（八十七.上）靚仔大晒
Ray係一個年青髮型師，主要晌尖沙嘴返工，佢外貌俊朗，身型高高瘦瘦，身邊好多人都話佢似歌手關智斌，係名副其實嘅靚仔。再加上自己做髮型呢行，自然就識得打扮下，有時戴住副金絲眼鏡，一臉認真咁幫客人打理頭髮，係幾屈機嘅。
但佢又從來無話發咩明星夢，有人試過話搵佢拍廣告，佢都話咪搞拒絕。細細個對剪髮已經好有興趣，由低做起，終於呢幾年有幸升做師傅。
而除咗剪髮，佢仲有第二樣興趣，呢樣興趣唔係人人玩得起，真係要有返咁上下「條件」先至可以駕馭到。
佢嘅第二興趣就係－媾女。
而且，玩得好叻。
男讀者先稍安毋躁唔駛咁激動，現實就係咁㗎啦，總有人可以成日換畫，成日有女撲埋黎；總有d人係無論你幾費煞思量，耗盡心思，只求遠遠守侯在旁，都只係換黎…對方嘅「膠都唔肯畀」…
「so sad, I know this feel bro.」
坊間成日都話：專注工作嘅男人就最charm。套用晌呀Ray身上，又真係啱嘅。Ray 剪髮嘅時候，成日都唔覺意電到佢d女顧客，唔係電髮夾嗰種電，而係眼神嗰隻電呀。
而佢把口又叻，可能無意間嘅讚吓，flirt吓，加個近距離嘅closeup對望，又得咗。
咁當然，Ray每一次都只係當一場遊戲，從來無諗過要認真發展。
.
遊戲總要有對手，而當另一方好認真對待，並唔想係「玩玩下」嘅話，悲劇就隨之發生。
Ray嘅最新女友，呀糖，同佢一齊咗大約兩個月後，呀Ray就開始諗辦法疏遠斬繿喇。呢兩個月，佢地嘅約會時光，無非都主要係上呀Ray屋企睇碟同搞野。
雖然唔係經歷過咩山盟海誓，但對呀糖黎講都已經sweet爆，可能Ray把口真係太叻啦，有時Ray又會晌屋企幫呀糖整下頭髮，對呀糖黎講，佢只係想無時無刻都痴住佢身邊就好足夠架喇。
上過若干次床後，呀Ray開始推說忙忙忙忙啦，無乜再點搵呀糖，呀糖打畀佢，佢又會衰聲短講快速收線，呀糖有時都驚唔好意思，怕自己煩，阻住佢做野，漸漸發展到，可能成個禮拜先搵到佢一次。
而嗰一次，主要都係Ray寂寞難耐，純粹半夜叫佢上屋企「睇碟」咁樣。
呢種關係維持咗好一段時間，呀糖漸漸變成咗佢個SP，呀糖當然唔想，但有乜辦法？要麼就永遠離開Ray，要麼就維持呢種唔健康關係…
唉。
呀糖自己都好嬲自己，點解要做到咁下賤？
男讀者睇到呢度可能已經掉櫈大嗌：「靚仔打L晒咩！」先稍安無躁，最躁的尚未來臨。
呢陣子，Ray哥緊係同時兼顧住唔同嘅女友啦，有一晚，呀糖終於按捺不住，去咗Ray屋企樓下等佢，竟然俾佢撞岩見到呀Ray攬住第二條女。
「我好想見你…」
「你咪癲啦，我地玩完架喇。」
不留半點情面，Ray拉呀糖埋一旁，狠狠就同佢講出真相。
「一路以黎都係玩架咋，你情我願！大家開心過咪算！」
「唔通…你從來都無愛過我？」
「你唔好再煩我喇，醒下啦小姐。」
呀糖嗰晚，就係咁，呆呆咁坐咗晌佢樓下個公園…佢好想喊，好想大喊一場，等傷心感覺可以發洩出黎。但原來，傷心不一定要流眼淚。佢一路呆呆咁諗，諗自己嘅戇居，諗自己嘅蠢。自己竟然蠢到一個點，以為呢個人會同自己一生一世，仲諗過，要同佢生小朋友。
一直坐到天光，佢死心喇。
而晌嗰晚之後，Ray 都無再見過呀糖喇，Ray又一次華麗甩身，成功無晒手尾跟。
佢以為乾手淨腳完。
點知呢家先至係領大鑊野嘅開始。
Ray 嗰排返工，成日見到幻覺。試過開工過陣，幫個客洗頭，通常d客洗頭時候都係訓晌度合埋眼嘅。咁佢洗頭，洗洗下，見到個客隻腳位嗰到有d野閃過，佢望一望，又無野吖，眼花？然後望返個客個頭髮嘅時候，佢發現佢抱住嘅嗰個頭變咗一個血肉膜糊一舊舊肉瘤晌上面嘅面孔！
嘩！Ray大嗌退後幾步，全店人都望住佢，佢再望返盤上面洗緊頭個客，乜事都無，正正常常。
又試過一次，佢同客剪緊髮，剪剪下，晌面前塊鏡見到背後副牆嘅暗角位置有個人企定定望實佢。佢覺得奇怪，眨眨眼，再仔細望，哦，原來係件剪髮袍掛起咗令佢有錯覺以為係個人啫。
定個神黎繼續剪，突然有隻手好似係佢身後面伸上黎，抓一抓佢正渣住較剪個隻手上面，嗰一下，嚇到９縮，一個唔覺意「咔擦」一聲剪咗落個客隻耳仔度，個客即場流血。
Ray終日都迷迷糊糊，神不守舍咁，經驗呢兩單野之後，公司都叫佢返屋企抖下，一來，怕佢係咪有病壓力太大，二來，都驚佢咁樣會嚇走晒d客。
咁好喇，就算返到屋企，佢都無日安寧。據佢所講，佢一閤埋眼，就聽到好多細路仔係佢旁邊跑黎跑去，好似捉依因嘅聲出現，一睜返開眼，就無晒聲，一合埋眼，又出現。佢沿住d聲周圍搵，無嘢，只有佢一合埋眼想訓，d細蚊仔嬉戲嘅聲又會再晌佢耳邊徘徊出現。
Ray成個落晒型，試過睇醫生，醫生又話佢無事，身體狀態正常。佢知道自己可能領咗大鑊野，結果晌朋友介紹下，佢搵咗個師傅睇。
唔睇由至可，一睇，師傅都話呢單嘢猛。
未完待續...
#tag定frd子寒一寒 #tag定靚仔朋友 #tag定迷迷糊糊的她 #少少重口味 #離奇 #鬼故 #鬼 #靈異 #不可思議 #靚仔 #離奇家遮 #恐怖 #文字 #口耳相傳的香港鬼故事 #香港
遊戲sp意思 在 [問題] EM，意思？ - 看板RO - 批踢踢實業坊 的推薦與評價
各位好～
已經 13 年左右沒玩 RO 了，最近剛好回鍋XD
除了一大堆物品沒看過外，還有新增的一堆新職業及任務
此外，感覺 RO 也多了好多專業術語（？
像最近這幾天玩家們瘋狂的廣播，EM EM 的
雖然我谷歌過，但還是找不到是什麼意思Orz
所以想請問各位玩家，EM 到底是什麼意思？
EM EM EMMMMMM
謝謝啦～
--
※ 發信站: 批踢踢實業坊(ptt.cc), 來自: 114.136.39.76
※ 文章網址: https://www.ptt.cc/bbs/RO/M.1469113258.A.E49.html
畢竟剛開始看到真的是滿頭問號wwwwwwwww
我年紀大了，有時會意會不過來，哈哈哈哈
雖然目前是還沒看過＠＠
這好狂……
感謝各位大大～～～
※ 編輯: EVE5566 (114.136.39.76), 07/21/2016 23:50:03
... <看更多>