論堵路:「阻L住我搵食!」
今時今日,仲有很多人唔明白「佔中」佔黎為乜、而且覺得示威者霸住左條馬路係「堵塞交通」、「令人搵唔到食」嘅人,不妨花幾分鐘睇一睇我呢篇文。希望你地透過文章、同人討論之後,可以了解更多。
首先,大家要正名,運動名稱已經唔係「佔中」了,而係用外國傳媒所稱的「雨傘革命」(Umbrella Revolution)。「佔中」已經公開宣佈了兩次撤退,而現在聚集的群眾都是自發的,並無任何人可以號召/領導/撤退、亦沒有所謂的「大會」。「雨傘革命」最可貴的,就是年青人因為出於對社會不滿而自發的動力,這眾多微少的動力集合起來,成為一股超級巨大力量,足以令國際焦點都關注香港。
如果你對政治豪無認識,平日完全冇留意、冇去思考清楚的話。大家一定先入為主地覺得:
「頂!班友仔坐晒馬路上面,塞住晒條路,有咩野唔可以同政府慢慢傾先?點解要阻人搵食先?駛唔駛去到咁盡呀?」
如果係真係咁諗的話,咁我都希望你地諗下,點解又會咁多人真係唔理人地搵唔搵到食,塞住條路唔俾車行過?唔通個個都傻左,放工好得閒日日都走去佔路?
若然大家唔去嘗試諗清楚,或者主動同身邊的人討論一下的話,你係永遠都唔會明白,救你唔到。不過如果你有一絲一丁點態度,真係想了解下的話,我今日先開個頭,就同大家講「堵塞馬路」問題,希望你地多多反思。
打左咁多字,入正題了。首先,示威者所佔領的,都是香港九龍的「主要幹道」,並唔係「唯一幹道」。先以運動最先的爆發點:夏愨道、干諾道中為例,佔領發生之後,傳媒經常講到交通點塞點塞,又訪問下唔同市民講下點樣搭車然後返工遲到等,當然被訪者的立場soundbite,在電視台黎講,已經篩選過了。事實上,佔領發生之後,我依然日日駕車去港島,老實講,條路係暢通到爆!我差不多日日都係繁忙時間都用以下路線周圍去,再者,如果真係得一條大道俾人塞住左而完全冇其他路去另一區的話,咁樣樣香港又點會咁容易做到國際大都會?唔好又信晒TVB播住果條十九警方談判專家老點,又話點阻人搵食,根本就係亂UP。
以下係我親身體驗的路線,到香港島各區都冇問題,就算我真係試過遇到塞車,都係好輕微,因為近排好明顯少左好多人在港島渣車,亦都少左好多警察抄牌。
如果我要去銅鑼灣、灣仔,其實紅隧已經唔多塞,可以照用,因為港島SIDE的告士打道基本上冇乜車,好多人都知道去到盡頭都要轉返入軍器廠街再入駱克道謝斐道等,呢條基本上係去灣仔中部既路線。
至於灣仔北,出左紅隧口,即靠右的話,去到港島SIDE,就算塞,都同平日一樣距離,唔關佔路事,唔好學傳媒咁乜都賴晒落佔路度。
而想去灣仔南,即係皇后大道果邊既朋友,我覺得紅隧、東隧均可用。用紅隧的話,去到港島選跑馬地線,都係果句,塞車都係好似平日咁,甚至我又覺得冇平日唔佔路時咁塞添!落到禮頓道,你想去邊都得!用東隧的話,可以跟返條線去跑馬地,又係禮頓道前面落橋,再轉入皇后大道東。你要去中環半山甚至上環的話,上埋堅尼地道仲得,再唔係就走外邊,用龍和道,又係好快到。
至於去銅鑼灣,用東隧,可以在炮台中位置下橋入英皇道,之後可以直通禮頓道,快到變態!
好啦,九龍呢邊又點呢?示威者主要都係佔領左旺角亞皆老街彌敦道十字路口。呢個位置無疑一定係旺角的中心點,不過我自己都覺得就算俾人佔左路,旺角都有好多alternative路線可以走,唔好又聽人亂講又話阻人搵食。我從新界入黎九龍,用尖山隧道,一般黎講,沙田出旺角,我只係用左十幾分鐘,有時仲快D。就算係有人佔左旺角十字路口,尖山都唔會多左好多車。出左尖山,可直入油麻地果欄果邊,再轉入砵蘭街,快到你喊!
由觀塘果邊去旺角的話,我建議走太子道西,去到旺角警署果邊,就直入上海街,一係就左轉洗衣街,又係冇堵塞問題,佔領左個十字路口,絕對影響唔到。由尖沙咀去旺角?咪玩啦,彌敦道一向唔塞,去到眾坊街左轉,跟住你去邊都得,再唔係咪搭地鐵囉,又冇停駛。
睇左我既路面分析後,駕車的你會唔會了解多左呢?冇駕車的你又會唔會解開「堵路」疑惑呢?
所以話,唔好再信傳媒講話點塞點塞,自己親身感受下啦。
再講,實際上就算駕車暢順,傳媒同警方要做到輿論賴示威者,點都可以做你!
例如救護車、消防車等,基本上示威者見到都會好快讓路俾呢D救援車輛行,唔係好似新聞講到暴民咁,你冇上街睇下問下,坐係冷氣靠上網睇電視,梗係唔知實情啦。
又例如前幾日先有好多人話交通擠塞係有警員在某些要點故意欄截「製造堵塞」,做到好似好塞車咁。其實,而家大家見到條路有返咁上下塞,就係賴落示威者佔路,關咩野事呢?有好多位平時都係塞到爆架啦!
又例如,好似金鐘道咁,冇錯示威者係佔領金鐘,不過只係干諾道、夏愨道一帶,示威者係冇佔金鐘道的,條路封左,搞到好似好阻定咁,又入左示威者數!唉。
所以咁講,佔路,其實意思係要用黎威迫政府讓步,實際上係唔會對交通暢順構成重大傷害的。佔領左幾條所謂主要幹道,都係要手握籌碼用黎同政府談判。政府其實都明白根本果幾條路影響唔算好大,所以先唔理你,然後就係咁打輿論戰。但點解示威者都要佔呢?一黎係一個政治表態,佔據金融中心主要樞紐,喚起大家關注;二黎就係,你班港豬唔SUPPORT囉!如果港豬多多留意政治,示威者唔駛去到呢一步,之前好多機會,加上社會多左關心政治既人,個政府晨早就反左啦!
就好似如果少左港豬,多左人關心政治,就會有多D人去佔路,甚至可能佔埋其他路,例如皇后大道、龍和道、堅尼地道等上中下路,咁就真係斷晒港島龍脈啦,到時你又睇下政府會唔會咁寸唔理你?不過要做到咁樣,就真係要好多好多人,個民怨係已經去到極點先可以。不過香港咁多港豬,到時本來佔路係要用黎威迫政府既手段同籌碼,最後因為D人太保守,又會俾人話過份了,香港人,真係衰在港豬太多了。
真普選未有,金銅旺要堅守!希望你地快D醒,清楚香港而家發生乜事,幫手佔路,話俾個政府聽,我地要真普選!
#hongkong #umbrellarevolution #occupycentral #universalsuffrage
西九龍中心點去地鐵 在 Dragon Centre 西九龍中心- Hong Kong - Facebook 的推薦與評價
日期: 7月21-23日時間: 上午11時至晚上7時半嘉許典禮日期和時間: 7月22日上午11時至12時15分地點: 西九龍中心一樓大堂(深水埗地鐵站C2出口) ——————————————— ... <看更多>
西九龍中心點去地鐵 在 【超搵路】長沙灣地鐵站去西九龍中心Dragon Centre - YouTube 的推薦與評價
西九龍中心 #深水埗#長沙灣其實去 西九龍中心 有好多方法,其中比較舒服嘅係由長沙灣站慢慢,由側邊行過去。好處係冇咁多人冇咁迫,拉着行李或者拎住嘢推 ... ... <看更多>