【海洋公園搵食 Ginger Grill 爐炭燒】
為咗食，可以去到幾盡？就係住九龍區都專程去到海洋公園......
年幼時去海洋公園只為玩樂，抱歉當年未識游水，所以連水上樂園都無幫襯過。長大後都有斷續去海洋公園玩和拍拖，例如生日當天一定去，因為可以免費入場！！
好了，最近生日月，飯局特別多，友人約我到海洋公園內的「Ginger Grill 爐炭燒」餐廳吃晚飯，咁特別？！為了食好西，當然唔會錯過。
餐廳主打泰國菜，提供泰式地道菜式、明火炭燒及多款以薑入饌的菜式和飲品，適合夏日炎炎的天氣，無乜胃口反而想食香口嘢！
當晚一共五人，包括兩位大隻佬（真係玩健身嗰隻），另外三位女士（包括我和另一女生，都屬運動型），所以可以盡情吃個夠，之後做運動找數就得啦！
我們點了的菜式：
炭爐燒大蝦酸辣湯$108——寫明採用斯里蘭卡大蝦
香茅椰汁雞湯（$68）
木瓜沙律（$88）
柚子沙律（$88）
肉碎生菜包（$98）
炭烤豬頸肉（$98）
傳統泰式沙嗲串燒（牛豬雞共6串 $98）
泰式大蝦炒金邊粉（$188）
美國有骨肉眼扒40安士（$1088）
泰式船麵（每碗港幣 128 元）
甜品:
炸香蕉$48
蜜糖薑汁燉蛋$68
Mocktail topical passion 熱帶激情：紅莓汁，菠蘿汁，梳打及雪碧$78
講明泰式，就多少都帶辣，我不喜歡吃辣，但偶爾都吃。今次的酸辣湯和沙律是挑戰我的辣的底線，講真，個辣度好正宗，上湯以豬骨熬製而成，加入南薑、辣椒、香茅及秘制香料，由舌尖開始辣起，再慢慢感受到酸甜和海鮮味，滋味無窮，邊飲邊冒汗，但竟然覺好好飲！
我本人不吃牛，所以主力消滅炭烤豬頸肉，總廚指定要選用「備長炭」燒烤食材，皆因其熱力可達至高溫九百度，能快速有效地鎖住肉汁，更把食物燒至外脆內軟，逼出油脂，比一般炭更能炮製出更香口滋味。廚師好有心思自製香茅枝代替燒烤用的油掃，將香料掃上各式燒物，把香茅及香料等味道同時帶入食物中。難怪豬頸肉的邊烤得焦香，但又保持肉質嫩滑，如果你吃過烤到似柴皮的豬頸肉，就明白我有幾感動！
另外，終於有機會吃到友人常說的泰式船麵，餐廳每日限量供應 150 碗，以豬腩肉、豬肉丸等多種豬類食材入饌，香濃湯底以豬骨及滷水料烹調兩日熬成，上桌前加入脆卜卜的炸豬皮，成為「五豬」船麵，本來減吃澱粉質的我都忍唔住口。
吃串燒又點可以唔混醬？特別炮製傳統泰式六醬，包括辣醬、泰式南乳薑辣醬、羅望子酸辣汁、泰式南薑豆醬、特色薑味醬、薑黃薄荷沙律醬，以塔式放置，由底層最不辣，挑戰至最頂層辣醬，非常啱嚐辣的朋友仔！
甜品是賣相漂亮的蜜糖薑汁燉蛋、炸香蕉，最得朋友仔歡迎的竟是造型可愛的白朱古力及薑心朱古力，免費的！生日月吃得太多，真的要忍口了，所以只是淺嚐，已經覺得好滿足。
個人覺得今次的體驗不錯，最緊要餐廳環境好舒適服務貼心，座位安排不會「有咁迫得咁迫」，每張枱有空間走動，而且晚上 6 時 30 分後可免費入場，不用擔心入場費（其他動物設施、機動遊戲、景點及禮品店並不開放)、免開瓶費、惠顧美食滿全單港幣$500 或以上即贈送一張 4 小時免費泊車優惠券，全單惠顧滿港幣$1,000 或以上即贈送兩張 4 小時免費泊車優惠券，如此類推。
值得約埋朋友仔帶埋靚酒，一齊遠離繁/煩囂，又不設限定用餐時間的餐廳慢慢傾慢慢嘆返餐。
#不是食評 #港女飲食誌 #foodie #thaifood #泰國菜 #oceanpark #gingergrill
蜜糖薑汁燉蛋 在 今次就加左幾滴濃縮薑汁! - فيسبوك 的推薦與評價
秋冬暖笠笠- 滑嘟嘟-薑汁-冰花燉蛋 已附食譜- Video 支德國FORTE - 多用途有機超濃縮薑汁—》除左薑茶、糖水、炒飯、坐月、薑汁撞奶、炒菜、甜品、 ... ... <看更多>