今日係在酒店最後一日，同大家分享一下早上開窗簾嘅風景~~~
老實講，玩左十幾年、住過咁多間酒店，呢間應該係我最滿意嘅一間：我住過某五星靚酒店，個pool villa 嘅「泳池」係酒樓魚缸咁大，而且個池水係冰凍，真係夏天都可以跳落去唱句「冷得我騰騰震呀～～」而今次呢間，水溫好好，落水唔會覺得凍，每日基本上一起身就係開窗再直接跳落泳池 …
除此以外，我好鍾意呢度嘅員工，好多酒店嘅訓練係會搞到啲員工「驚」左個客，我係黎消費但我唔係黎搵奴隸，我覺得「尊重」同「畏懼」係兩個好唔同嘅慨念，而我去酒店最怕係後者，我寧願佢好似啲19酒店咁無視我，都唔想啲員工好似見鬼咁驚左我囉… 呢度嘅員工好好，每日早餐我地都會傾計，講下我去左邊、食左買左啲咩，佢地作為當地人有咩好介紹咁，去到最尾，我係連佢地幾點返工、一更返幾耐我都知道。當然，他們也很貼心，會記得我地坐開邊個位、餐飲飲開乜（例牌嘅泰國奶茶）。
當然，無完美嘅餐廳同完美嘅酒店，佢地有時都會蝦碌，例如有次我早餐飲石榴汁，一飲就有酒味那是代表了在室溫放久發酵了（在熱帶地區很常見），但成件事處理得好好。而我個結婚周年晚餐，其實甜品係上錯左，結果佢地再上多一次正確的，我食左兩個甜品，肥到我不要不要的。 我唔會動不動就「叫你經理出黎見我」，大家笑著打個圓場就好了。
還有太多、太多令人快樂的小互動了。在最後這兩天，我們在偷偷的抄下這些員工的名字，然後回家給他們酒店發封電郵，表揚和感謝這些職員的款待。
若果下次再來布吉，我很可能會再回來這裡，這間酒店真的太讓人感到愉快了。
#啲員工英文唔係極度流利
#所以我地有好多身體語言
#每日都好似玩遊戲咁解釋尋日玩左啲咩
#我老公有時聽完都係唔明然後問我佢講乜野
#我已經完全克服左泰國口音
#完全係一個泰仔咁款
