【《歎息橋》第二集導讀 —— 黃定謙演少年胡啟源「驚到喊」！】
由林保怡身兼主演和監製的ViuTV新劇《歎息橋》，今晚（12/5）播映的第二集「妥協」，會從胡啟源（Ken）的主視角出發，讓觀眾了解他的成長背景，如何影響其人生觀和戀愛觀。在故事的世界裏，胡家沒有父親，阿Ken跟從母親姓氏。身為單親家庭唯一支柱，媽媽胡彩雲將所有人生希望都寄託在兒子身上，管教極嚴，倘若他不聽話定必厲聲喝罵，甚至要他親手摧毀自己喜愛的東西。
胡家大門，就是極權與自由的分界線。面對母親長時間的情緒勒索，令阿Ken有很大的心理陰影，想法逐漸扭曲，而這段如此可怕的家暴，就由飾演年輕版胡啟源的新晉演員黃定謙（Himmy）演繹，日前他出席新劇記者會時，承認阿Ken角色難演，又指飾演母親的邵美君在拍攝期間太過恐怖，他因為太過入戲而一度「嚇到喊」。
黃定謙笑言，最初聽到導演介紹角色後，以為年輕版阿Ken不難演。「佢哋一開始話呢個角色好簡單，就係好聽媽咪話，只係想有少少反抗，係一個好普通嘅角色，點知編劇Norris（黃綺琳）又唔係咁講，我聽埋故事背景，就更加『吓！』咗出嚟，原來阿媽個角色係一個咁極端嘅人，阿Ken喺一個咁極權嘅屋企入面長大，所以拍攝嘅時候好大壓力。」壓力既來自角色情緒，亦因為對手太強。
飾演年輕版胡彩雲的邵美君是資深舞台劇演員，曾經憑《愛是雪》榮獲「第21屆香港舞台劇獎」的最佳女主角（喜劇／鬧劇），今屆她再憑《四川好人》獲「劇后」提名，演戲功力深厚，埋位前埋位後完全兩個樣。Himmy說於拍攝現場，感受相當強烈，「佢有時都會同我傾偈講笑，但一Roll機嘅時候，佢嘅氣場就勁十倍，所以拍之前都冇Expect，同佢嘅對手戲會係咁複雜、情緒會咁高漲。」
據監製和導演透露，Himmy在片場因為過份投入而「嚇到喊」，他講述事發經過。「有一場食飯戲，就係講我返到屋企之後想坐低食飯，阿媽（邵美君）就問我『洗咗手未？』，咁我就即刻入去廁所洗，再出返嚟食飯，之後佢鬧我鬧得好勁，但又冇啦啦同我講Sorry，佢一講Sorry我就喊，因為佢真係好恐怖，我好驚，驚到一Cut機之後佢同我講：『阿仔，假㗎，假㗎！』我而家諗返都起雞皮，都覺得好驚，真係好深刻。」至於哭了多久，Himmy坦言也有5至6分鐘，「真係Keep住停唔到，現場個個都唔敢打搞我。」
👉🏻👉🏻訪問短片：https://bit.ly/2xWjT65
（12052020）
_
#游大東 #游大東影視筆記 #歎息橋 #港劇 #黃定謙 #邵美君 #陳奐仁 #林保怡 #黃綺琳 #二五 #肥波 #舞台劇 風車草劇團 (Windmill Grass Theatre) ViuTV 25 Norris Wong 黃綺琳 黃定謙 WTHimmy Blacklight Artist Management 陳奐仁 Hanjin Tan 快樂的 做乜膠睇電視 Fatballslim
