我將會停止供稿給其中一個專欄了,意味著又沒有了其中一個收入,我第一個反應是:「Any Sugar Daddy?!」
半年了,今年三月時我接受蘋果果籽的訪問,記者問我:「你諗住試幾耐呀?」我答:「半年啩……」然後,半年咁就過咗。
呢半年,好好彩地得到同唔同品牌合作嘅機會:永明金融、Blue、道地、家福會、救世軍、青年協會、海外升學中心、日本文化協會、褪黑激素、美白牙齒、靜電貼,單係保險公司都有四間、社福機構都有三間,應有盡有,真係好多謝佢哋搵我做嘢。有品牌直情同我講,以前唔敢搵我,而家終於夠膽搵我了,原因係以前佢覺得我係航空公司代言人,同我著住制服嘅傭仔合作,好似幫緊間航空公司宣傳咁,好怪,都唔知應該同我傾定同我公司傾。
雖然好似有好多機會,但其實我每日都想放棄,冇穩定收入令到我個人變得好悲觀,成日憂柴憂米,成日會諗:呢個月有job姐,難保下個月都有job㗎喎!一杯水,我總係會見到仲有半杯係空。
呢半年,仲畀我發覺到自己原來性格上有咁多盲點,係我以前做空少時完全冇察覺。以前做空少,生活真係好簡單,只要跟住個更表飛,個個月就有固定收入,相對嚟講個人算係被動嘅。以前嘅我甚至係好不屑賣廣告,冇?又餓我唔死嘅!我仲可以飛世界各地飲飲食食。毫無疑問,空少呢份工除咗係我嘅comfort zone,亦係我嘅擋箭牌,佢幫我逃避咗好多嘢,畀我可以活係一個美好世界入面乜都唔洗理。
呢半年,好多時都要硬住面皮去同人傾嘢,甚至搲爛塊面去爭取一個機會返嚟,對於骨子裡有藝術家脾氣嘅我嚟講,真係好難。除咗覺得自己要放低高貴嘅身段去迎合個商業社會之外,過程亦不斷令自己發覺自己原來係咁唔識同人傾嘢、咁唔識去social、咁唔識同人build up一個愉快又長久嘅合作關係。以前不屑同人合作,到而家面對人哋聽完你嘅proposal然後已讀不回,除咗覺得係報應之外,就係覺得自己真係好廢。
做空少嘅時候,我嘅夢想係:可以keep住飛,keep住創作,一年出一本書,雖然航空個題材好窄,冇咩突破,但飛同埋創作都係我鍾意做嘅嘢,所以我已經心滿意足。行上全職創作呢條路後,因為肺炎冇得飛,冇咗靈感來源,我仲靠咩去支撐我嘅夢想呢?呢個問題我思考咗好耐,如果淨係靠錢、靠多唔多job呢個物質層面,我諗唔會支撐到好耐。
呢個時候我諗起今年年頭我喺D2 Place擺嘅《空中飛傭告別年宵》,其中有一日Now TV嚟訪問我,記者第一個問題係問:「你可唔可以介紹一下你個品牌係賣乜呀?」於是我就有點措手不及咁開始介紹:「我個品牌叫『空中飛傭』,因為我正職係一個空少,所以我嘅產品都係同去旅行有關,全部都係自己畫、自家設計……」之後我睇返playback,我見到一個身材瘦削嘅小伙子喺鏡頭面前,好似好有自信咁介紹緊自己個品牌,唔知點解覺得有啲感動。過去五年,特別係近呢半年,無論過程入面覺得自己幾咁廢,幾咁冇資格,去建立屬於我嘅品牌,然後畀人認識,就係我一直堅持緊嘅嘢。
最後多謝嘅,就係你哋啲Likes。我份人係好膚淺,冇你哋啲likes,可能我一早已經去咗求奇搵份工做,唔會再經營呢度,唔會再經營呢個夢想。多謝你哋冇因為我轉型而unfollow我,多謝你哋繼續留低睇我啲低能無聊漫畫,多謝你哋咁明白事理、咁高汁,多謝你哋話就算畫嚿屎都繼續睇、廣告照Like,成就咗一個小伙子嘅夢想。(音樂響起:成就了登上懸崖峭壁的女子~)
同以前做空少唔同嘅係,而家嘅我創作要諗埋謀生,考慮嘅嘢多咗,過程中亦有好多發現同成長,但係我唔會放棄,因為有你哋支持住我。同埋,我想證明嘅係,
原來喺香港做創作,係搵到食㗎!
講完!冇咩事我返出去搵sugar daddy先!
褪黑激素美白 在 Re: [閒聊] 褪黑激素的作用- 看板BeautySalon - PTT網頁版 的推薦與評價
... 手動更新因為我發現雖然大部分的人都知道不是美白但好像很多人以為褪黑激素是 ... 櫃姐跟我說褪黑激素的作用是美白我驚嚇到不能自己: 難道褪黑激素不是我所認知的 ... ... <看更多>
褪黑激素美白 在 關於美白這件事 - 美妝板 | Dcard 的推薦與評價
最近開始發現黑真的是一件非常糟糕的事(對我來說啦~),因為我真的很黑, ... b6 呃照光是會減少褪黑激素分泌不過褪黑激素對於人類體色沒有影響影響 ... ... <看更多>
褪黑激素美白 在 [問題] 退黑激素? - 看板Nurse - 批踢踢實業坊 的推薦與評價
上了一個月的大夜
覺得自己老是精神不濟 頭昏眼花
記得以前唸書的時候 老師說過
像我們這種長期輪三班的護理人員
最好的其實不是ativan 也不是stilnox
而是低劑量的退黑激素
今天報紙剛好也有提到
我真的長期為睡眠所苦ˊˋ
想請問板上的姐妹們
有用過退黑激素嗎?
藥局真的買得到嗎?
謝謝!!
--
╮ / *╭═╮ ║ ☆ ╮ / ╭═╮ ║ ╭═╮ *
║﹤ ╭═║ * ║ ║﹤ ╭═║ ║ ╭═║
║ \ ║ ║ ║ ║ * ║ \ ║ ║ ║ ║ ║
╰ ╰ ╰═╰ ╚══ ╰ ╰ ╰ ╰═╰ * ╚══ ╰═╰
https://blog.yam.com/user/kalikala.html
--
※ 發信站: 批踢踢實業坊(ptt.cc)
◆ From: 122.121.235.13
... <看更多>