Search
[RIP] 日本著名喜劇演員志村健感染新型肺炎，昨晚（3月29日）病逝，終年70歲。
志村健於1973年以實習生身分參加電視節目演出，1974年正式入行，1987年擁有自己節目《志村大爆笑》，逐步成為日本著名喜劇演員。香港觀眾最熟悉佢嘅演出作品應該係2004年首播至今嘅《天才！志村動物園》，當中嘅《阿笨與阿占》單元，香港方面由I Love U Boyz配音，猩猩同鬥牛犬嘅互動加上抵死配音成為一時佳話。
志村健2020年3月17日感到身體不適，20日送院，25日經紀公司公布志村健患上新型冠狀病毒。29日夜晚約11時逝世。
#志村健 #阿笨與阿占
[阿笨與阿占] 再見喇阿占~!
《阿笨與阿占》係日本長壽動物綜藝節目《志村動物園》其中一個環節，當年無綫將佢剪做一個半個鐘頭嘅節目。一隻傻更更嘅狗，一隻有啲腦嘅黑猩猩，加埋啲無聊任務，真係幾好睇。
當年有份為節目配音嘅903少爺占 Jimyan，同埋當奴，會喺今日2016年3月14日，下晝1530喺商業二台節目《口水多過浪花》當中，播放special紀念阿占。
拍電影好電視都好，小朋友同動物就最難拍，但偏偏係觀眾最愛，除咗要拍到佢哋嗰種純真，仲要有嗰種感情。無幾耐之前無綫齣《警犬巴打》，無深入描寫到狗同人嘅關係感情，直頭抽走警犬嗰部份都仲得，係失敗之作。
#阿笨 #阿占 #阿笨與阿占 #志村動物園 #警犬把打 #方以文 #睇電視喇喂
