【當月巴在晴朗的一天出發】
或許你覺得小題大作，但我還是想寫點甚麼。
當日張部長WhatsApp我時我先打個突，然後遲疑。
我太清楚自己，一旦應承了，那兩天——其實是那兩天來臨前的個幾禮拜我都必定勁緊張，緊張到瀨屎。
但我好快就應承。實在找不到原因不應承。
終於來到23號，星期四，一早起身，6點半左右就去到商台，咁啱見到張部長在大堂，說了聲早，便帶我去會議室，放低一疊Newspaper，俾我睇。
而那一刻仲未諗通那兩句Bite——其實有個大概，但未諗真，啲「嘅嘅呢呢」又未執順。其中一句Bite，我改咗三十幾次，又自讀了三十幾次。
好快到8點，要衝去錄Bite，再轉房，靜待開波——
超級緊張（幸好沒有瀨屎）。
第一天的表現我心知肚明。實不相瞞，的確好忟自己，點解做得咁衰，再不斷跟自己做思想調整。
第二天話咁快殺到，依舊6點半左右去到商台，入精神時間房，度和執Bite，搵新聞睇。8點，錄Bite，入房，等開波。
醉過方知酒濃，做過《晴朗》先知有幾困難重重，必需全程保持速度與激情。當做完第四節，是真心攰的。
我頂兩日已經咁，更何況三位主持？長年累月準時開咪兼且時刻保持速度與激情。
2021年9月23和24日這兩天，絕對難能可貴的體驗。
感謝雪雪KY全程Set波俾我，感謝留言鼓勵我的每一位。
#在晴朗的一天出發
速度與激情 在 #速度與激情- YouTube 的推薦與評價
#玩命關頭#速度與激情#東京甩尾18首經典歌曲#前15名Fast_and_Furious 18 #best_songs #Top15 #林BB東京甩音樂 · [ 阿云嘎/ Ayanga / Ayunga ] 《速度与激情》自制MV · 【微辣 ... ... <看更多>