我阿媽又重提要介紹蘭姐個女畀我識，仲話食一餐飯啫，係咪咁難為呀？
就係咁難為！
我將呢單嘢同一個friend分享，佢話：「你咪順下佢老人家意囉！見個面之嘛！」
「一陣蘭姐個女真係鍾意我咁點呀？」
佢答：「點會啫！你到時做返自己咪得囉。」
!@#$%^&*(). ╮(#╯▽╰)
點解會同呢個friend分享成件事？咪睇佢其貌不揚，其實好細心㗎！工作方面亦係top sales，典型膽大心細又觀察力強嗰種，佢喺自己公司保持住一項前無古人嘅「大滿貫」創舉。
「大滿貫」喺網球世界嚟講，包括咗澳洲、巴黎、溫布頓，仲有美國網球公開賽，當中有草地、硬地、泥地，你要拎晒呢4個大滿貫係好難，真係要全能先掂！
呢位朋友並唔係網球員，不過佢間公司就有4層樓，而佢係可以每層樓都曾經有過一個女朋友，覆蓋咗sales、account、HR同埋shipping四個department嘅同事。
呢度食呢度屙，又屙得咁乾淨，佩服！
佢都分享過一單關於「屙便便」嘅故事我聽，事緣佢公司喺觀塘一棟工廠大廈，廁所亦喺office裡面，尷尬在個廁所太貼近同事工作嘅area喇，加上好應聲，特別係對男同事嚟講，邊個走入去開大，邊個純粹開細，出面嘅人係好清楚，因為廁所板擺落嚟嗰下～～～「啪！」嘅聲響，絕對係劃破長空。
女仔去廁所無論大細都要放塊廁所板落嚟，開大會唔會冇男同事咁尷尬呀？道理上係，但真實情況就唔係，因為佢公司有個返半日嘅清潔姐姐好寸，平時負責倒垃圾同洗廁所，你可以話佢率直，亦可以話佢唔識做，試過一次洗洗下女廁衝出嚟發火大叫：「邊個屙到咁呀？」
佢話聽返啲女同事講，嗰朝應該係老板娘去完嚟，咁當事人梗係冇認啦！
「我feel到老闆娘塊面好黑，希望唔會影響到清潔姐姐續約啦，除咗唔識睇人眉頭眼額之外，其實呢個姐姐清潔係幾徹底，唔似以前嗰啲咁求其。可能老闆爆石爆得太辛苦，所以先攪成咁。」
Top sales即係top sales，我個friend話之前睇過我一個廣告叫Alkaume7.35暢便鹼梅，跟住就走去買咗幾盒，每盒10粒獨立包裝，拆咗佢派畀班女同事，每日一粒，好似食「口立濕」咁方便，好食之餘又有效，仲好方便，擺喺枱面亦唔尷尬，輕輕鬆鬆就解決便便問題。
我：「但你公司4層樓喎，咪要買好多盒？」
「你成日唔聽書好難溝女喎，都話淨係買埋女同事，男同事自己買啦，咁大個人。」
我：「唔怪得啲女畀你溝晒啦！」
「唔會，同你咁friend，蘭姐個女我唔同你爭。」
掃興嘅嘢唔好講喇，唔講阿蘭，講阿梅啦，AlkaUME暢便鹼梅嘅資料擺晒喺度，我返出去研究下點解靚仔反而溝唔到女先。
http://www.alkaume.com.hk/chi/blog3.html
銷售點: Mannings
零售價: $168
