花花的世界因為疫症細了，但另一方面也得到珍貴的姊妹相處時間
米米因為疫症要留家zoom,所以，自花花出世，米米花花幾乎形影不離。花花確實是幸福花花
米米對花花的一些日常照顧事
你們知道嗎，星期日朝，朝早6:30，米媽在自己房已醒，但望cam,花花仍熟睡，所以就閉眼休息，想說多20分鐘就起身沖奶。
6:40係cam見花花開始郁，米媽就起身開門去沖奶。
但係花花房門口已見到沖好左樽奶。 同嫲嫲在做運動，以為係嫲嫲沖奶。
嫲嫲一見到我就話，米米6:30就起左身睇花花，見花花未醒，就叫我睇住佢沖定奶放門口，等花花醒。
米米除了照顧自己，自花花出世後也照顧得花花很好，也照顧得我們很好，永遠是我們的好幫手。
另外，無論花花在那裡一喊，米米即使在家任何一角，或是在房，都會即刻放低，係即刻放低手頭上的事，即刻跑去搵呀妹，睇呀妹咩事。 係每一次都會說眼確保花花咩事。而唔會由得花花喊諗住有人睇住就由佢。
花花每次差唔多時間起身，係cam見到佢開始訓醒起身，米米會叫我地俾佢入去先俾佢入去先，叫大家唔好突然太大聲開門嚇親佢。 要慢慢細細聲講野開門等花花自然起身，唔好嚇親。
以前米米仲會爬入Bb床，拍拍花花，陪花花玩。而家會企係床邊同花花講笑，唱歌俾佢聽令佢開心。之後就再抱佢出黎幫佢換片抹眼仔面仔搽野。
家裡任何會有危險既物品，食物，粗幼，都會有米米提醒爺爺嫲嫲。 比起新手父母知既仲多，細心仲多。
花花地下起身驚佢撞到台角會用手提早一步去護住佢個頭或用手冚住台角。
花花跌親會幫佢拍手仔，行到邊唔行會毫不猶豫抱佢，去到邊照顧到邊。
會餵佢會沖奶會倒出黎手腕試溫度會幫佢沖涼會用手肘試水溫會幫佢紮頭髮換片陪佢玩。
不能盡數既感動。 還記得你出世後出院返屋企，家姐真的一晚起幾次入黎陪米媽餵夜奶換片最後俾米媽阻止。 而米米當時只有5歲。媽咪塞奶時幫我照顧你照顧我，幫我按胸，敷冰敷暖水袋。做過無數感動米媽既事。 小小一個人仔，裝載左無限既愛心及體貼，以及不怕辛苦。
花，你有家姐等於擁有全世界既愛。
花花的笑容也可算是家姐的功勞呀。
要彼此相親相愛呀。
