒帶子，半邊龍蝦同埋焗釀響螺，勁正！除咗爐端燒都仲有鐵板燒，可以歎到即燒大蝦、羊架、三文魚，和牛等等。
⭐️⭐️葡式烤乳豬配葡國香腸炒飯同樣吸引，師傅會即場切原隻乳豬，再用火槍將板燒至香脆，勁正！每晚都會有一款精選燉湯，小編試食當日就係椰子淡菜花膠燉雞湯，超級足料！
⭐️⭐️甜品方面都有數十款之多，每份都係細細份等大家有多啲 quota 試多幾件！無論賣相同味道都相當出色，有蛋白布甸燒、法式燉蛋、伯爵茶奶凍、櫻花水信玄餅、蕨餅等等，仲有即製嘅鮮果千層酥同檳城薄餅，每晚 8:15 仲有即焗心太軟添，真係超多選擇！而 Haagen-daz 雪糕都有 6 款，真係要留肚食埋雪糕！
另外一般嘅果汁汽水都係任飲，不過就要搵侍應落 order。小編今次體驗是在平日，星期五、六、日及假期的食物選擇同種類會更多，加上酒店這幾年全新裝修，環境舒適，整體的性價比的確是很高。
預訂及詳情：https://www.runhotel.hk/new-world-millennium-flash-sale
直接上官網訂 Package：https://bit.ly/3hozUpJ
這味餸 好唔好味好在於 啲蠔靚唔靚
【20無限】的 飲食理念
天下食物 唯太 X 不能救
X = 太鹹 太甜 太酸 太苦 太辣 太硬 太軟 太多 太少 太複雜 太麻煩 太多批評 等等
【20無限】: 薑蔥蠔 ( 簡單 好味 馬虎 ) Stir-fry Oyster with green onion and ginger
