蘋果日報執笠，老實講所謂接佢班嘅《立場》同《眾新聞》響新聞專業水平方面相差甚遠。我可以理解作為黃絲媒體，發掘政府醜聞心切，但唔代表未有確切證據之下就胡亂推論生安白造，咁只係會落得自己公信力受損下場。
好似《眾新聞》政情分析引述《明報》報導指，鄧炳強同李家超響面對記者質詢是否有接受恆大飯局邀請時拒絕回應，《眾新聞》記者就妄下判斷話「此報導引證政壇傳言，指恆大地產安排飯局，邀約嘉賓包括警務處長及保安局長，結果兩人沒去」
喂，鄧炳強同李家超拒絕回應《明報》查詢可以有100個理由，你《眾新聞》記者響無作任何查證之下，點可以武斷斷言「無回應即等同引證政壇傳言有接受邀請」呢啲執生草藥噏得就噏嘅尻估？
結果第二日鄧炳強再次接受記者查問時就高調澄清「從未接受過邀約」，但《眾新聞》對自己之前嘅推斷錯誤完全置身事外，連一個澄清啟示都無，試問呢啲點可以稱為專業媒體？所以話《眾新聞》一班記者只係比《明報》淘汰出黎嘅賣剩蔗，其實並無講錯。
黃絲圈中好鍾意留傳一埋口號例如：「面對極權的最大武器，就係堅持講真話」、「這個世界是需要一班講真話的人」，但偏偏無論黃標KOL定係黃絲媒體，佢地一方面缺乏去查證新聞嘅專業態度，另一方面亦明白一眾黃屍其實只係想聽自己想聽嘅故仔，而唔係客觀真相，所以有意無意之間就將一啲乏味新聞扭曲成各種陰謀論或者聽到黃屍出水嘅Juicy新聞，如果黃藍屍之間鬧假、鬧誇張風氣互相輝映，沒有誰比誰高尚。
至於香港一堆所謂「新聞系學者」有無就過呢種歪風講上半句？當然係無，因為指出黃屍想聽嘅真相無任歡迎，但指出黃屍唔想聽嘅真相卻係幫自己倒米，都係不了。
邀約嘉賓 在 Youtube 新增聯合直播邀請嘉賓做Live 更方便 - PCM 的推薦與評價
Youtube 為Android 及iOS / iPad OS 裝置帶來全新的 「聯合直播（Go Live Together）」功能，讓Youtuber 可以更容易邀請嘉賓或朋友一同進行直播。 ... <看更多>