「寂寞就寂寞，逐漸習慣…It's over now。」
七日不見如隔一週，只要每日慳下買一杯咖啡
既錢，十日後就可以買到十杯咖啡。但你又
知唔知點解我咁慳？正所謂若要人不知，
只有你先知。咁如果霍金未死，佢係咪應該
仲在生？所以比個機會我時光倒流，我一定
會再次返黎「時光逆流」，it's time for me
to let you go。
-
📌定 食 -
▪ 日 式 餃 子 定 食 - $128
▪ 三 文 魚 王 定 食 - $158
▫ 分別同朋友試左兩款人氣定食，前者「日式
餃子·定食」用上日本頂級餃子，層煎到非常
薄脆，裡面豬肉食落濃香入味；配搭日式素麵，
面頭放上炸蒜粒，麵條夠彈性，點埋用鰹魚
製成既素麵汁，鮮甜開胃；而「三文魚王·定食」
用上法式三文魚扒，配上餐廳自家製白酒汁，
每一啖魚肉嫩滑無比，連埋旁邊既蓮藕漬物
同埋高菜，成個感覺無咁油膩，唔錯。
-
📌輕 食 -
▪ 傳 統 法 式 多 士 - $68
▫ 仲有一款必食既「傳統法式·多士」，法包
全面浸過哂蛋漿，即叫即炸，大概等10分鐘
就上到枱，一睇賣相已經流哂口水；大廚係
面頭落左肉桂粉同埋蜜糖，法包食落金黃
香脆，比平時食既西多士更加鬆化，但反而
無果種飽滯感，相當邪惡。
-
📌魔 法 可 可 -
▪ 敞 開 心 扉 的 萬 靈 藥 - $68
▫ 其實呢杯係招牌特飲「玫瑰肉豆蔻·熱朱古力」，
用上法國92%濃度既黑朱古力再配搭新鮮摩洛哥
玫瑰，仲食到原粒可可豆，濃香既朱古力入口
非常順滑，中間仲有一大粒棉花糖，
綿滑有咬口，打卡一流。
-
📌放 低 一 杯 咖 啡 -
▪ 月 亮 與 六 便 士 - $88
▫ 呢杯新推出既「格雷仕女茶·奶冰」中間既
果粒冰用左牛奶製成，加上用左lady grey茶粉
同埋espresso做底，加埋朱古力，多種層次
集合埋一齊，百味交集；而額外會加多1 shot
espresso，比你fill多一浸，特別醒神。
-
📎 時光逆流 | Revtime
📍中 環 雲 咸 街 41 號 文 靜 大 廈 地 下 低 層
