有冇小朋友唔鐘意刷牙？
Timtam仔一直都唔鐘意刷牙，我用過好多方法，軟功就會同佢解釋點解要刷牙啦！有蟲蟲架要將佢地刷出黎，又試過買佢最鐘意的車車圖案牙刷啦，又試過用有關刷牙的圖書同佢講點解要刷牙，硬功當然唔少得鬧佢啦！但係所有方法都只有一兩日見效，好快佢又故態復萌，我最想見到佢可以主動去刷牙！
都係繪本有最大魔力，真係一本圖書就KO我呢個十月懷胎的阿媽講十萬句呀！
呢本刷牙書有少少唔同，以前的刷牙書係好似「刷牙程序書」，講刷牙要做d咩！今次呢本刷牙書係有故事性，講述兩個小朋友發夢去左牙齒王國，點知遇上蟲蟲兵團，蟲蟲兵團食完牙縫上的食物就會在牙齒上屙屎！之後兩個小朋友被蟲蟲追擊，佢地大聲求救，牙刷兵團終於派出牙刷飛船去拯救兩個小朋友，將全部蟲蟲一次過刷走哂！
講完我就問Timtam仔，記唔記得爸爸朝早話你口仔好臭臭？就係蟲蟲係你牙齒上面食完野痾左屎屎，你又唔刷牙刷走佢哋，所以咪好臭臭囉！
Timtam仔即刻拉住我的手話要去刷牙，今次係咁耐以黎佢最認真刷牙的一次，仲有仲有，佢一直唔太識將水吐出黎，今次終於吐得出喇！
真係好多謝呢位作者，創作左咁有趣生動的刷牙故事，成功將刷牙的重要訊息傳俾小朋友，如果想知書名，可以係下面留言，我就會pm資料比你😉
✨估唔到大家都好有興趣，下次再分享更多好書比大家😊
#刷牙好重要
#蟲蟲兵團
#有創意
#牙刷兵團
#圖書 #繪本
#好書推介
