Facebook神探太多，識少少扮代表的人也太多，有禮貌的人又實在太少。
有朋友send一篇輔仁媒體有關我最近拍過嘅微電影廣告，其中提及到3:27呢個時間。導演監製甚至譚仔老闆都同我再三確認呢個係咪值得慶祝的時間。呢個時間其實係微電影中嘅彩蛋。估唔到真係有人問起，平時好少回應，今日想分享一啲游泳訓練知識，#開講啦~~
呢個時間字面上並唔常見，因為呢個係我練短池十個三百自嘅平均目標時間。每一個訓練都有佢既目的，至於片中點解係三百唔係四百；第一係令訓練有多一啲變化，第二可以延長高速度嘅時間。微電影係以我目前訓練為藍本，所以唔係就咁衝一個單次嘅時間。如果只係衝一個三百米，得到嘅強度耐力效果唔高，我教練同我追求嘅係平均速度。加上我係嗰種比賽游得快過訓練嘅泳手。簡單啲講，即係從來冇喺訓練時，游到過我任何一個最佳時間，變相攞比賽時間作對比就變得冇乜意思。
我知道筆者一定係運動愛好者，如果唔係冇可能識得揀出香港目前最快最叻嘅自由式泳手嚟同我作比較，但係用錯左距離同項目：接力同個人項目比較亦唔公道。
再再再重申多次，點解我要「拋頭露面」出嚟做咁多運動員本分以外嘅事，係因為我有一個機會去嘗試用運動員身分接觸幕前工作。我只係其中一個例子，亦希望令大家開始喺香港見到更多運動員嘅身影。我相信只要俾機會佢哋，就會有多樣性嘅發展可能。
最最最後其實幾感動有呢種會用運動角度嚟評價的人。至少他仔細在意過我游泳成績，還會翻查紀錄，代表有人慢慢嘗試真正了解體育。
#他真的很愛我
#收到哂
#多謝你嘅生日禮物
#順便祝我生日快樂
譚仔老闆 在 高層斷尾滅蔡天鳳？洗錢馬仔已入監；百密一疏的報應？顛覆 ... 的推薦與評價
洗錢馬仔已入監；百密一疏的報應？顛覆常情的關係； 譚仔 竟是中日合資， 老闆 是「創業教父」；蔡案錯綜複雜，三線均指向中共【新聞看點李沐陽3.4】. ... <看更多>