關於 金在中結婚 ，我們在網路上蒐集到這些相關的討論、資訊與評價

【龔成問答信箱】（Q16421-Q16440）

Q16421：

大師，我在投資路上錯敗了很多年，亦犯上了牛熊惡習，失去了很多很多金錢。我想更改自己。第一步可以如何做？

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，將每月的部分資金，去做月供股票，供盈富（2800），或其他優質股。對你來說，與其不斷買賣，不如月供，慢慢「儲財富」，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

第三，你下次投資前，寫低買入的原因及金額。

這可以令你買入前更加小心。

------------------------------------------------

Q16422：

龔成你好，之前吸取你的建議後，開始閲讀增加理財知識，並購入股票。

之前我分別購入500股1833(每股平均83.5）及300股9988(平均每股176)。1833最近不斷創新高，有感泡沫，考慮是否應該先減持？謝謝

龔成老師：

平安好醫生（1833）有長線持有的價值，不過，近期升得的確有點多，如果你擔心跌翻，可以放少少，但我建議點都有D貨長線持有。

至於阿里（9988），有長線投資價值，同時，部分持有無問題。

但要留意，你應該建議一個平衡的組合，上述兩股都是潛力類別，你應同時投資其他穩健類股票。

------------------------------------------------

Q16423：

龔成老師你好 想問下你點睇1753兌吧 雖然之前發盈喜 又有回購 但股價仍然不斷下跌 1753有無投資價值?

龔成老師：

兌吧（1753）主要係中國從事用戶運營軟件即服務平台，以及互動式效果廣告等業務，不過這刻仍處虧損狀態，只可以話分析不易，有危有機類。

這都算是潛力股，但風險較高，其實佢生意增長不差，只是未進入收成期，如果你睇好，小注好了。

回購只是一些輔助因素，股價長遠，終是睇翻企業的實質價值。最新的業績，處於虧損，這一定會對股價及企業價值受影響。

------------------------------------------------

Q16424：

Hi 成哥 想問下新秀麗呢個價買唔買得過？我怕佢會出現債務危機，但又見大行增持

比起京信2342 邊個更買得過？
thanks

龔成老師：

新秀麗（1910）好受疫情影響，相信中短期都會好弱，負債雖然有點多，但未去到去破產問題，我相信佢仍可以過關的。

不過，這股始終中短擊風險較高，因此不建議太大注。

至於京信通信（2342），發展正面的，不過近期有少少炒作，現價唔算平，等回翻D先考慮會較好。

------------------------------------------------

Q16425：

老師你好, 最近我看到一本書，""投資最重要的事-霍華馬克斯"，覺得寫得好好，連畢菲特都了兩次。

但當中有個問題想請教老師，他裡面講到尋找便宜的股票，要找一些過去報酬不好的及少人留意的。

最近我看到澳至尊-2031這間公司，需然佢最近停牌，原因澳至尊(02031.HK)公眾持股量過低，到我再睇番佢資產負債表同流動比率及速動比率算很健康

需然每股盈利最近呢兩年先正數，但最近又出盈警，由於我唔識估值，請問呢間公司算係俾市場低估了價值的公司嗎？

龔成老師：

「他裡面講到尋找便宜的股票，要找一些過去報酬不好的及少人留意的」，如果我地要找高回報的股票，這是方向，因為我都建議找「市場未發掘的潛力股」。

不過，這是有危有機的，如果自己的投資實力未足夠，投資一些較偏門的股票，風險就較高。

其實，我地一定要「選優質股」，而不是刻意找一些偏門股，只是，如果該優質股未有人發現，就能為我地創造高回報。

澳至尊（2031），質素只是一般，業務未有好大的增長力，流動比率健康，只是其中一些我地要求的指標。長遠的業務發展才是核心，這刻分析，投資值博仍是不足。

------------------------------------------------

Q16426：

老師你好，我依家35歲，月入4萬左右，太太冇做野有3個小朋友，有10萬現金做備用，平時開支都大一個月最多只能儲5千

想問我係如果我以月供方式供2800,1928,各2000係比長遠投資，咁我淨低既資金有冇中短期既值得投資呢？

定係我應該留低等機會再以一手手方式入2800/1928呢？多謝解答

龔成老師：

建議你以月依模式進行，盈富（2800）$2500，金沙（1928），長期進行，現時已經可以開始。

至於餘下資金，當你見到大跌市時，都可以適度投資，但不建議短線。要以長線為主，選優質股。

要留意翻，由於你是家中唯一的收入，同時負擔不少，所以你地應該持有一定的現金，唔好無現金在手。

------------------------------------------------

Q16427：

你好！我今年25歲，月入18.5k。

上個月開始左月供
2800 ($3,000)
2378 ($1,500)
1211 ($1,500)

現在持有
0014 1手 $25
1928 1手 $29.05

1)呢個組合可以嗎？
2)現金大概有7萬，想大跌先會用。如到時想一手手咁買，地產股如0012/1972適合我既組合嗎？
3)2378之前跌過落70幾蚊，想問便宜區大概幾多？

謝謝！

龔成老師：

1）可以，都是有質素，持有無問題。可以長線投資。

上述月供的，都是有質素的，可以長期進行，如果日後有更多資金，可以加大盈富（2800）及其他股。

2）適合，這兩股你都可以投資，但由於一手手買，每次都會用了一定的金額，而你現金數目不算多，所以要小心用，耐性少少先出手。

3）你預$80以下先開始平。

------------------------------------------------

Q16428：

老師你好,現時30歲,手上現金200,000,現有
9988 300股
1288 15000股
3 2000股
5 800股
1 500股

1269 10000股
1137 5000股
672 10000股

6 500股
1928 1000股
728 10000股

這樣的投資比例ok嗎,如再想投資,資金和資產的比例應該如何?那一類股票再投資/應該賣出?
謝謝多師

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，匯豐（0005）、農行（1288）、電能（0006），以你的年齡來說，並不適合。

首控集團（1269）多年出現虧損，投資價值不高。

至於其他股，問題不大。

至於$20萬資金，你可以考慮一些較穩健的股，如盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16429：

龔sir,你書中講的止蝕是咩意思，我不能理解，仲有，怎去了解股災？

龔成老師：

止蝕，我地會著重睇企業的質素，當企業出現一些核心性的不利變化，有些優勢已經沒有，質素下跌，賺錢能力明顯減少，就要作出止蝕，即是無論價格升與跌，都應該賣出。

原理是希望，整個投資組合內，都持有有質素的股票，無質素的，就要賣出。

至於股災，你最好去圖書館，找翻一些過往股市的書，記錄過往股災的。你要了解股災的前因後果，很多時都是過份樂觀，股市大升後，忽然出現股災的。

------------------------------------------------

Q16430：

老師您好，我今年25歲，計劃同男朋友三年後結婚，希望屆時的儲蓄能增值至120萬。

現有存款20萬，而我倆每月都會繼續儲$23,000。

現時計劃:

1. 把20萬存款中的5萬入盈富(2800)，5萬入煤氣(0003)，5萬入港鐵(0066)，2萬入比亞迪(1211)，2萬入中生(1177)，1萬入阿里健康(241)

2. 每月$23000儲蓄中的$3,000月供盈富(2800)，$3,000月供煤氣(0003)，$3,000月供港鐵(0066)，$1,500月供比亞迪(1211)，$1,500月供中生(1177)，$1,000月供阿里健康(241)，餘下的1萬則留作現金儲蓄，慢慢儲蓄留待股市大跌時入市

想請問你對此計劃有甚麼意見，投資比例及選擇是否合理？謝謝老師！

龔成老師：

1）你這些選股可以，不過，唔好用盡$20萬，你可以用$10萬，買入上述的股，按這比例就得。

大市現時在合理區中下部，你可以投資，但未到平，同時經濟不穩，大市隨時會十分波動，所以最好持有$10萬現金，等機會。不過，當你每月同時慢慢儲到現金，就可以加翻入貨比例。（簡單來說，就是希望你點都有$10萬以上的現金在手）。

2）可以，這些都是有質素的股票，你可以進行月供，長線投資，無問題的。

------------------------------------------------

Q16431：

你好,我是你的忠實讀者. 十分喜歡你分享的財務知識.

我是初學投資者.背景資料：
-35歲,已婚,月入$4.5萬.
-持有現金$20萬.
-持有物業市值$800萬, 欠銀行$400萬, 月供$1.8萬.
-每月儲$1萬左右.
-無做月供股票.
-有買保險基金每月$3000.

持有股票如下：
388港交 / 400股@$247
435 陽光房產 / 300股@5.05
9988 阿里巴巴 / 200股@$200

1.我應該用什麼投資策略做到財富增值？
2.點樣可以制造現金流, 達成財務自由？

感謝時常分享財務知識和理論

龔成老師：

你現時已有物業，在財富比例上，應該增加物業以外的資產類別，因此應該加大優質股的比例。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

你先從這方向著手，集中在「增值」的層面，如果無做月供，就可分注將資金慢慢入市，同時留有一定的現金。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16432：

龔成老師你好，我33歲係投資初哥。之前每月洗費大，又唔識投資，所以宜家開始努力學習財務智識。目標係5年後財富增值至100萬，想創業。

想請教以我現時資產配置，再加月供做法會唔會達到目標呢？

現在月儲9k, 現金60k, 另外有人民幣50k借貸俾一間小公司，2019下半年回報16%

保險每年供25k, 基金定投20k，都係未開始學投資前買落，宜家發現回報好小。

持有股票如下:

9988 阿里巴巴/ 100 @ $189.6
6055 中煙香港/ 3000 @ $21.1
1286 鷹普精密/ 3000 @ $4

現每月打算月供4k, 2k盈富，但另外2k唔知供平穩增長股，定潛力股好。 有考慮過2388, 1211 同 9988。
同埋我可唔可以一手手咁入貨代替月供？

另外，你對2342京信通信有咩睇法呢？
感謝！

龔成老師：

以目前的每月儲蓄及投資力度睇，有可能，但好睇這段時間市況及你的把握力。現時每月儲$9000，5年本金$54萬，連同你現時的股票與現金，預期能滾存$80萬-$100萬。

持股方面，中煙香港（6055）、阿里巴巴（9988）無問題。鷹普精密（1286）則較一般。

你可以開始月供盈富（2800），另外$2000，你可以選潛力股，增加增長力。可以考慮比亞迪（1211）、阿里（9988）。

如果你唔想月供，自行分注都得，只要你可以做到「分注」，將買入價平均，就得。

京信通信（2342）不差的，但現價唔算平，小注好了。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16433：

龔老師您好：
本人30歲,最近開始想投資股票,以下是本人持有股票

[email protected] 1000股
[email protected] 1000股
0788@2 40000股
[email protected] 10000股
[email protected] 2000股

我持有的股票是合理嗎？
應繼續持有？

龔成老師：

上述的持股，都是有質素的，持有無問題，而買入價基本都是合理價，不同擔心。這些都是可以長線投資的股票，你可以繼續持有。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16434：

阿sir,
想問宜家陽光房地產入唔入得過？

龔成老師：

陽光（0435）有質素的，現價在合理區中下部，有投資價值，但你預佢中短期會較弱，派息可能較一般，但之後就會慢慢好轉，香港持有物業收租，長遠必然有價值的。

分注投資，長線持有，可以。

------------------------------------------------

Q16435：

老師，有小小問題想請教，我現時資金45萬，今個疫情影響在股市已經損失5萬剩40萬

現時5成資金在中華煤氣平均價為14.45，另外的資金分別係三桶油同長實集團

三桶油暫時損失約5%，長實集團打和，現在三桶油的情況讓我十分擔憂

我想請教我是不應該繼續持有等待還是止蝕轉而去其他更有前境的股

另外可否請老師推介幾只有前境潛力股給小弟，十分感激，一直以來都係老師的你粉絲，希望會收到你的回覆，多謝。

龔成老師：

首先，你唔好因為「中短期股價」，而影響左你的投資策略，如果企業是有質素的，就值得長線持有。

煤氣（0003），你持有是無問題的，不用理中短期股價（當然，單一股票都不能佔你投資組合比例太高）。

至於石油股，質素算是中等，這始終是商品企業，產品沒有差異性，只能賺取合理的利潤，因此，其實佢不算是最高質的類別。

佢會比較受油價影響，自主能力不強，油價長期仍會向上，而中短期可以較波動。長遠增長力只屬中等，小注投資可以。

如果你持有太多，就將部分轉到其他。石油股又不是完全無投資價值，因為長遠油價唔會咁低，佢點都會上翻。

至於潛力股，你可以考歲比亞迪（1211）、中生製藥（1177）、福壽園（1448）、小米（1810）、阿里（9988）。

------------------------------------------------

Q16436：

你好，我最近想買收息股，係想長期投資，現時有9萬現金，月儲5千左右，但一直未買過收息股，見到網上話會收「代收股息費」同埋「存倉費」

有可能扣除左呢類費用之後收入所餘無幾，你認為最近有無邊隻收息股值得投資？同埋我應該投資大概幾多先好？

有人介紹「939」建行，你覺得有無更好既選擇？

龔成老師：

每間銀行都有好多不同的收費，只是你個股票戶口內有股票，佢就會收你存倉費，而你每次收股息，佢又會收你費的。

如果你真的唔想比人收咁多手續費，可以考慮轉到證券行，費用方面會較平。又或可以持有「實物股票」，就無費用收，不過，買賣過程會較煩，只適合超長線投資者去用。

建行（0939）都是不差的收息股，你可以投資，不過你預佢增長力不強。

收息股，例如港燈（2638）、深高速（0548）、香港電訊（6823）、匯豐（0005）、置富（0778）、陽光（0435）都可以。

------------------------------------------------

Q16437：

龔成老師，本人33歲，好遲先開始學習投資，每月可儲$15000投資

宜家仲有$23000現金可投資
現手持

2382 300股 平均$121入
1928 400股 $30入
0066 524股 月供$2500
0002 287股 月供$2500

因為想襯低價買股票，所以暫停月供幾個月
我對2800，9988，1177，1448都有興趣
我應該繼續月供0066，0002？

9988都有興趣應該加入埋月供嗎？
我怕月供左就少左錢喺低價入其他想入嘅股票

應該點樣分配現金好呢？
唔該晒老師！

龔成老師：

你上述月供的，都是有質素的股票，可以長期進行。而月供最好一直保持，因為可以減少主觀的分析，只要每月月供，同時留有一定的現金就得。金沙（1928）、港鐵（0066）應該保持。

不過，你現時現金不多。我會建議你持有$3萬-$5萬的基本現金。

餘下的，就可以以月供，或自行分注的模式進行。

至於你想入的盈富（2800）等4隻股，都是有質素的，你可以等回多D先考慮。

至於阿里（9988），加入月供或自行分注，都可以。

------------------------------------------------

Q16438：

我先前用6萬做本 一開始都好地地 之後用4萬買左隻股票 但佢而加俾人停左牌 未被停牌前已經跌咗60%。我想請問2萬仲玩唔玩到

我偏向鍾意day trade 希望每日可以清哂股票咁 但我都可以中長線揸住隻股

最緊要想問吓你呢個課程會唔會幫到我
P.s. 我淨係玩美股

麻煩晒你阻左你咁多時間，thanks!

龔成老師：

首先，唔建議短炒，我20年前都試過，好後悔。之後做銀行同證券行，見大部分輸錢的客，就是短炒的一群，所以，唔建議短炒。

另外，你應該以「買入優質企業」的角度去進行投資，小心選股。

【投資倍升股課程】，以「價值投資法」做主軸，係全球最賺錢的方法。不過，當中以港股為核心，你可以自行套用在美股，因為價值投資法對於成熟市場都適用的。

------------------------------------------------

Q16439：

龔老師你好，如果月收入16000，儲蓄只有80萬，是否冇乜機會買到樓？

這份收入銀行按揭只能借100多萬，就算是3-400多萬的樓，還需要一大筆首期。

不知道我有沒有理解錯？我應該怎樣才能買入第一個物業？

龔成老師：

現階段，的確是未必得，但我唔相信你之後都無機會。現時你的預算，買$250萬至$300萬都有機（但要計清楚先）。

第一，保持儲蓄投資，你手上有$80萬，只要合理增值，滾大首期就得。第二，可能之後有收入上的增加，這個唔知的。

另外，如果你最後無方法，可以利用加「擔保人」，但這反映你本身的每月供款力不足。所以，就算行這一步，都應該等你滾存到更多首期先。

------------------------------------------------

Q16440：

成哥，請問你對778置富的睇法有變嗎？ 經過社會運動再加疫情影響後，股價一路創新低，強如領展（0823）也不能幸免。

雖然股價不是完全可以用來衡量企業價值，但擔心質素有變，正如匯豐咁，雖有現金流（股息）但如果企業質素變左，會有「賺息蝕價」心理。 亦或是現時反而是趁低吸納778的好時機？

我現時持有1萬股778，平均價是9.42。目標是有穩定的現金流，如果質素變左，賺錢能力低左，派息同股價都會有影響

目前正屬於虧損狀態（已計算收到的股息在內）。現時可再趁低吸納？

還是其實本港地產，收租股已變質，始終經濟影響就算復甦都需要一段時間，3年後租金依然可觀？

龔成老師：

你唔需要太著重中短期的情況與股價，我地永遠是睇長遠的，正如領展（0823），股價十年間升了數倍，現時就算下跌，也只是跌去一年前的價位，長線投資者根本不擔心。

置富（0778）有質素，當中，中短期會不利，這是一定的，但長遠來說，持有物業收租，根本是無得輸，除非租金長期向下，但我相信可能性不高。

因此，這股現價合理，分注投資無問題，但你預中短期一定弱，要長線投資。當然，租金已經不是大升的年代，但平穩，則無問題。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q15801-Q15820）

Q15801：

你好，我是股票班的學生，我有問題請教你：
1. 你認為計公司的ROE，應該用年內溢利(包括少數股東應佔溢利)/總股東權益(包括少數股東的)，或是用股東應佔溢利/股東應佔權益？

2. 我看見2019年福壽園年報現金流量表的經營活動付出的所得稅大過損益表的稅，即是公司未必每年即時支付損益表列寫的全數稅項？

3. 福壽園的遞延稅項資產和遞延稅項負債的意思？

4a) 商標，土地使用權，專利權有攤銷，是否表示這些東西過了若干年後會完結而有這扣減？
b) 商譽是收購的溢價，應該無攤銷吧？好似用什麼會計項目去扣減以表示收購貴了？
c) 還有什麼其他無形資產可用攤銷去扣？請解釋原因。

5. 存貨問題，某貨品成本是1元，售價是6元，存貨以1元入賬，對嗎？如果下一年度貨品減價至0.5元，下一年度的存貨以0.5元入賬，不是用成本價入賬，對嗎？

龔成老師：

1）股東應佔溢利/股東應佔權益是較好的。不過，如果數目差不遠，一般都無所謂，因為我不是要分析8%或9%，而是找出另一間比8%明顯高，例如16%的企業。

2）這是正常的。

因為會計上要支付的稅項，同該年度要給的現金流稅項，未必是一樣，但這只是一些前後數的問題。同時，當中涉及很多會計野，你好難完全明白。

3）這是一些會計項目，正常的，好多企業都有。

遞延稅項資產，即是預先交多的稅。遞延稅項負債，即是未交，欠政府的稅，由於會計與稅務因素，又或者不同國家的稅，所以同一間企業同時存有這兩個項目，正常的。

4）這些都是無形資產，往往要每年持續評估當中的價值，從而計算翻是否要有減值，以及如何減價。有些無形資產會減至零，有些則不會，要睇翻該企業的具體情況。

5）對。如果佢出票的市場售價大幅減少，佢在損益表都會有一個存貨的減值數列出的。

------------------------------------------------

Q15802：

你好 龔sir
想問下依家我個組合甘有無問題？
144 佔20%
659 佔8%
992 佔12%
1038 佔5%
2333 佔5%
1093 佔10%
1382 佔11%
1883 佔5%
1515 佔4%
6186 佔5%
6839 佔5%

如果想趁跌市調整下組合
想賣出3隻 換入其他大跌既優質股
應該賣邊3隻，同換入那些股票？

同想系組合 搵3隻股票加注 應該加邊3隻好
謝謝

龔成老師：

基本上，上述的組合質素算是中等，不算差，但未到好優質股票的類別。

例如招商局港口（0144）佢行業裡是好強的，但問題是行業的賺錢能力，已經比10年並減少左，增長力有限，只是一隻收息股。

這股雖然仍算有質素，但就不值得投資得大多，因此不應佔組合的比例太多。

聯想集團（0992）、互太紡織（1382）、雲南水務（6839）都有這情況。

我建議上述股票可減。

至於加注，可以考慮盈富（2800）、金沙（1928）、港鐵（0066）、太古地產（1972）。

------------------------------------------------

Q15803：

Hello 龔sir , 我今年37歲，月入$21000 ，每月可儲$10000 ，現金有40萬。剛剛學習投資，0經驗，入左一手盈富@23.7 。另外年供緊兩份儲蓄保險。

想問
1）我分注入盈富 同月供盈富 價值上有
嗎？因為我諗月供2000，可能半年先等於一手，如果我一年分兩次入一手，有咩具體分別呢？
2）另外現金應該點樣投資好呢？

希望你快啲再有星期六班啦
謝謝你分享
幫到好多人

龔成老師：

1）月供的好處是平均買入價，除非你有分析平貴，以及捕捉市況能力較強，否則，月供可以有效將你買入價平均，可以少你一次過在高位買入的風險。

當然，如果你能自己分注，而分注有效，其實都可以的。

2）由於你無投資經驗，我建議你這刻，最多只用$10萬，餘下等你有較多知識與經驗先動用。

你可以考慮盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

上述股都適合你的，你分注投資就得。

因為星期六班剛剛搞左，可能要去到第四季先會再有。

------------------------------------------------

Q15804：

龔老師，本人47歲，現持有
銀行股sector: 2542股5號; 9000股2388;64700股939

地產股sector: 8700股12號
1000股20號，2000股1997

金融及保險股sector: 2000股1299，2400股2318，1000股388

公用股: 8700股3號，3200股66號

藥品股: 3000股1177

新經濟: 500股700

電訊及工程: 1000股941，8000股3393

現況:月供6000港鐵，4000港交所，4000平保
目標: 做息魔，60歲退休，靠股息過活。
策略: 用股息增持1299，2388，12，1177，可能會增持3號。

龔老師可有甚麼建議

龔成老師：

你距離退休有13年，這仍有一定的增長力，你可以保持投資「平穩增值股」+「收息股」。

現時的方向，整體無問題的，持有的基本上都是有質素的股票，同時都是這兩類的股。

但你最好計一計，銀行及金融類佔你組合的比例，我怕會佔比太多。你最好限制有30%以下，如果現時過多，之後就唔好增持住。

另外，月供股票如可以的話，加上盈富（2800）會令組合更平衡。

而你用股票去增持股票的策略，可以。

整體上都無問題，你只要在這段時間，保持投資「平穩增值股」+「收息股」，到你退休前幾年，集中投資收息股就得。

------------------------------------------------

Q15805：

老師你好，本人有一定的儲蓄了 剛開始了解股票 也買了老師兩本書

開始想做一些投資，希望老師俾小小意見
本人90後已婚有一小孩

物業兩間 一間已供斷一間海外物業仲供緊
可投資金額大約100至150萬

現正月供2800和066將來留給小孩用的
其他現正持有788和9988
如果想加大投資金額
應該怎樣分配？

本打算50萬派息基金
其餘現金買001/012+9988
這個組合可以嗎？

如果可行001較好還是012較好？
HSBC已跌過50元了
入市適合嗎？

如果想將來退休的被動收入每月有5萬以上 應該怎樣為將來鋪路？謝謝老師

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

90後，仍是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

所以，你應該投資較有增長力的股票，匯豐（0005）並不適合你，派息基金都不適合你。

物業方面，由於已持有2個物業，因此就算有資金，在中短期也不應增持，應該投資其他類別的資產項，股票是其中一類。

你現時持有的股票，無問題，可以保持投資。

你可以考慮盈富（2800）、長和（0001）、恆基（0012）、阿里（9988）無問題。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15806：

sir你好，我最近開始拜讀你的作品，今年40, 之前係月光族，錢用晒去吃喝玩樂追星等。

現在月入35000, 去年發力儲錢現手頭有現金廿二萬，唯支出仍然較多每月只可儲13000, 今月起會月供5000盈富，如果目標係三至四年有第一個一百萬，加大月供盈富到10000可行嗎？

其實有第一個一百萬之後又應該點繼續行呢？

龔成老師：

如果你無選股的能力，盈富（2800）是最好的選擇，你加大月供可以，如果想組合更為平衡，可以考慮領航標普五百（3140）（這是追美股的指數）。

個股方面，你都可以考慮：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

現時大市波動，你最好一邊月供，同時留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

當你累積到$100萬後，你要睇翻你想增值還是收息，如果你想增值的話，就保持投資平穩長股，如到時想收息，每月有現金流的話，就轉為收息股，令每月有理想現金流。

------------------------------------------------

Q15807：

龔sir ...
我依家好迷惘...

2年前有一筆資金
我就聽人講買股票
0005 x 7200 (入貨價 @69.7）
1288 x 30000 (@4.7)
939 x 10000 (@7.54)
1357 x 10000 (@10)
883 x1000 (@12.9)

依家全部都見紅....
無左成30萬身家.....

龔sir 我應該點
應唔應該賣一半止血？
Eg 賣一半0005 ，等佢再低先入返？
定轉去0011 / 2800？

求你指教

龔成老師：

你太集中在銀行股，出現了系統性風險，因為我地投資，應該建立一個平衡的組合，同時買入時要分注慢慢入，減少一次過在高位買入的風險，這就是我經常叫人用「月供股票」去慢慢投資的原因。

美圖公司（1357）風險高，比較煩，這股賣出部分較好。除了這股外，其他都可以守住先，不過你太集忠在銀行股是最大的問題，你要賣出部分，但可以等個市好翻少少先賣。

要有心理準備，未必上翻之前的價值，所以概念上其實是集中收息的。

簡單來講，方向是減持銀行股，但可以分注慢慢減，你轉去盈富（2800）是可以的。

------------------------------------------------

Q15808：

老師，小弟初哥、3.52入左302，星期一逆市升穿買入價個陣無放到

而家睇返應該係大戶做市派貨，但佢上星期先發盈喜同星期一入左港深通，我應該繼續揸定係止蝕？謝謝老師

龔成老師：

中手游（0302）是風險較高的類別，對初階投資者來說，未必太適合。

另外，你要用長線投資的模式投資，唔好打算炒炒賣賣，所謂的大戶做市派貨，是坊間財演所講的，同埋你全部都著重短線分析，你要學，就要學「真正賺錢的人」的投資方法，唔好學坊間唔賺錢的方法，唔好行錯路！

你多睇巴菲特相關的書及理論。

這股不是全無質素，但業務波動，如你持有太多，要先減持部分，這股不是全無長線持有的價值。

------------------------------------------------

Q15809：

你好呀，龔成，想請教如果$32.5 揸住維他奶，目標都係等佢長遠升值，現時於跌市中，應唔應該考慮換揸其他更高潛力的公司呢？

例如港鐵（不限於這一隻），長遠睇港鐵優勢始終好大，但未知現價是否值得換，謝謝。

還是希慎較好，見現價希慎息率唔差

龔成老師：

你上述所講的3股，都是有質素的，就算你將資金由維他奶（0345）轉到另一股，過1、2年後，其實財富增值的程度都是相約。

因此，你可以繼續持有。始終維他奶都是有質素、有增長力的，只是你買入價略貴，要守。除非你持有過多，否則不用轉。

------------------------------------------------

Q15810：

龔成兄，883同823 現價入嗎？？是否轉向？ ？定等再下跌先入？？

龔成老師：

我地好難知道之後的大市升跌情況，這兩股都是有質素的，中海油（0883）相對無領展（0823）質素咁好。

我地不能分析走勢，只能分析平貴度，現價合理，你可以分注投資，總之同時要留有現金等機會就得。

------------------------------------------------

Q15811：

龔sir, 我3x歲啦，細個唔生識諗，亂fing錢，又無讀書增值自己，依家先覺得要急起直追，不過同身邊人比覺得好無用，月薪17k。

2年前先開始買少少股，因為貪心，不斷一出一入，到目前為止蝕左2萬，睇左龔sir你既文章，話要儲優質股，長期持有為王道，但想請教你以下分佈適宜嗎。感謝

#66 （2510股 平均價$50.48）
#788 （8000股 平均價 $2.15）
#1398 （14000股 平均價 $6.64）
#2343 （10000股 平均價$1.35）

打算2020年4月開始月供股
#1177 $2000
#2800 $3000

之前做左三年零存整付，每月$5000，要到2021年11月先到期

龔成老師：

初投資出現虧損好正常，我20年前都蝕好多，$20000不是大數目，只要你之後明白正確的投資模式，以投資優質股長線進行就得。

現時你持有的，都是有質素的股票，你可以繼續持有，無問題。

至於月供，你可以進行，我會建議你盈富（2800）$3500、中生製（1177）$1500，咁樣會比較平衡。

至於零存整付，資金到手後，就可以適度買入股票，盈富已經是好選擇，但不能一次過用，要分注。

------------------------------------------------

Q15812：

龔老師. 雖然無上過你堂, 但都容許我稱呼你老師。我係股票新手初哥, 証券acc都未開夠2個星期, 成35歲人, 從來無學過理財投資

但年紀開始大, 要諗屋企, 先發現自己浪費好多時間同機會...

近排先想接觸股票, 好想了解多啲投資知識, 因為未來好彩仲有3,40年, 唔想好似而家咁, 咁悔恨咁遲學投資 XD

疑問1:

我係全新手初哥...唔知適唔適合上你的投資班呢? 我係擔心跟唔上課堂內的內容及專屬名詞, 連開市前有競價盤都都係岩岩先知... (如果適合新手, 唔知仲有冇位呢@@)

2. 我知道買股票唔可能齋要tips, 我好想自己學揀股, 同訂價方法... 龔老師的著作太多, 我應該選那一本開始呢

老師有時間先覆, 感激
希望2020年有新開始, 能改變自己未來生活

龔成老師：

1）【投資倍升股課程】（基礎班）適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

另外，你上課之前，多睇理財、股票類的書，留意一下財經新聞，到時就較易跟到。

2）你可以先睇《股票勝經》《80後百萬富翁》，這兩本是最基礎的。

股市波動，有危有機，盡快學得知識較好！

------------------------------------------------

Q15813：

你好老師
將計劃在大約三四年內買樓結婚
每個月大約儲到15,000

打算$9000 月供股票:
如果$5000盈富
2000港鐵
$2000煤氣

還是全部投資在盈富比較好？
另外每個月儲起來的現金累積應該買什麼類型股票比較好

另外大約有20萬現金
可以怎樣投資

龔成老師：

如果3、4年內打算買樓結婚，都可以利用這段時間，好好為財富進行增值，但就不能投資高風險的類別，宜投資平穩增值類的股票，這樣會較平衡風險，以及提供到一定的財富增值。

你利用月供股票，是可行的方法，上述都是有質素，有基本增長力的股票，你可以進行。

每月保持月供$9000上述3股，可以。至於現時的$20萬，都可以動用$10萬，分注投資優質股，銀娛（0027）、恆基（0012）、中銀（2388）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

另外，以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15814：

老師，0012我有貨，我需唔需要減持再係低位入? 我的買入價算合理嗎?是否長期持有即可?

龔成老師：

恆基（0012）有質素的，你可以長線持有，只要不過度集中就得。

唔建議賣出等跌再入，因為無人知的，賣出後可能會升翻，股市波動，但不表示一定下跌。

------------------------------------------------

Q15815：

老師，多謝你
雖然我是你之前的學生，但因為貪心，仲去信別人的股票number

輸左3分1身家。可能急住想快d供完層樓，搵快錢。可惜輸晒，痛不欲生。

剛剛打開你的書，百萬富翁2
說成功不比能力，而是比毅力。
講你找出版商的過程，我真係睇到眼濕濕。
今年我36歲了，希望我還能達成目標。

龔成老師：

每個人都會有唔同的經歷，呢個係一個學習的過程，希望之後會有進步。

記住，錢，可以賺得翻，一步步從基本開始，儲錢、合理投資，保持知識增長。

我過往無論投資、做生意，都有失意時候，但當時我唔會想放棄，而係想突破，例如試同做生意同拍檔出問題，搞到有D野要從頭做，不過，呢個反而令我有更大的突破，生意比過往多一倍以上！

你仍要相信自己，加油！

------------------------------------------------

Q15816：

龔Sir 請問你點睇香港醫思醫療集團2183？

龔成老師：

三盛控股（2183）經常出現虧損，無投資價值。

------------------------------------------------

Q15817：

龔Sir，有幾個問題
點解唔係所有股票都可以月供嘅？

係咩人決定邊隻股票可以月供呢？
成為一隻可被月供嘅股票又有咩條件呢？

龔成老師：

要銀行提供先有得月供，這對銀行來說，有工作量的。佢地一定會睇翻，該股票係咪有一定的月供需求，例如多人買賣，而每手的入場費又較貴。

另外，我地只可以月供優質股，因為月供股票的原理，就是長期的儲錢過程，而優質股長期價值向上，劣質股長期價值向下。

所以，我地只會供優質股。

------------------------------------------------

Q15818：

老師，你好，我今年40，我係2019年在澳門讀完你的課程，好才報到，獲益良多，同時係這次疫情的假期，睇左你的几本書，我係澳門買齊你的書，慢慢一本本睇下去。

同時重新睇過自己的持股，我講講2019年的成績，我係中山買左一層樓，現市值約人仔1百萬，己出租

每月租金人仔$2200，股票連埋股息，有3%左右，好似增長力不夠，現在約60萬比例，分佈如下：

綠葉製藥5%，比亞迪20%，數碼通10%，港鐡10%，盈富20%，工商10%，置富10%，港燈10%，現金5%，我想暫時將收息股30%擱置，只keep現有持股，不再增持

我預計自己55歲退休，我想50歲先開始再買收息股；現在想將百分比改為這樣，綠葉製藥15%，比亞迪20%，數碼通15%，港鐵15%，盈富25%，現金10%，同時另外儲有10萬現金待入市，請問有無更好的做法?減股或買其他股？

我每月儲都萬五至2萬，請問係5年內可唔可以儲到首期，買五百萬以下的樓?

我不是首次置業，因為我老公有樓（已供完），在澳門婚姻制度我變成有物業，所以首期要比5成，靜待回覆。

龔成老師：

如果你40歲，而打算55歲退休，其實仍有一段時間，可以集中投資「平穩增長股」，潛力股則少少，收息股不持有都無所謂。

你現時的持股，基本上都是有質素，但比亞迪（1211）比例較多，唔建議再加，而綠葉製藥（2186）質素雖然有，但未算最高之列，因此，唔建議持有15%。

$60萬，如果是閒錢類別，可以慢慢動用，但就建議投資其他股唔好太集中在原有的股，盈富（2800）是較好的。另外，你可以留意恆基（0012）、金沙（1928）、太古地產1972）、小米（1810）。

你可以分注投資，大市波動，有危有機，只要在平宜的價位買優質股，長線持有，回報一定有的，但就要耐心少少。

如果要儲到一半首期，單靠你現時財富仍未夠，你最每月儲到資金，有資金投資增值先得。

------------------------------------------------

Q15819：

老師你好, 本人29歲, 有40萬作投資, 想問下如將15萬放2800, 10萬9988, 10萬0066, 5萬2018, 可行嗎?

龔成老師：

大致是可以的，這些都是有質素的股票，有長線投資價值。加上以你的年齡，這分配可以。

阿里（9988）有潛力，但現價都唔平，建議只將$5萬-$7萬投資，要分注慢慢入，唔好急。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15820：

2800，建議供幾多個月？
放幾耐才洁清

龔成老師：

盈富（2800）是長期平穩增長的組合，你可以保持月供，長期進行。一般月供3-5年較好。

其實原理就是儲錢，只不過月供不是儲現金，而是儲股票，你一直進行其實無問題。然後，當見到大市到了貴的水平，就可以賣出部分或全部，這已經是一個簡單而有又不錯回報的方法。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q13641-Q13660）

Q13641：

市場上有不少人都有教止蝕這個概念，例如跌1成止蝕，我知道你不認同這種做法，你比較認同長線投資。

不過，我覺得止蝕背後都有一定嘅道理，因為當某一隻股票不斷下跌時，可能代表你之前的基本分析是錯了，止蝕可以防止進一步損失。

龔成老師：

止蝕無絕對的方法的，可能你會找到例子，證明你是正確，但如果套用在港交所（0388），2008年，由$100以上，跌到$50以下，當時應該止蝕嗎？

如果止蝕了，就錯過了幾倍的回報。

六福（0590）在2007年去到$6，其後跌到$3，當時應該止蝕嗎？

但現價是$20。

所以，止蝕無絕對的方法，而坊間所講以股價去衡量的方法，可能會正確，可能會錯誤，你要小心想想這方面的邏輯問題。

「當某一隻股票不斷下跌時，可能代表你之前的基本分析是錯了」這句說話真的正確嗎？

短期股價只反映市場供求與情緒，可能中短期的確反映這企業不利，但如果我地以長線角度分析，那麼，市場反映短期不利，與我地長線投資，就無關係，我地亦不應因這方法止蝕。

其實，止蝕沒有絕對的對與錯，但我地以「長期企業本質」的優質度的分析，仍是最有基礎的方法。

------------------------------------------------

Q13642：

你好龔成老師，我今年26歲，初學投資，月入22k，下月開始會有25k，家用每月要5千，保險月供4千(分6個月)，儲蓄只有25k左右。

睇了你的建議，希望可以開始投資，月供股票。我應該每月可承受月供最多3千蚊，你認為我可以怎樣分配？盈富/港鐵/領展/比亞迪？

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只要小注。

你可以考慮盈富（2800）$2000，港鐵（0066）$1000。

港鐵（0066）的賺錢能力好強，近期只是一些中短期的事件，無影響佢企業的長期價值。這刻反而適合去做月供。

佢收入主要有運輸、收租、地產，如果你從長遠角度，就能分析到近期的事件，對這幾方面長遠的影響都好少。

最多近期會影響了運輸收入，以及成本增加，但無影響長期情況。所以，只要你唔好理中短期股價，保持進行長期月供就得。

------------------------------------------------

Q13643：

我今年50歲，我兩個子女都有比家用我。一全職一個大學半職。想把他們給我的錢部份幫佢地投資，大約8000元。

3、66、1211、823、2388 可以嗎 或者有冇建議，謝謝

龔成老師：

你以月供模式，是最好的投資方法，原理就是幫佢地儲錢，因此一定要投資優質股。

盈富（2800）$3000、恆基（0012）$2000、港鐵（0066）$2000、比亞迪（1211）$1000。是一個適合佢地的組合，你只要長期進行月供就得。

------------------------------------------------

Q13644：

多謝您 龔成
係創業路上睇到呢篇文
「打工仔致富術」

令我好鼓舞
我而家都係要回歸返一份正職
但創業果度繼續去 , 只能周末去幫手

龔成老師：

創業這路並不簡單，要我地堅持再堅持，由於可以做到堅持的人不多，因此創業成功的人不多。

我其實都幾建議一邊打工，一邊並行創業，因為創業始終風險高，如果有打工收入支持，會比較好。當然，咁會比較辛苦，但如果想成功，就要付出，相信自己，一定有回報，加油！

------------------------------------------------

Q13645：

你好，本人29歲，香港的樓放租後，月供約一萬多，前兩年買了一點煤氣，盈富，金沙，目前現金流不多，但明年中估計會有一筆收入。

想月供以上已買入的股票外，想未來五年增值後再買樓，想問中國燃氣值得月供嗎？比例如何安排比較好？謝謝

龔成老師：

你可以利用物業，作為累積資產的方法，因此，如果你5年後資金足夠，緊守「供得起」原則，而到時樓價只要不太貴，你都可以再買多一層，作投資。

只要你兩層樓之間的買入時間唔好太近就得，因為唔想你同一經濟週期買入。

至於近幾年，你可以利用月供股票，作為財富增值的方法，盈富（2800）金沙（1928）中國燃氣（0384）你都可以月供的。盈富較多就得。

------------------------------------------------

Q13646：

本人今年28歲，月薪有二萬幾，今年8月先至開始投資股票，每月可以儲到一萬至一萬五（如果要做到好慳），現在手上有7萬現金作備用、應急錢，已投資左既股票總值十四萬幾，股票組合如下：

3煤氣16.44蚊@3手
257光大國際6蚊@5手
1876百威亞太28.7@10手
1821ESR16.8@1800股
2638港燈7.58@3手
11月會開始月供2800盈富基金作投資儲蓄之用

請問以上既組合有需要改進嗎？

手上既現金想留番股市下跌既時候再入貨，而我自己比較睇好1876百威亞太既前景。我應該等佢未來跌既時候再加注嗎？

我想在35歲之前能夠儲到首期，先謝謝成哥分析！

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。以你年紀，是投資增值的黃金時期﹐應以增值為主。

煤氣（0003） - 有質素﹐有平穏增值效果，適合你。
光大國際（257） - 本質不錯的，但股價都幾波動，加上佢負債愈來愈多，只宜小注。

百威亞太（1876） - 有品牌和規模，有長遠投資價值。但你有留意我fb，都會見我經常講唔會太推薦人買IPO。因為業務上，集團就算有吸引力，但新股半新股真實面要慢慢先見到，加上佢估值困難。

所以，此刻只建議持有小注，同時你要明白當中的風險。
ESR（1821） - 同樣上市不久，較難估值，不宜大注。
港燈（2638） - 有質素，但只是收息股，無甚增長力，唔適合你。你持貨唔多，可持有，但不要加注。

如果你開始月供，你可以投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）或潛力股︰比亞迪（1211），中生（1177）或福壽園（1448）。這些股票都有質素，而且具增長力，會較適合你。

假設你月供$15000，以恆指年平均回報10%計，到你35歲大約可增值出170萬資產，相信對你置業計劃已有一定幫助。

------------------------------------------------

Q13647：

請問老師對0012將來的分析如何？
我在$36入了一手，現在一直每個月供$1000

龔成老師︰

恆基（0012），是有質素的股票，前景正面，加上佢是全港持有最多農地的發展商，長遠的價值一定會慢慢釋放。

近期香港社會的確出現不少問題，對樓市中短期樓市一定構成負面影響，但當中還有很多變數，結果真係到時先知，但相這種動蕩情況唔會係長期。

香港長期往屋需求仍然大，因土地和供應不足，因此樓價長遠仍會有向上。作為香港持有農地最多的發展商，長遠盈利有一定增長潛力。

現價處合理區，你可以保持月供，長期進持有就可以。

------------------------------------------------

Q13648：

龔成老師你好，想問一下有關資產配置既問題，我自己本身32歲，月入大概5萬左右，有8000股騰訊，80萬現金左右，冇車冇樓，總共330萬net asset。

暫時未結婚都係同屋企人住，做野其實壓力都大，自己個人洗費唔大，一個月支出加家用大概2萬左右。

如果我想做到唔番工都可以財務自由既話，老師可唔可以比d建議小弟。

我都想好似你咁有8位數字身家，唔洗有番工手停口停既煩惱，感謝!

龔成老師︰

你現時每月開支2萬蚊，如果要達至財務自由，以股息率5%計，你需要有480萬資產才可以做到。以你每月可以儲$30000。以恆指年平均回報10%（連股息再投資）計，大約9年可以增值到你需要的480萬。

操作方面，你可以用15K去做月供股票，而餘下15K先儲下，用邊投資、邊儲蓄策略。

月供你可以投資在4-5隻平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）或潛力股︰比亞迪（1211），中生（1177）或福壽園（1448）之上，長線持有讓其自然增值。

至於80萬現金，可以一半分注買入上述票。而另一半和未來儲蓄累所得資金，待大市大跌才大手入貨，咁安排會增值得較好。

而你現有的騰訊（700）有質素，有長線投資價值。但你有8000股之多，有嚴重過度集中風險，萬一騰訊有什麼意外，你整個組合會出現嚴重問題。所以，你最好將部份騰訊換碼到以上股票中。

以你現時資產，加上月供股票，在9年後達到過千萬是絕對有可能！只要你在這段時間適當投資，保持累積真財富同時加強投資知識就可以。

------------------------------------------------

Q13649：

老師你好，自我介紹一下，我今年39歲，空中服務員，零投資經驗，唔需要供樓，現金有大約800,000萬喺銀行，有差唔多50萬港紙，30萬外幣，我諗住攞一半即係大約400,000出嚟買股票，你覺得我應該點樣投資好？

應該用月供嘅方式，定係我平均分去四至五隻大嘅股票入邊，每隻大約投資10萬蚊？例如匯豐煤氣中電等等等。

因為我自己覺得自己睇極啲資料都睇唔明，所以開始想保險少少，純粹收下息咁樣。

另外我嘅外幣主要都係美金，但係仲有好多唔等洗嘅嘢其他貨幣例如星加坡紙，應唔應該將佢哋換埋做美金或者做其他投資呢？多謝指教。

龔成老師︰

在投資的角度，外匯不是最好的投資項目，因為說到尾，這些都只是一些貨幣，即是「政府借據」，貨幣中期會以週期的模式運作，但長期來說，都是貶值收場，因為貨幣只有「交易價值」，並無真正的財富價值。

當然你工作需要，可能不時要用到外幣，故保留部份係有必要的。但作為投資增值，基本上持有港元就可以了。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀，適合買入平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）。

如果你對這些股票唔認識，可以只投資盈富（2800），這是包括50間質素不錯上市公司股票的組合，有效平衡你組合的風險。

現時大市在合理區，你可以先用一半資金用分注形式買入，例如每月1號買入1手盈富，不論價格高低，每月1號持續進行，可以幫平衡價格波動風險。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨。

同時間，建議你多看投資相關書本和新聞，和上一些投資課程。本人【投資倍升股課程】適合初學者的，因為整個課程的設計都是針對初中階投資者的。到你讀完整個課程後，你已能自己選股、投資、評估平貴，在投資上已掌握了一定的知識。詳情和時間，你可以留意我FB。

------------------------------------------------

Q13650：

龔成老師，如果買房托應該買那幾個房托好，現時價位是否不適合買，如果投資50萬房託，一年可以大約收到幾厘息？

因為本人不熟悉房託的投資，是否很大風險的？謝謝老師的用心教導！

龔成老師︰

房地產信託基金（REIT）的原理如同買樓收租，基本上是穩健的。而房託規定要將可分派的90%收入作派息，故利息有一定保證。而租金長遠一定會上升，故長期持有不錯。但要注意以下三點：

第一、房託分好多種，有商場、車位、酒店、寫字樓等，投資前要分析內裡物業組成及質素；
第二、租金在中短期可升可跌，當租金下跌就會令股息減少，同時亦有可能令股價下跌；
第三、股票市場波動，會令房託的股價有上落，就算本身物業組合無問題，也可以因大市下跌而受影響。

所以，房託是不錯的投資工具，但當中都要小心選擇，除了要投資質素較好，出租率較高的物業外，投資時亦要注意股息率，股息率太低，反映你的買入價過高。另外，無論是房託，或是某一股票行業，都不能佔你股票組合的比例過多，否則會有集中風險。

陽光房地產（435）、置富（0778）、泓富（808）這些房託此刻都在5%以上，現價已有長線有投資價值。

以5%股息計，投資$500,000房托一年可以大約收$25000股息。但要留意，此刻大市只在合理區，買入時要分注進行。

------------------------------------------------

Q13651：

老師你好！最近1211跌至$36-38,我只有一手價位在$44,現在應該大手入貨嗎？謝謝！

龔成老師︰

比亞迪（1211），早前出左業績，的確有點弱，除左中國車市競爭大，中國經濟轉弱，補貼減都是其中一個因素，相信佢業績、股價中短期仍會弱。

但要留意，我地分析時，唔需要太著重中短期的數據。佢出來的數據的確有點失望，但一年前，都開始預中國車市有不利情況，因此都是預期之事。

中國車市放緩、外來競爭、行業競爭加劇，都成為不利的因素，相信中短期仍會對佢不利，這會影響整個行業。

長遠來說，企業仍有潛力，發展仍是正面，因為這企業正在靜靜起革命，好多大型投資仍在進行中，例如超大型的電池廠等。加上中國政府對行業仍支持，佢長遠會慢慢有野睇。

可能你會問，補貼減，仍是支持行業嗎？

其實，中央的政策只是有所調整，而不是全面改變，減補貼是希望行業不會永遠依靠政府，而可以自己出到「市場化」的產品。另外，中央將來政策方向，會調整至補貼一些「有技術」的電動車企，而不是胡亂資助，簡單來說，就是希望行業發展技術，這是令行業長期更健康發展的方法。

同時，中國因為能源問題，長遠一定要發展電動車，這是大方向，行業成功是遲早的事，只要技術不斷提升，行業發展一定會更強。不過，一切都是長期的，而比亞迪這類潛力企業，總存有不確定性，所以，這企業長遠雖然正面，投資亦要注意風險，不能太大注，這是一直所強調的。

股價波動，如投資要分注（最好是小注月供），不能大注，同時一定要長線投資，車市要慢慢才好轉為這股要好長線先有野睇，所以要著重分析長遠的因素，唔好太理會中短期的情況。

同時，潛力股存有風險，你要衡量自己的風險承受能力，年齡較大的投資者亦不適合。

預期佢中短期有可能進一步弱，但所有野，都是有危有機，如果想買入後1年就有利潤，咁就買錯股了，這股從來都是長期的，預期3年、5年、7年，後先有真正的爆發情況。

現價已開始初步進入平宜區，可以加注，待跌至$35會更理想。

------------------------------------------------

Q13652：

你好呀龔Sir ，想請教一下組合投資
今年30歲,月入20000左右
月儲12000, 現時持有3500股（02388） 流動現金70000

想問一下老師如下月開始
投資02800 每月500股

這投資組合是否理想 還是有更好的選擇？

補充上述情況
我目標係4年後上到100萬
想問一下有無機會達成？

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。

盈富（2800）和中銀香港（2388）都是平穏增長類，都適合你這個年紀。以恆指年回報10%（連股息再投資），月供12K在4年後約有66萬，當然要視乎當時情況。

現有流動現金70K，可以考慮分注買入一些潛力股︰比亞迪（1211）、中生（1177）或福壽園（1448），以加大增長力度。此舉可令你增值快點，但同時會增大了回報波動性風險，你要明白這點。

相信以上這計劃安排，4年後儲到100萬機會係有的。

------------------------------------------------

Q13653：

龔sir，我暫時個股票組合如下
2800 約10000股
66 約3000股
1038 約2000股
1928 約5000股
1211 約4500股
2638 約4000股

Total約90萬係股票到

現時仲有一百萬閒置資金，想請教一下根據依家既市場形勢 可以點分配d資金落呢個組合到？有冇其他股票你會建議加落呢個組合？

如果想穩中求勝 有冇一d 有穩定既增長力 派息又唔錯 現時股票屬於合理或平宜區 既股票推薦？

龔成老師︰

你現時持有的組合，都是有質素的股票。其實我地做資產配置，唔係睇市場形勢，而係睇資產質素和你人生階段。年輕的投資較多增值類資產，較年長則應投資較多保守類項目。

現時大市在合理區，你可以將100萬分成2份，頭50萬分注買入以上股票，其餘等大市大跌才入手。資金分配方面，4成買盈富（2800），其餘平均分配多其餘組合中股票就可以。

但留意翻比亞迪（1211）是潛力股，港燈（2638）是收息類，其餘都是平穏增長類。如果你較年青，新資金就不要分在港燈，反之就不要分在比亞迪。

穩中求勝、有穩定既增長力和派息高，金沙（1928）是這類型。但近期升了不少，已在合理區頂部，你可以等回調再分注買入。

------------------------------------------------

Q13654：

Hello老師，請問你點睇1114 華晨中國？
業務黎講，佢賣車，中國經濟放緩但仲有一定業績，點解2018個年既股價升到高位之後會跌到咁甘？

2017年頭 $8-9
2018年頭 $20-21
2019年頭 $5-6
2019 11月 $8-9

佢地仲有新廠房起緊 亦努力發長電動車業務 其實係咪意味住公司仲有進展空間？
其實佢既合理價大概係邊？
謝謝

龔成老師︰

華晨中國（1114）有質素的，但中國車市放緩、外來競爭、行業競爭加劇，都成為不利的因素，相信中短期仍會對佢不利。

加上佢品牌的市場並不是行低端，這路線相對經濟的敏感度較高，當經濟回落時，影響較大，因此，市場對佢的股價反應都較大。

未來電動車將為汽車業帶來很大發展空間，但華晨在電動車方面技術和品牌都唔算十分高，相比比亞迪（1211）等電動車生產商，優勢唔算明顯。故對這部份唔好有過高期望，但正面影響係會有。

股價由高位回落不少，除了反映過往處貴水平，現在回落至合理水平偏低位置，反映市場預期中國車市的不利情況。相信這股中短期股價仍會不利，但長遠前景仍在的，有貨可持有，無貨可小注。

------------------------------------------------

Q13655：

成哥，你好！覺得你所建議的投資策略比較隱健，希望獲得你的分析及指點。

我現年43歲，單身，每月收入56K，供養父母6.1k。自住居屋，用姐姐及老豆名，我月供9.7K，2022年2月供完。

有一份月供aia 基金，21 年期，已供14年，月供約1.6K，現有270K，現時持平冇增長，並沒有當日sell我時的增幅。

2018年12月開始一份恆生人壽儲蓄，每月4.8K，供5年，目的是迫自己儲錢，但25年後才可回本（以沒有紅利下）。

宏利MPF有約700K

現金有500K

股票約300K，如下：

1398，10000股，$6.74買入
0005，1600股，平均$67買入
1810，3000股，$15.62
1690，150000股，平均$0.47買入
8423，50000股，$1.47買入
386，10000股，平均5.948買入

想重整投資組合，是否應該將aia基金取出現金，投資到其他有穏定利息的股票上，例如滙豐？是否應停止供恆生，將現金投資在其他資產？500K現金應如何投資?

希望10年後退休可每月有15-20K零用錢，如想3-5年內置業，應該如何計劃?謝謝

龔成老師︰

保險公司的基金，有好有壞，我好難評論，但當中的潛在費用，往往不少，反而簡單的投資在指數基金，例如盈富基金（2800），長期回報往往更多，而且管理費好少（0.1%左右）。

你再了解下，你之前所投資的基金，當中的投資策略，以及投資在甚麼類別的項目中，分析是否有長線投資價值。如果預期未來餘下時，都是像過往10數年回報平平，取回資金會較好。

恆生人壽儲蓄，這類有保險成份產品係需要，我地投資要先做好防守，才去進攻。但重點係足夠就可以，唔需要多。

如果你計劃10年後退休，每月有15K現金流，以股息率5%計，你就需要有360萬資金。

建議你可以利用月供股票去創造這筆資金，以恆指平均年回報10%計（連股息再投資），你需用在這10年間每月供款20K，選股以平穏增長股為主，如盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823），10年後大約可以增值至380萬。

到時你再慢慢換碼至收息股（5%或以上），以股息為自己創造穏定現金流。

至於5年後置業目標可以借用你現有50萬資金，同樣投資在平穏增長股。但現時大市只在合理區，你可以先將一半資金分注買入上述股票，其餘待大市大跌才入市。5年後大約會增值至70-80萬，當然要視乎到時情況。

最後講你現有股票，有2隻要特別留意。

立基工程（1690），此股市值不高，上市年期唔長，價格會較波動。加上財務數據表現一般，唔好再增持，長遠轉至其他優質股更好。

潪㵆發展（8423），市值和上市年期比立基更短，財務數據表現一般，同樣不宜持有太多。

------------------------------------------------

Q13656：

龔老師你好，本人女兒為2020 DSE考生, 原打算在本地升學後去才外國讀碩士，但近月社會問題現改變計劃提早來年英國留學，目標是4年，每年預算約45萬，由於事先沒有這個預算，故資金並沒有準備充裕，希望你指教一下:

*手頭資金約有30萬，現放銀行定期約2%
* 股票約10萬，其中兩手匯控(十年多前高位$140入一手，現在連以股代息之股數計僅平手多少少)
* 2020年中 及時 2022 年初有兩筆約各25萬教育基金，合共50萬
* 毋須供樓，每月可儲2.5萬(4年共120萬)
* 10年後退休約有160萬退休金可取回 (非MPF)
* 另夫婦合共有些已供滿保險可取回約30萬-40萬
* 居住已供滿居屋，必要時向房署申請加按

問題:

1) 第一筆留學費用約於明年5/6份前準備，是否應該全數將手頭現金兌換英鎊以防匯價上升? 還是持有港元用多少才兌多少? 因為睇過英鎊定期利率低到冇朋友，港元暫時仍有2%以上。但又怕匯率升高

2) 另外考慮借一筆約30萬稅貸，總利息約9千，分期36個月，每月約還8600，從每月可儲的錢內償還，此筆現金投資你介紹的收息股，一來抵銷稅貸利息，又可以留為緊急備用，這想法正確嗎？

3) 每月25000減去還款8600後仍有16000，應做月供股票嗎？

4) 現時股票除005之外其餘都是零碎一手手的IPO (包括1800，2007，0939，1898，1313，3998，0981，0808), 現階段應放晒轉去投資你介紹的收息股例如盈富煤氣港燈嗎？

本人投資眼光基幾乎是零，一直是明燈買邊隻死邊隻，故此十年前已不再投資股票，只會想穩陣保本去做定期，希望能為煩惱中的我指引一下，先感謝你的幫忙!

龔成老師：

1）你的確要開始轉英磅，第一，你有實際需要，所以你可以分幾次轉，同時要開始轉了。第二，歐洲問題有可能會明朗化，這樣英磅就有機會上升。

我地唔係要估事情點發展，而是要平衡你的風險，因此，你可以分幾次轉。

2）這類借貸投資，是創富方法，但都有利有弊，你一定要明白這點。

首先要考慮你本身的風險情況，你負債會因此而增加。當然，負債不一定有問題，但你要考慮自己的年齡、情況、風險承受能力，去決定是否增加這負債。

現時低息環境，如果你的「實際年利率」不高，投資一些收息股，已能取得一定的息差回報。不過，股票的價格總有上落，你如何保證不會出現「賺息蝕價」的情況？

這正正是你要思考的問題。

由於現時收息股及其他類別的股票，暫時只處合理區，未到平宜區，你好難確保不會出現「賺息蝕價」的情況，因此，這刻做加按買股的值博率，只屬中等。

如果大市處平宜區，那你投資，蝕價的可能性就會較低，你這動作的值博率就會大增。

因此，現時借貸買股，不是不可，但值博率只屬中等。而由於這筆錢增加了你的負債，因此不能太進取，你只能投資平穩增值股及收息股類別，同時最好有部分留跌市後先入。

3）可以，但由於你之後仍有資金的需要，你只能動用部分，不能全部用作月供，你可以動用每月$10000去月供，同時不能供一些進取的股，相信盈富（2800）最適合你。

4）部分較有質素，以及較適合你情況的，可以留，包括：建行（0939）、泓富產業信託（0808），如果持貨不多，華潤水泥控股（1313）可留。

至於其他，可以賣出，轉為收息股，會比較適合你的情況。

如果你過往投資成績一般，你就更加要集中投資穩健、有質素，業務穩定，有穩定股息的股。例如港燈（2638）、深高速（0548）、香港電訊（6823）、匯豐（0005）、置富（0778）、陽光（0435），盈富都可以。

------------------------------------------------

Q13657：

HI我係你讀者,我係初學股票既人,第一本股票書係你既股票勝經,你比到好好既價值觀我,但我有個問題。

本書睇到一半,依家有個觀念就係（揀優質投票 然後長期持有）咁趺又唔賣（因為會升返）,升又唔賣（因為係優質會繼續升） 趺同升都唔賣優質股出去。

就係你本書比到我既觀念....咁咪正係得食息?

因為趺升都唔賣,無動作,唯一增資既動作就係派息,咁我揀隻派息派得勁既,然後長期持有咪得...係咪咁既想法?

龔成老師︰

財富增值，絕對唔係單單找有一隻高息股一直持有。

在增值過程中，只要股票是優質，而且質素不變，就價格變動都唔洗理。長期持有，讓佢自行慢慢增值。到退休之年，你就將佢換成收息股，為自已創造穏定現金流支付退休生活。

而優質股係唔係一直唔賣? 答案係"不是"，除了優質股質素轉差時要沽出。當市況過熱，市場處牛市三期的狂熱狀態，股價被嚴重高估時都會沽出部份。

仲有一個情況，就是將近退休之年，將有增長力優質股換碼至收息股，都會作出沽售動作。所以，你最終賺到不是只有股息，仲有資產增長的價值。

我地選擇一隻什麼樣的股票，是潛力型、平穏增長型、還是收息型，要視乎翻你人生階段。如果你年青，應著重資產增值（即一些有潛力和增長力股票），但如果你已退休，就應以收息創造現金流為重。

------------------------------------------------

Q13658：

老師您好，我今年22歲，近一年開始接觸投資的知識，同時有追縱您的專頁的內容，現時持有︰
0788（18000股、平均價2.16）
3988（12000股、平均價3.14）

希望年輕可以慢慢累積財富，0788的賣入價較貴，請問︰
（1） 現時計劃將部分0788賣出，套現連同部分持有的現金買入增值股。
（2） 現時有留意0027、6862、0823、0345，請問老師您的意見。
（3） 除以上提及的股票外，老師您還有甚麼好的推薦﹖謝謝解答

龔成老師︰

1） 首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

中國鐵塔（0788）有質素的，早前有少少炒概念，所以這刻唔能夠太進取。這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。這股有質素，你可以唔洗理現時價格波動，維持持有。但如果此股佔你組合比重比較多的話，你就可以賣出部份轉至其他增值股。

2） 我地投資會運用「先增值，後現金流」作方法，初期應投資較多增值類資產，較後期則應投資較多保守類項目。你22歲，是財富金增長期，你應以增值為主。

你選的4隻都有質素，而且都有增長力，都適合你。當中維他奶（345）雖然優質，但現時偏貴，最多只可做月供。而海底撈（6862）雖有一定的質素，但上市年期不算長，令企業的真實業務情況及價值，仍要時間評估，不宜大注。

3） 平穏增長股︰盈富（2800）、恆基（0012）、中銀（2388）、港鐵（0066）、煤氣（0003）、港交所（388）、長建（1038）或潛力股︰比亞迪（1211），中生（1177）或福壽園（1448）等都適合你，由於你年青有時間去增值，所以潛力股份佔你組合1/3都可以。

------------------------------------------------

Q13659：

老師，其實現時比亞迪的投資風險是否很高，因為總負債佔總資產近9x%。

現時汽車市場，中美貿戰的影響，1211倒閉的可能性會唔會好大。

龔成老師︰

比亞迪（1211）以佢現時負債指標來看，的確較高，但又去到9成，作為優質股的確是未必全合標準。但佢過往的現金流仍算不差，要去到倒閉，可能性好低。

而我地考慮番佢整體狀況，佢正在發展期和未來電動車潛力，其實係可以接受。早前出左業績，的確有點弱，除左中國車市競爭大，中國經濟轉弱，補貼減都是其中一個因素，相信佢業績、股價中短期仍會弱。

但要留意，我地分析時，唔需要太著重中短期的數據。佢出來的數據的確有點失望，但一年前，都開始預中國車市有不利情況，因此都是預期之事。中國車市放緩、外來競爭、行業競爭加劇，都成為不利的因素，相信中短期仍會對佢不利，這會影響整個行業。

長遠來說，企業仍有潛力，發展仍是正面。而且集團收入非全靠電動車，"手機部件及組裝服務"和"光伏部份"也為集團貢獻近4成營業額，可以見其收入多元化，故暫時睇唔倒佢有倒閉的可能。

你要注意潛力股存有風險，你要衡量自己的風險承受能力，年齡較大的投資者亦不適合。

預期佢中短期有可能進一步弱，但所有野，都是有危有機，如果想買入後1年就有利潤，咁就買錯股了，這股從來都是長期的，預期3年、5年、7年，後先有真正的爆發情況。

------------------------------------------------

Q13660：

龔sir 您好，本人近月在網上見倒您既文章有所啟發，我一向只存錢入銀行，現在亦有長供股票既意向，我亦有向家母提及您既事，佢亦都認同長揸既理念，今次想幫家母提問一下。

現年57歲，距離退休尚有八年，手持4000股滙豐，現金二十萬，另有一間屋收租但租金不能蓋過供款，每月大概需要供款一萬，尚有19年還款期，家母現時想長期月供股票，2800,12,778,66 各二千，請問應該四揀二，四揀三，定係四隻都可以月供？

個案重點
以下係家母的情況
今年57歲
現金20萬
四千股滙豐
另有一間屋收租後要供一萬元還须供19年

去除所有開资每月可儲2萬蚊

想開始月供
2800 2000元
12 2000元
778 2000元
66 2000元

麻煩哂

龔成老師︰

我地會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你母親尚有8年才到退休之齡，可作有限度財富增值，建議平穏增值股和收息股各佔一半。

你所選的4隻股票，除了置富（770）是收息股，其餘3隻都是平穏增長類。你母親可以將月供加大至$12000，組合可以用盈富（2800）供2K，置富（770）、港鐵（0066）和恆基（0012）各供$2K，再加2隻收息股，如港燈（2638）、深高速（0548）、香港電訊（6823）、工行（1398）。到接近退休之齡，就將這些股票慢慢換馬至100%收息股去為佢創造平穏現金流。

現金20萬和每月儲的8K︰可以分2份，一半現時用分注模式買入上述股票，另一半則待大市大跌時才加碼掃貨。

滙豐（0005）︰有質素，但增長力唔會高，是收息類，適合退休之用。這4000股可以持有，不用換馬。

收租樓︰由於扣除租金收後，還要多要供一萬元，令你出現負現金流狀態。就算租金長線會上升，但短期內估計唔會出現正數，故此項目對將退休的母親，不是理想的選項，對佢而言穏定現金流才是最重要。

如果這單位有長線投資潛力，你可以考慮將物業轉為自已名下，而你支付資金給母親也可以。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。