<快過阿閃！5分鐘開刀無痛無腫剝牙記>
以下呢篇文，會改變你對睇牙醫嘅觀感，長文慎入
我同大部分新娘子一樣，知道自己嫁得出之後，除左揀婚紗，第一時間就想搞搞Ｄ牙。
當初係睇開個牙醫到（香港），差少少就箍左牙，點知出智慧齒，醫生話等佢出曬先，等左一排，睇睇下，咦？佢唔係未出曬，係生歪左😱
我朋友有返開大陸整牙，知我鍾意乾淨，話佢去開個間又平又乾淨，叫我陪佢去兼檢查下啦。
上到去，個環境未至於令我好不安，但可以挑剔嘅位實在太多……（奄尖病發）
循例叫我照張x ray，多謝¥160，然後講到我隻牙世界末日一樣………如果你唔剝嘅話……「你咁難搞呢，要搵個平日，一早，搵個人陪，避開經期前後……blablabla」
講真我想整嘅，但我又唔覺得自己係咁大穫，所以hea左半年，係呢半年間，我遇到幾個人都同我講同一番說話：
「我以前排牙同你一樣咁整齊，但唔理佢，依家疊埋曬一齊，要箍牙先得…」
講真，一兩個人講我唔信，之後有個比相我睇，我信鳥，但都未識驚……
直至早幾日照鏡見到，下面排牙真係有唔同到😱😱😱，同埋我已經好厭倦清潔攝係智慧齒嘅殘留物，所以不斷上網搵，搵到呢間，有幾個唔同嘅blogger都係話唔腫又唔痛（有相），重點係價錢合理同大陸個價差唔多！仲要係旺角中心樓上，點都好過返大陸啦………
一早做好功課，再打電話問下姑娘，姑娘話正常5分鐘完成，最多半個鐘搞掂，半個鐘？！
抱住半信半疑嘅我上到去，
環境光鮮，整潔✅
有空氣清新機✅
約4點，登記完4點05分入得✅（我約過另一間約2：30叫我3：45再返去，佢話2：30係“約登記”時間…………）
入到去，首先講幾句，睇下我張x ray，打麻醉藥，返出去等藥力發作（其間有個入去洗牙），拎定藥，姑娘講解術後護理，剛好入得。
整前一刻我仲同屋企人whatapp緊，完左比曬錢，等lift大慨1分鐘先記得同佢地報平安，望下個時間先7分鐘😱😱😱
扣除等lift碌卡，大概只需5分鐘完成2隻😱😱😱（一隻開刀）
重點係我今晚第三日啦，無痛，冇食止痛藥（對身體唔好架），輕微腫，唔講唔覺個隻，即晚已經食叉燒😂😂😂
講真我怕整牙都係驚冇啖好食，但乜事都冇，所以我極力推介！
至於洗費
正常智慧齒 $750
開刀智慧齒$2500
藥費 $200
X-ray $200（因為我有，所以唔需要，供參考）
其實以上洗費同大陸差唔多，但大陸有咩事冇得追究，而且如果手勢唔好，腫痛一星期或以上實屬正常。
個人心得
*去之前記得搽定滋潤Ｄ嘅面霜同潤唇膏，因為剝牙過程醫生係會 “蹂躪”你塊面同個口。
*醫生好少廢話，剩係再三強調要即刻敷冰，如果第二日腫就要熱敷,所以記得帶定冰袋
雖然半個鐘到我就冇左$3450，但換來身體受少Ｄ苦，又唔洗之後洗成5位數字去箍牙，其實係抵嘅～
如果大家有更好更平嘅不防開心share!因為我仲有一隻係牙肉入面……
#智慧齒 #剝牙 #鄧幹耀牙醫
鄧幹耀箍牙 在 箍牙一問 - 港澳日常板 | Dcard 的推薦與評價
同埋有冇人箍過葵芳新都會張業文同埋旺中鄧幹耀牙醫？價錢同手勢點樣？ 港澳版 · 香港 · 生活. ... <看更多>