Search
話你知，嘉賓無Mirror，無姜濤。黃牛唔好再呃鏡粉買飛！我哋要睇黎明，唔係要嘉賓！阿黎一向自我，唔需要咩嘉賓Talking points！唔該晒！🙏🏻🙏🏻🙏🏻
其實本身Mirror並唔討厭，但就係呢啲傳媒鏡粉硬要成日將佢哋拉埋落不同人去抽水，就真係會引起反感害咗佢哋🤦🏻♀️，由得佢哋自己好好發展啦。
大家亦唔好再話黎明請黃人嘉賓係黃啦，佢絕對唔係！做朋友請嘉賓不分顏色立場！只要理性不支持犯法暴力、做娛樂，何必分顏色？👍🏻
#黎明 #leonlai #真正民主請互相尊重
《 炒黃牛 》
政府計劃將炒黃牛列作刑事，我當然要發表意見。
首先，我唔明點解叫炒黃牛？唔叫炒水牛？
網上有啲解釋好牽強，話以前上海炒賣活動，成班人好似黃牛咁圍埋一堆，咁點解唔叫炒螞蟻炒綿羊？
黃牛黨，多多少少歧視我哋偉大中國人……
言歸正傳，而家對於「門票轉售」 活動，都有正反兩方面意見，有人認為犯法，亦有人認為等於投資買賣，同炒樓炒股票一樣，用自己嘅錢去博，有時賺錢同時有機會炒燶，自負盈虧。
我個人嘅睇法係，如果嗰張門票（或物件）要排隊三日三夜先至買得到，原本800蚊，我好鍾意但係冇時間去排隊，我願意畀多幾百蚊幫我排隊嗰個人，情況就類似以前發行嘅限量郵票或者一啲紀念金幣。
但係如果對方係經過特殊渠道大批攞出嚟炒賣，咁就應該拉人兼封艇，大家只需要去上環港澳碼頭睇下，每逢假期就有幾個大隻佬企喺自動樓梯口，拎住成疊飛炒賣，我唔明白點解長期以來佢哋都可以大搖大擺？
船公司點解唔理（?）、警察又唔理，網上調查炒賣就有排搞啫，呢啲有證有據點解冇人做嘢？
不過，又有另類船票轉售活動唔知有冇犯法，尖沙咀中港城碼頭，長期都有兩個阿嬸攞住一疊順德中山珠海船飛(應該係類似碧桂園住戶優惠團體票)，照面價減一二十蚊發售。
呢啲應該唔係黃牛，而係和牛……
李懂媽
《炒賣的領悟》
老實說，以前我是會買炒價的東西，不過這大半年，我決定了試試不買炒賣的手機、不買炒賣的模型、不買炒賣的波鞋、不買炒賣的演唱會飛(上年已經沒看五月天了)，正價買到就買、抽得到就抽，買不到就算了。然後，我發現．．．
「我、生、活、還、是、這、樣、過。」
我不會因為沒有了新手機沒法打電話、我不會因為沒有特別版模型、限量版波鞋而不開心、我不會因為沒去聽偶像的演唱會而沒有了其他的節目，而且．．．我還有錢剩下來了。
「擁有」與「得到」的欲望在最想要的時候是最強烈的，但當過了那一關，其實沒擁有也並不是很失望，也許，你也試過吧？
如果你說「支持一個偶像幾多錢都值得！」，我非常明白，不過，那些錢如果是給你辛苦表演的偶像是很值得的，但你多給的錢是送給了一個在炒賣的某人，這真正叫值得？
搵食啫，犯法呀？ 子華金句。
炒賣應該不是犯法，同樣地，不買「炒賣」也不是犯法吧？有時，不是有沒有錢的問題，
當然，也沒偉大到說什麼「原則問題」，亦沒有想什麼「不再助長炒風」、「別買黃牛飛」之類的，我只是純粹三個字．．．
「別強求」。
別強求，反而會想通一些事情．．．
「能夠得到固然最好，不能得到無需苦惱。」
生活也會過得更快樂呢？
「有天當你，沒再強求這麼多，
你會發現，生活還是這樣過。」
孤泣字
