已經踏入孕中期嘅我，就算肚仔凸凸，一聽到係為慈善，都決定一定要行出尼出一分力！
「善學慈善基金」 係由 趙太：趙曾學韞教授BBS太平紳士 和 趙善簪先生於1994年七月成立。基金名字取自倆人名字中的「善」及「學」而成，意思是「善學善人」，務求將籌得的每一分錢，發揮得更好。基金會成立宗旨為服務有需要的老人、孤兒、病患、殘疾人士和生活貧困家庭，僑房保育及文化推廣以及在自然災害中受災的難民。為建設更美好的世界作出貢獻 。
近年，「善學慈善基金」更致力資助兔唇、自閉症、過度活躍症等學童接受治療。
作為準媽媽嘅我，經過傾談了解，非常理解為人父母個種養兒一百歲，長憂九十九嘅感受，更何況孩子係需要社會有更多包容，認識同接納嘅兔唇、自閉症、過度活躍症等學童！
有時候，因為部分嘅佢地外表無異，其他人就會認為佢地嘅言行係無禮貌，無教養，甚至對佢地或者佢地嘅家人惡言相向！尼種無知，絕對會大大傷害左佢地嘅心，令佢地更加自卑，情緒更加起伏波動！
小小嘅我，希望可以透過更多嘅分享，得到社會各界人士嘅關注同正視！社會問題的確有好多，但請相信我地每一位都係一股力量，千萬唔好認為自己力量好少而視而不見，我地嘅每一句支持同鼓勵都非常重要！
感謝「善學慈善基金」，讓我過了一個有意義的晚上。
** 同 Uwants 昌昌 拍檔咁耐，好似係第一次一齊公開出席活動！記錄一下！
感謝「善學慈善基金」的邀請！祝願各位都能過上一個更健康，更開心，更有意義嘅人生！
#柔雅晴 #QueenOfTheNewYear
