今時今日嘅本地大學，有兩大票房毒藥，一係本地香港人，二係本地博士學位。點解？你睇睇THE（https://bit.ly/2F13f52）和QS（https://bit.ly/2sp6qB4）嘅計分機制，國際教員比例係重要指標，即係話你生係本地香港人，就已經命中注定係票房毒藥，你仲讀埋個本地博士學位，對視THE和QS排名如命嘅大學管理層嚟講，就係雙重票房毒藥。你只要望下各大學系助理教授職級，仲有幾多係本地香港人、有幾多係攞本地博士學位就知（記住，喺本地大學，嚟自中國嘅學者係計入國際教員嘅）。我呢度只係講緊排名機制嘅影響，政治因素呢啲嘢都未計算在內。
核爆都唔割，但行動策略要討論。大學梗係要光復，但叫手足走去讀本地MPhil和PhD，恐怕幫唔倒之餘，仲隨時搞到人失業收場。唔好做傻事。
利申：我就係雙重票房毒藥，本地香港人、攞本地博士學位（中大政政本科、城大碩士和博士），正宗土炮學者。我2013年博士畢業、同年入職教院做助理教授，兩年就幸運升為副教授，我恐怕係土炮學者嘅特例，全靠勤力狂出文狂攞Grants再加上好彩。但我當年搵工時，都俾人串過玩過歧視過，所以我可以話過你哋知，雙重票房毒藥呢樣嘢，因為我親身經歷過。幾乎每個月都有青年，走嚟問我讀博嘅嘢，我幾乎全部潑冷水，叫佢哋唔好有幻想快啲轉行（除左少數極具潛質者，我會傾囊相授，幫佢諗埋題目搭路去外國大學讀）。因為今時今日叫人入行，同推佢落火坑冇乜分別。呢啲嘢我每年都會喺高教公民Progressive Scholars Group嘅career talk同會員分享，如果連登手足真有興趣，我破例搞一場俾過你哋。
#唔該幫我貼上連登 #唔好做傻事 #走去做生意搞黃金經濟圈好過 #讀博 #博士 #PhD
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Follow me in social media
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
1. Facebook: facebook.com/brianfonghk
2. Twitter: twitter.com/brianfonghk
3. Telegram: t.me/brianfonghk
4. Medium: medium.com/@brianfonghk
5. Instagram: instagram.com/brianfonghk
走去做生意搞黃金經濟圈好過 在 51黃金良心圈| 「黃色經濟圈」幾個月間成為港人日常生活一部份，在 ... 的推薦與評價
「黃色經濟圈」幾個月間成為港人日常生活一部份，在消費層面撐起一眾黃店，但黃色企業決定公開「出櫃」，商業打壓隨即接踵而至。近日《蘋果日報》母公司核數師以「專業 ... ... <看更多>