《蝕日風暴》好睇過《兄弟》
晚晚都有睇新台慶劇《兄弟》，但晚晩都感到失望，作為典型的一個男性觀眾，一向見到槍戰、打鬥，飛車同性感，例必望多兩眼，以頭五集來說，暫時沒有性感這亮點。睇慣港式槍戰片，一早習慣左主角就算揸住支左輪，都可以射死二、三十人，但最緊要開槍過陣夠型咯！而幾難得套劇唔少槍戰，但都拍得麻麻，唔夠刺激感，搞到無乜心機寫！
《兄弟》第一週响菲律賓有唔少槍戰同飛車，而VIU《蝕日風暴》第一週也有不少槍戰在馬來西亞發生，兩套劇都有國際刑警，難免要放在一起比較。《蝕日風暴》的監製梁家樹、總編審歐冠英都是出身於大台，再加上有不少前大台演員參與，所以，看起來的感覺幾熟口熟面，同睇大台嘅劇集差不多。《蝕日》是套總投資一億八千萬的大製作，相信《兄弟》八千萬未必有，所以在演員卡士、場面、製作，去到攝影較色各方面，都比《兄弟》優勝，《兄弟》已經全實景同換左部較好的攝影機製作，但製作上始終不及《蝕日》，比較這方面有點不公平，不如比較頭五集的劇本編排。
《蝕日》首週主線是張智霖同王陽明聯手押解毒犯頭子盧惠光到馬來西亞，但一落地，犯被劫、王被擄，張智霖被懷疑，返港後越押偷渡回馬來西亞救王陽明，被全港通緝！最終更變成疑似槍殺了王，被王未婚妻薛凱琪親到身馬來西亞追兇，而幾經辛苦，在得到梁靖琪幫忙下，找到真相，救回王陽明，洗脫嫌疑！這五集劇情雖然有不少人物介紹位，但主線明顯，追看性強，就算無興趣睇晒全套35集，頭五集是可以推薦的。
反觀《兄弟》，頭一個星期劇情有點散亂，欠缺有追看性的主線，不合理嘅位又多，第一集王浩信到菲律賓遇上仇家，幾純粹為了堆砌槍戰同飛車，仇家目的是殺死王浩信，在鬧市截停他的車時，已經可以殺了他，唔駛又綁架、又要掟佢落街，又要再槍戰多次，最終主謀死埋！我明主角唔死得，但可以安排得合理啲！第二集主要介紹伍允龍同朱晨麗，不過兩個角色都出事，伍允龍躁狂到過晒火，去到要睇精神科嘅地步，over晒！真係覺得佢嘅演技handle唔到個角色，應該同楊明對調角色，一味cool唔出聲無表情，可能更適合佢。朱晨麗最出事係啲粉紅色外套同手飾，成個OL咁，唔似國際刑事，陳庭欣仲似過佢！今集場飛車又麻麻，要到尾崔建邦真正身份曝光，先有番睇頭！第三集算係成個星期最好睇一集，但蝦碌位在現正一般都知道國際刑警不能在別國揸槍執行任務，《蝕日》都有提這點，但呢度無提過便揸槍執法，最終仲累到崔建邦枉死！第四集最好笑係王浩信在槍林彈雨下，救番人質Sitting 姐（江嘉敏)同Rosa時，Sitting第一句對白居然係追錢，違反常理，而另一個兒戲位是Rosa一條紋身，好簡單、無解釋，就可以搵到一個可以監控全人類唧系統，這𥚃兩個可能性，一是編劇覺得太複雜，解釋觀眾都唔明，費事講。二是他們也解釋唔到，所以hea過！而這條監控系統線去到呢度突然斷左，變左去打拳，先有王浩信打擂台，之後有出左事，被投訴嘅劉穎鏇打死豬，而第四集真豐富，結局仲整個珠寶失竊俾大家睇！第五集主要講Sitting被懷疑監守自盜，不過想提提監製，航拍機幾嘈吓，無理由咁近都唔會被發覺，而且更無可能清楚收音，然後全集主力交代Sitting身世，另一部份交侍劉穎鏇出場。
《蝕日》可以簡單一小段清楚介紹出頭五集劇情重點，而《兄弟》講左成大段，自己都覺得寫到散修修，都講唔出重心，劇本問題在那𥚃，相當清楚！就頭五集去比對，我推薦大家睇《蝕日風暴》嘞，反正都係可以免費收看，梗係睇套好啲嘅！
#蝕日風暴 #兄弟 #VIU #TVB #台慶劇 #梁家樹 #歐冠英 #林志華 #葉天城 #張智霖 #王陽明 #薜凱琪 #梁靖琪 #王浩信 #楊明 #伍允龍 #朱晨麗 #劉穎鏇 #江嘉敏
蝕 日風暴 第 二 部 在 [閒聊] 蝕日風暴，ptu機動部隊- 看板HK-drama - 批踢踢實業坊 的推薦與評價
https://youtu.be/d6PX5rIBAXI有台灣第一帥王陽明，而且也是講國語，我覺得還不錯，
Ptu沒有粵語的預告就不放了，終於有林峯的時裝劇了。
--
※ 發信站: 批踢踢實業坊(ptt.cc), 來自: 36.227.132.175
※ 文章網址: https://www.ptt.cc/bbs/HK-drama/M.1537343003.A.DC0.html
... <看更多>