關於 跑輸大市 ，我們在網路上蒐集到這些相關的討論、資訊與評價

9月季結及最後一個交易日 港股低開169點
中國9月製造業PMI降至49.6 錄得通縮
科技指數繼續跑輸大市 遊戲內容再被審核
恒大債務被美基金低級 恒大汽車被中策減持
Sky Finance 天富財經
#下午12點半入嚟請教投資專家

［今日寫呢啲］實情遲咗出，但反正放假，不如諗好啲先寫。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 留意下，在「國際視野」（本人定義），聯儲局加息固然已經冇乜人講，大陸鬥地主更由頭到尾都冇乜人講，講得最多嘅始終係恒大。

2. 最新發展？Patreon都有講，但部份大家都知。境內債就畀咗利息，但境外債未畀。係咪即時違約？當然唔係，你供樓都唔會遲交兩日就變銀主盤。但現實就係30日內會有轉機嘅可能極低。況且仲有之後嘅債息。過到十五都過唔到初一，照計極大機會違約。

3. 咁你問，可唔可以我只係還境內債唔還境外？對自己友好啲，等外資損手？答案，睇你點定義咩叫「可以」。特異功能都可以擋子彈，會死之嘛。你問做唔做得到？當然做到！而家咪做緊。問題係會有乜後果。

4. 詳情在Patreon入面講，但簡單答，就梗係不能咁茅啦。你啲債Pari-Passu架嘛（講句拉丁文即時好型）。固然你可以話境外債權都吹唔脹，清佢盤（如果可以）都冇用。但當然仲有其他影響啦，文入面講。

5. 第二個問題，你見啲評論講 咩Black rock 又輸幾錢 大劉又輸幾錢 內銀又輸幾錢，根本全部捉錯用神。由頭到尾個問題都唔係你地會唔會輸錢，有冇咁kai？由 螞蟻 滴滴 到 教育股，你覺得中南海會care你輸錢？至於內銀亦都食得起啲壞帳。真正嘅問題，係社會問題嘛。恒大由頭到尾都係社會問題多過金融問題。文入面解。

6. 另外，NIKE業績遜預期嘛，股價大跌嘛，我知。我有渣住添。定又出嚟鬧聽財演點你買股票搞到輸錢呀？唔想輸錢嘅，返屋企磨墨咯。我叫你買嘅股票，every single one 都會輸錢架，唔輸得錢嘅唔好買，記住唔好買。

7. 但講返，首先Nike我就梗係贏錢。然後記得上次大家都好興奮，上次六月出嗰時，despite 新疆棉甚麼，業績都好勁嘛，股價大升嘛。但其實係有影響的，只係北美夠補，同埋股價實在太殘，今年一路都跑輸的（即使包埋六月嗰一棍）

8. 今次嘅業績差，咩原因？大中華銷售唔得喎。咁到底係大陸人繼續杯葛定窮到買唔起鞋食緊樹皮，就你自己去研究，反正結果一樣。仲有，越南封城供應鏈受影響，出唔到貨。實情NIKE超過一半嘅鞋已經在越南做，仲有四份一係印尼，「不過而家可能會諗下又搬返大陸」

9. 更重要嘅係，我篇文個Excel幫你整晒Nike每一瓣產品 每一個市場，佔佢幾多銷售。例如好多人只係望到大中華銷售唔係好多，少過北美，亦少過EMEA（＊）—但增長好，同埋利錢好好嘛！一路都係銷售低過EMEA但賺錢多過EMEA的。

10. 咁即係點？咪Patreon入面講。但，「供應鏈受阻有影響喎」，梗係有影響啦，封城都有影響，加息都有影響。你打開門做生意邊日唔係好多壞消息？麥當勞Facebook之類鬧撚足幾十年啦，又如何？

11. 每日一圖嘅，第一個我最憎嘅技術分析．不過，見到恒指嘅上升／下跌比率跌到極端位了，以前次次去到呢啲位，之後都反彈。「但你點知今次都會？」。唔知的，你點知聽日你會起到身？你點知聽日太陽由東邊升起？你點知四十樓跳落去會死？可能唔會呢。但事實，真係唔知的。況且，會反彈不等於你應該買。

12. 第二圖，基金經理跑輸大市呢個，應該係常識。但仲有啲新嘅嘢睇到嘅。例如你見到，時間越久，跑輸嘅越多。有乜啟示？Patreon講

13. Good read嘅，第一篇話豆豉圖應該收工，指嘅係聯儲局嘅點陣圖Dot Plot，一粒豆豉代表一個官員。留意呢舊嘢歷史好短，我入行時都冇的，大約十年歷史。作者話好誤導，我又覺得好過冇。文入面有討論。

14. 第二篇，左翼嘢，不代表我同意，但幾時都睇多啲唔同觀點。丹麥麥當勞人工高（22美金個鐘）福利好（6星期年假），但點解？好多人條件反射就會諗：因為福利社會最低工資。但問得你當然唔係咁簡單，同埋，丹麥其實係冇最低工資嘅。已FC。況且，香港夠有最低工資啦，但你做銀行都未有6星期假啦（＊＊）。所以咁好福利，係另有故事的。

（＊）EMEA，歐洲中東非洲是也，扮晒嘢必學。正如EBITDA係earnings before I tricked the dumb auditor，AIG係Investment all gone，UNSW係University of Not so White，而NCAA係No coupon at all（呢個係真的）

（＊＊）本人後期係有的。但又講返，嗰時好多同時都放唔晒，唔知真係咁忙定扮忠心。我就話Q知你，幾時都放晒佢。就算做唔晒啲嘢，我放住假返公司做，同我朝早要準時坐低，係兩回事。不過又要講返，咁多年我預嘅老細，都冇乜點阻我放假的，即使好唔妥嗰個都冇。出面就唔係個個老細咁好了。當然另一重點係我冇小朋友，就唔使同人地爭暑假聖誕之類，「聖誕梗係返工啦」。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

［嘩啲大陸佬財富蒸發晒慘慘豬］擔心恒大嘅，不如顧掂自己先？

TLDR：驚？驚都冇驚過。台上一分鐘台下十年功啦。你著咗泳褲未？

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. BTW，你見阿富汗都打完，林作都打完，個「勞蘇基金」都未搞。係有原因嘅。有人以為唔夠客，都真係未免太睇少我，錢係有的。甚至反而係唔少人問我幾時起壇，仲急過我。但你又諗下，換著我早兩個月搞，一搞你啲錢就輸咗一截，你唔媽死我？咁就冇癮啦。我就唔time market，但啲錢係你架嘛！定你覺得換著我搞就可以逆市賺錢反手造淡？（不過，有可能我輸嘅錢少過你輸嘅，都重要的）。

2. 唔係話乜，但呢方面嘅良心我還是有。拎住你啲錢喎，壓力點同？真刀真槍落場去砌嘛，唔係日日講A股爆煲喎（結果遠遠跑贏恒指，嘻嘻）。講真我仲緊張過自己啲錢，因為我有定力，但你冇嘛。

3. ASML 跌4% 都有人嚟PM我啦。我畀大家一個魚蝦蟹式嘅統計問題：我渣住四五十隻股票，然後有2000個 Patreon讀者。設若任何一日嗰四五十隻有任何一隻跌4%，就有1%嘅讀者（即係20個）PM我，咁你估下我一日會收到幾多message？

4. 我Patreon週末篇財務自由文生不逢時，但冇所謂。升市個個都股神啦，有啲衰格啲嘅嫌我啲嘢升得慢添，Google（拿今次唔講ASML廢事你又話嚟講嚟講去得一隻）升幾倍都升得慢添，有乜好講？

5. 但實情就係跌市先要保心安嘛。有啲PM問我點好，但原來唔係Patreon讀者嘅，就唯有有禮貌地話知佢啦。平時就一舊水都嫌貴唔上堂，而家就Don Corleone Give me justice　點算好。平時教教咗你點算好咯。

6. Patreon啲讀者都嫌我煩，但今年我已經不停講「唔會永遠都咁順景」。正係跌市先見真章嘛。你見昨年二月美股都全部股神，一個肺炎打落嚟咪全部死晒。今年一樣，二月時推Facebook 都畀主持人話太保守，個個抄契媽功課，一樣好快就死晒。

7. 唔係我早知會大跌或乜，只係mean reversion，固然連掟七次雙數後下次單數嘅機會唔會大咗。但你今晚連掟七次雙數，好大機會聽晚冇今晚咁叻。我以為呢個係常識。

8. 本人並非幸災樂禍，我買港股都輸錢。問題係講咗N次，邊個叫你只買港股？邊個叫你30000點買20000點沽？

9. 嘻，買A股都唔使輸咁多呀

10. 搞笑在，個個都知大陸啲政策難以預測唔知想點，偏偏又個個中南海密探上身。咁，密探有冇教你上星期沽空長實？係呀，個個知大陸佬搵笨實呀，咁你又買晒港股？

11. 實則好簡單，都係嗰幾味。我唔係只買港股，唔係只係高位買，咁有乜好驚？當然港股部份都會輸錢，但其他（暫時）都夠冚

12. 何況，都寫咗好多次啦，你唔使妄想咩高位沽晒反手造淡（做到嘅恭喜你）。根本唔使諗埋啲咁嘅嘢，就算你做到你都唔敢玩得大，到頭嚟幾皮嘢執兩三倍又出嚟認叻。

13. 你贏嗰時畀人地贏得多啲，唔好買得少少，唔好10%走去take profit．輸嗰時輸少過人，唔好低位打靶，唔好買晒啲垃圾。咁樣玩幾個周期，就已經拉開晒啦。

14. 雷曼時刻？冇驚過。但亦唔代表唔會跌，唔跌亦唔代表你唔會輸錢。今年環球股市十個有八個都升（包括上證指數！哈哈哈），但都大把人輸錢啦。

15. 本人就絶不販賣恐懼，如果你長期輸錢或者跑輸大市嘅，你可以諗下，到底原因係乜。係你借錢？買得唔多？定係永遠先高位買入去？定係只係買港股？既然數字上話畀你知股市長勝，咁你輸錢嘅，總係有啲原因嘅。

16. 例如舊年3月我買美股，但你鬧我仆街死財演咁咯。

17. 大陸佬愛講，市場不缺錢只缺信心。我就不缺信心，只缺錢。

18. 驚都冇驚過呀。

19. 記住，跌市先見真章嘛，今晚Patreon寫，雖然都冇乜特別好寫。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

取消雙倍印花稅後的第一滴血 : 第2077成交(堅) 尖東加連威老道100號港晶中心1樓27號舖，建築面積約400呎，成交398萬。感覺5分位

(多謝中原 Raymond Fong 俾料 Tel: 9779 7189。好經紀! 買舖搵佢啦)

工商舖撤銷雙倍印花稅後的真正的第一宗商舖成交: 估唔到是第一滴血! 蝕讓! ?

原業主2016年4月以650萬買入，今早以398萬售出。持貨4年蝕39％。

地址是尖東加連威老道100號港晶中心1樓27號舖，建築面積約400呎，原業主叫價八百萬(吹水)，放了盤好耐，一減再減。 租金一萬元，已經有3%的回報。

此舖實用約14呎 x16呎， 一般街舖實用面積是約七成，商場舖實用是約一半，劏場舖則是約四成 (兩三成都有?，仲要企唔到人，無陰公! 最近尖沙咀首都廣場S154舖的蝕讓93.5%就是實例，建築120呎，企人空間只得16呎。13％實用????。)

這間舖位於一樓，舖無來去水(死穴)，成個商場本身也比較靜， 現在無埋自由行， 大檸樂! (你明我意思?)

此舖勝在走廊大單邊，近港潮樓酒樓入口位。398萬 OK la，我唔會買?

我身邊認識的朋友，買商場舖，常無乜好結果。

包括我爸爸在內， 他80/90年代在觀塘區炒好多樓，同時期有十多間地產代理(同區，唔同名)。 基本上就是「掛羊頭，賣狗肉!」?.... you know，表面上是代理，內裏是收盤/放盤，靠炒樓賺錢。Forgive him ... 嗰時「忠忠直直，終需乞食?」發財才立品!

嗰時我放學及週末，就成日跟住他及媽媽去睇樓。爸媽分開睇， 阿媽先睇，通常做「彈」到層樓一文不值嗰個。 阿爸就再出現， 「一啖砂糖一啖屎」，咁就成交。

嗰時，我爸爸基本上單單物業都賺錢，except one! 就是他1985年第一手以310萬從長實發展商買入觀塘麗港城商場的舖，位於1樓，建築300呎。持貨18年，2003年售出50萬。 蝕84％。該舖到今時今日都可能只是值約100萬。

從此他就同我講:「根興，以後唔好買商場舖!」

He is right! 我依家睇舖多過佢， 歷史證明 : 商場舖一般賺就賺少少，蝕就蝕多多。 升市: 跑輸大市。跌市: 繼續跑輸大市。WHAT KIND OF INVESTMENT IS THAT?!

接下來你會繼續睇到好多商場蝕讓個案出現， 已經蝕到好悶! ?? 商場舖是相反，「賺錢」才值得報道! ?

I love my Dad ????

李根興 Edwin

。。。。。。。。。。。

我剛開始成立個 Whatsapp Private Message List (Not group) 。如你想知道多些最貼市的商舖資訊及我個人分析，可以whatsapp我 (+852) 90361143，我可加你入 《李根興「堅堅流流」商舖資訊》 private message list。??

好多嘢唔方便公開講?

李根興 Edwin

【香港經濟日報】《iMoney》主編孫運喜表示，今日大市上升，主因小米（01810）升近2%，港交所（00388）亦升，而滙豐（00005）則先跌後回穩。不過，內銀股普遍跑輸大市，建行（00939）跌近1.5%。……（更多內容：https://invest.hket.com/article/2760831?r=mcsdyt ）

有仇必記 - 何志光
https://www.facebook.com/%E6%9C%89%E4%BB%87%E5%BF%85%E8%A8%98-%E4%BD%95%E5%BF%97%E5%85%89%E9%A0%BB%E9%81%93-Ho-C-K-Jonathan-107477263993422