荷蘭係咪真係冇嘢好食呢？
如果想一下子團結所有喺荷蘭嘅「外國人」，只要你一講到「荷蘭冇嘢好食」，即刻會有來自世界各地居住喺荷蘭嘅人紛紛響應。點解會咁講呢？原因係荷蘭嘅「地道美食」真係兩隻手數得晒。
呢一個講法主要原因係，荷蘭本地菜式少之又少，而且飲食文化同其他歐洲大國例如西班牙、意大利、葡萄牙同法國等地大相逕庭。
首先要講一講，荷蘭本地有咩食呢？
比較出名嘅「荷蘭美食」有下列幾個例子：
1. Herring 鯡魚（有時候會搬上洋蔥碎同酸瓜一齊夾麵包食）
2.Kroket 荷式可樂餅（源自法國croquette）
3.Bitteballen 炸肉丸（將肉碎加上薯蓉或者麵糊造成球狀炸而成，類似kroket，一般會係飲啤酒嘅時候一齊食）
4.Stroopwafel 焦糖煎餅，又叫荷蘭華夫餅，一般會配以熱飲如咖啡或茶
5.Kibbeling 炸魚
6.Roti 蘇里南煎餅
7.Olibollen 基本來講係荷蘭嘅冬甩
8.Poffertjes 荷蘭小鬆餅，有時會加上朱古力醬、奶油、新鮮水果或者雪糕一齊食(如圖！）
9.Stamppot 荷式蔬菜薯泥（以薯蓉同煮熟嘅蔬菜混合而成，一般會加上醃肉或者腸仔一齊食）
10. DUTCH SANDWICH 荷蘭嘅芝士三文治！ ！ ！
（當然仲有其他嘢食，不過唔詳細講）
如果細心留意，唔難發現以上講嘅例子，好多都係屬於「小食」。咁一般荷蘭人平時食咩呢？如果係午餐，好多人真係就咁兩片麵包，中間夾塊芝士，又或者加少少朱古力碎，咁就一餐。如果係晚餐的話，好多人都係食pasta或者Pizza甚至乎整一大兜薯條咁食。係呀，好多荷蘭人平日都未必會煮「荷蘭菜」嚟食。
呢一種飲食文化，令好多外國人不敢恭維。尤其是中午食荷蘭三文治嘅習慣；特別冬天食啲熱嘢暖胃，但係荷蘭人就會照樣將一個凍冰冰嘅三文治擺落肚。每一次我有外地同事出差過嚟荷蘭，基本上都會指定要求唔唔想食荷蘭嘅三文治，加上公司飯堂嘅嘢食實在太難食，所以都會帶佢哋出去食餐好嘅。
對西歐歷史有少少認識嘅朋友，可能會好奇，明明荷蘭有印尼同加勒比等地作為殖民地，理應有好多香料加入本地菜，或者有好多來自殖民地嘅美食。咁點解仲係冇咩好食呢？
江湖傳聞（其實都係啲當地朋友講俾我聽）就話係因為二次世界大戰嘅時候，荷蘭因為飽受經濟同埋人命嘅損失，好多原本用嚟整傳統荷蘭美食嘅材料同埋食譜都失傳。甚至有傳聞話Stamppot係由政府公務員發明出嚟嘅，因為做法簡單而且食材容易搵，一時三刻就整咗呢一樣野出嚟解決糧食危機。
其實喺阿姆斯特丹都會有一啲荷蘭餐廳，個別有一兩間仲非常之出名，而且啲嘢又真係幾好食。不過呢一類嘅選擇真係唔多。咁既然荷蘭地道嘢食冇乜特別，當地多唔多其他國家嘅美食呢？其實係有，而且喺大城市裏面選擇都非常多。筆者喺度住咗幾年，知道有幾間整得非常地道中國菜/日本菜/越南菜/意大利菜等等嘅餐廳。
不過相比起其他歐洲大城市而言，荷蘭餐廳嘅價格相對較高，而且質素唔一定好。簡單啲來講，就係識地方就會搵到啲好嘢食，唔識地方就好容易中伏。如果唔係疫症嘅關係，去一轉法國巴黎真係好方便，而且可以用平好多嘅價錢食好西。唉，不要再說了🤦🏻♀️
越南麵包做法 在 呂昇達老師的烘焙直播：越南法國麵包"bánh mì" feat.吳宗諺主 ... 的推薦與評價
表面噴水~表面割一刀烤（18～20分鐘） 越南 的法國 麵包 ，又稱為"bánh mì"，是 越南 美食中的經典代表之一。 ... <看更多>