🦹♂️賭Sir：我嘅工作室同層有間補習社，無招牌嘅，但收到風係其他樓層某補習社嘅分店嚟，又係教數學。話說啱啱個Miss又鬧人鬧到飛天，鬧到小朋友喊，全層都聽到，精彩對白摘錄如下：
「你要玩？我就同你玩大佢！」
「成個暑假流流長，我就同你鬥長命！」
「我教咗咁多年，教過咁多學生，就係無一個好似你咁乞人憎！你話係咪？你講！」
「你以後再交啲咁嘅嘢畀我，我就見一張、揸巢一張，我就係咁狠心！」
「條題目得一個4，你何來寫兩個4呀？」
「你喊吖！我就要你堂堂都返嚟喊！」
社會就係咁現實，明知教育對自己仔女咁重要，但又唔肯花多啲錢落仔女嘅教育，唔願意請好嘅私人教師，就係會有咁嘅悲劇發生。所有教育中心，哪怕門面靚定唔靚，你想知好唔好，首先睇下佢出幾錢請教師先啦。有曬系統、有曬教材呢樣嗰樣，然後幾十蚊時薪，請啲九唔搭八嘅人教的話，最終自己仔女受返，怨都無謂。
#原本諗住錄音
#諗諗下都係唔好
#只係冰山一角
#重點唔係針對呢間嘢
#重點係對教育嘅價值衡量
