關於 陪心寵糧好唔好 ，我們在網路上蒐集到這些相關的討論、資訊與評價

【貓耳的秘密】

傳說，貓耳係每隻貓貓最神聖嘅地方。貓耳之所以咁靈活，係因為佢哋嘅耳廓上面有20組以上嘅小肌肉，可以自由咁扭動。其實，貓耳仲係幫我哋了解貓貓心情嘅重要部位。

最廣為人知嘅「飛機耳」，就算唔係貓奴都可能知道，係代表貓貓嬲緊，仲有機會隨時「出手」；如果當貓耳快速咁向前向後郁動，就代表貓貓聽到令佢警覺嘅聲音，感到不安；而當貓耳向前傾就代表佢哋好有興趣，如果係對住你嘅話，就代表貓大帝有求於你，想你陪玩、俾零食喇！

講咁多，都係幫大家更了解貓貓需要，隨時隨地照顧更周到！

😻買嘢呢邊！即刻Click 入嚟睇更多產品資料啦！
🐾Petmacy 寵物藥妝：http://bit.ly/38Ynro6
🐾百佳PetNShop：https://bit.ly/3vYT7TF
🐾HKTV Mall：https://bit.ly/3i3m3nd
🐾Wats Petmacy 寵物藥妝：https://bit.ly/3jM3Ute 及門市地址：https://bit.ly/3nKFbJq

#猫の日常 #貓之日常 #CatDaily #貓糧 #乾飼料 #轉糧 #寵物用品 #寵物藥妝 #petmacy #hkwatsons #hktvmall #PetNShop

【晴報 專訪】

【PetPet星】

【陳煒由愛名種貓變養流浪貓咪 Charlie陪睇劇本 Winnie最大食】

娛樂圈中有不少「貓奴」，陳煒（煒哥）是百份百的愛貓之人，全盛時期養過十隻貓咪以上，現在只剩下15歲的老大Rocky、14歲的Charlie和13歲的Winnie；Rocky、Winnie是流浪貓，Charlie是從慈善機構中領養回來。

煒哥鍾情貓咪是由於牠們安靜，性格獨立，她說：「貓比較易打理，佢哋會自己玩，唔同狗狗要帶佢出街『放風』，狗比較熱情要主人同佢玩多啲，我哋呢行工作時間長又唔定時，所以養貓我覺得適合啲。」

煒哥和貓貓生活多年，很熟悉3個仔女的脾性，都是性格大師。黑色貓咪Rocky好有「老大風範」，「身型幾健碩嘅，叫聲重低音，所以我就改佢名叫Rocky，佢性格比較淡定，沖涼都超級乖，平時唔算好熱情，但總會企喺你左右。」煒哥指當初牠在屋苑樓下出現，她餵了Rocky數天後，牠便跟著她回家，成為陳家成員。

至於Winnie是「泰妹」，是煒哥從泰國帶牠到香港的，當時煒哥在泰國的路邊草叢發現牠，「狀況好差似缺水，於是帶佢去睇獸醫……遇見Winnie係一種緣份，可能因為咁佢係好黐我，鍾意反肚扮萌，討人抱抱錫錫！」煒哥說不要以為Winnie身型嬌小，牠「罐罐」的食量是全家之冠，更有百厭一面，「最喜歡玩嘅係橡筋，我紮頭髮嘅橡筋全部唔見晒！」

而「老二」Charlie是一隻虎紋貓，煒哥形容牠是「跳高好手」，「佢最鍾意跳上吊櫃、衣櫃頂，但佢就比較細膽，比較神經質，好鍾意同我講嘢，又會陪我睇劇本，擅長眼神交流。」回想當日在收養場所，Charlie在煒哥面前來回踱步，成功吸引其注意，「以前我有養名種貓，但其實花貓、流浪貓都一樣好得意，好值得大家愛錫嘅。」

煒哥分享近日一件開心事，「有一隻黑色貓咪喺我屋企樓下出現，我都有落街定時畀嘢佢食，最後知道隻貓貓已經被好心人『包養』咗！其實香港係有好多愛寵物嘅有心人。」

難忘事當然不少，有一年農曆新年，煒哥說要出門五日四夜，家務助理放假，本來準備了三個砂盤，大量乾淨水及乾糧，理應問題不大，結果她返到屋企簡直崩潰，「我張大床全部都係佢哋嘅大小便，原因係因為佢哋貓砂盆係喺廚房入面嘅工人房，但可能佢哋玩得太開心，將廚房嘅門塞踢甩咗，廚房閂咗冇得去砂盤，所以……我將床變咗砂盤嘞！搞到我嗰晚冇床瞓，要瞓梳化，又冇厚被差啲凍親。我冇嬲佢哋，佢哋已經好乖，以為（後）我都唔敢要佢哋獨處多過兩日！」

#陳煒 #煒哥

【阿公講鬼】《屯門山精》（完）
　
（第１集）http://bit.ly/3bhFQxb
（第２集）http://bit.ly/3v5wzAw
（第３集）http://bit.ly/3erWP1N
　
＝＝有廣東話及繁中華語版＝＝
＝＝有廣東話及繁中華語版＝＝
＝＝有廣東話及繁中華語版＝＝
　
將兩母子成功超渡之後，阿公就帶住佢身上嘅家庭照片落山，打算等天光再報警處理。
　
電筒嘅電池就快用完，兩人只能小心奕奕摸黑前進，入黑嘅山上，四方八面都傳來昆蟲嘅叫聲，氣溫驟降加上濕氣變重，體溫會迅速下降，所以就算偷渡客成功登陸香港，都好大機會捱唔過饑寒交迫嘅夜晚，死喺山上。
　
「師傅，咁樣喺山上亂行，驚唔驚蕩失路啊？」鵬叔。
「唔驚，周圍都可以問路，除非真係遇到山精，佢哋會令人喺山上不斷兜圈直至攰死，或出現幻覺跳落山崖，不過又係另外嘅故事啦。」阿公補充：「呢個山無山精。」
　
鵬叔聽完之後嚇到縮起條頸：「點解你咁肯定？」
　
「有山精嘅山唔會有鳥類，有雀就唔會有山精，佢哋兩個係死對頭。」阿公。
　
鵬叔對阿公嘅理論半信半疑，只好跟實佢背後。估唔到，只靠住微弱嘅燈光，竟然可以順利返村。兩人一返到村口，就見到大批村民等緊佢哋。
　
「點啊？捉唔捉到山精？」村民。
「無，但我哋搵到另一具屍體…」鵬叔欲言又止。
　
「我哋想見一見村長。」阿公。
　
於是，兩人嚟到村長屋企，鵬叔都唔知應該由邊度講起，但阿公一開口就話：「你哋上山打嘅山精，其實係偷渡客，村長你一定知道㗎可？」
　
「偷渡客？我哋村從來無出現過偷渡客啊。」村長。
「咁係因為你向村民灌輸打山精嘅傳統，將偷渡客趕盡殺絕。」阿公。
「都話佢哋係山精嘛～」村長。
　
「十幾年前，你喺山上燒死嘅，都係偷渡客？」阿公。
　
村長遲疑一下，長嘆一口氣：「你無見到嗰個雞籠咩？如果任由佢哋亂來，損失嘅係我們啊。今次淨係偷咗幾隻雞，萬一下次入屋搶劫，你話點算呢？」
　
「點解你要虛構山精嘅傳聞？」阿公。
　
「因為簡單嘛～」村長又說：「你諗吓，如果我同大家講，呢條村後山經常有偷渡客出沒，為咗安全起見，我哋上山將偷渡客趕走，肯定會有村民反對，惹起爭議，甚至會有人收留偷渡客。」
　
「好喇，到時真係發生意外，有偷渡客入村搶劫，或傷害到村入面嘅小朋友，到時邊個負責？唔通你負責咩？咪又係我呢個村長負責囉！」
　
阿公當時根本無辦法用正義凜然嘅言辭去說服村長。

呢個或者係人類嘅天性，世界每次爆發戰爭，國家都會進行一番洗腦工程，將敵人妖魔化甚至非人化。
　
粹黨領袖希特拉，將猶太人標籤成蝨子、寄生蟲，日本侵華將華人視為豬狗畜生。咁樣做，先可以合理化自己嘅屠殺行為。
　
村長，只係將偷渡客標籤化成山精，令村民有合理嘅藉口上山打山精，所以故事開始，先唔打算將呢條村嘅名字公開。
　
反正山上根本無山精，阿公嘅工作都大功告成，離開條村之前，阿公同鵬叔講：「我無辦法改變其他人，但唔會被其他人改變。要點做，你自己好好諗吓。」
　
阿公唔想為難鵬叔，獨自離開條村之後，四周圍搵嗰間廢鐵工廠嘅位置，當年無Google Map，亦無網絡，只可以四周圍向人打探。
　
終於，阿公搵到喇。佢拎住家庭合照詢問工廠嘅老闆，老闆一眼就認出嗰個男人。
　
「大輝嘛！我識他啊！之前佢喺我工廠打過工，佢無地方住，我仲畀佢訓喺工廠，佢點啊？」老闆。
　
喺1950～80年嘅香港，製造業係香港嘅主要經濟支柱，由於香港地方細，只能以輕工業為主，喺六十至七十年代係製造業嘅高峰期，故此需要大量勞工人手，捱得苦又無怨言嘅偷渡客，成為工廠老闆嘅寵兒。
　
當時，香港嘅薪水對大陸工人嚟講簡直係天文數字，當然任勞任怨。
　
阿公將事情嘅始末話畀老闆知，當佢聽到媽媽同個仔都不幸喺山上去世時，就臉色一沉：「唉…真係天意弄人…大輝佢…被人捉咗返去大陸…」
　
根據老闆所講，大輝打算賺少少工錢後，從新界坐巴士去九龍領取香港身份證，由於嗰個年代嘅新界，係英國向中國租借返嚟，所以抵壘政策表明，偷渡客必須抵達界限街以南嘅市區，先可以得到香港身份證。
　
大輝賺到足夠嘅工錢後，老闆答應陪佢坐巴士去九龍，還特登借咗一套新嘅西裝畀佢，打扮得光鮮亮麗。可惜嘅係，大輝喺巴士上不幸遇到警察上車查身份證，只差一步，大輝就被帶返大陸。
　
阿公同母親嘅靈體溝通時，佢話因長時間無收到丈夫嘅消息，毅然決定同個仔偷渡來香港，兒子上岸後便一直發高燒，母親想揹住佢下山搵人求救，但喺山上迷路，過咗無耐個仔已經四肢僵硬，失去意識，當時仲落住大雨，母親只好將佢放喺山洞內，四處求救，希望有奇蹟出現。結果，兩人雙雙死喺山上。

阿公嘅山精故事以悲劇落幕。
　
而家睇返當年，好難想像到當時嘅情況，更加估唔到「華山救親」嘅情況。
　
喺1962年5月，由於偷渡客眾多，估計位於上水嘅「華山」約有三萬名偷渡客藏匿喺山上。當年政府仲未實行抵疊政策，而係將所有偷渡客「即捕即遣」。
　
警察上山將抓捕到嘅偷渡客拖上卡車，送到石湖墟收容營地，並打算第二日將難民送返大陸。
　
估唔到嘅係，第二日卡車離開收容營，上萬市民手持餅乾、麵包、乾糧，高聲吶喊要求放人，仲有過百人橫躺喺馬路上阻止卡車前進。好多偷渡客見狀紛紛跳車逃走，呢次華山救親，有過半數嘅偷渡客成功逃入市區，成為而家嘅香港人。
　
更有趣嘅係，而家香港有好多老人家，都係當年受唔住中國管治手法逃嚟香港。但而家嘅佢哋，唔知點解突然成為「愛國者」，批評對政府不滿而抗爭嘅年輕人。
　
（完）
我想眾籌一本書《屬於香港人》
在香港被消失前，用故事將歷史留住。
　
也許你覺得歷史很悶，但我對寫故事有100%信心。
香港人亦有義務瞭解香港歷史！
　
全書以故事讓你瞭解歷史，用手繪地圖使你明白當時狀況！
　
《屬於香港人》六月出貨。
為避免這本書「被消失」，唯一方法是「沒存在過」。
所以只接受預售，有多少預訂，就印多少本。
不會公開發售。
預售網址：（可寄海外）
https://bluegodzistore.boutir.com/i/Xqe2DogAA
　
＝＝＝＝＝＝＝＝＝＝＝
＝＝＝繁中華語版＝＝＝
＝＝＝＝＝＝＝＝＝＝＝
　
將兩母子成功超渡後，阿公帶著她身上的家庭照片先下山，等天光再報警處理。
　
電筒的電池快要用光了，兩人只能小心奕奕摸黑前進，入黑的山上，四方八面都有昆蟲的叫聲貫進耳內，氣溫驟降加上濕氣變重，體溫會迅速下降，所以就算偷渡客成功登陸香港，也很大機會捱不過饑寒交迫的夜晚，死在山上。
　
「師傅，這樣在山上亂走，不怕迷路嗎？」鵬叔。
「不怕，周圍都可以問路，除非真的遇上山精，它們會讓人在山上不斷兜圈直至累死，或出現幻覺跳下山崖，不過這又是另外的故事了。」阿公補充：「這個山沒有山精。」
　
鵬叔嚇得脖子縮起：「你怎麼可以肯定？」
　
「有山精的山不會有鳥類，有鳥就不會有山精，它們兩個是死對頭。」阿公。
　
鵬叔對阿公的理論半信半疑，只好跟緊他背後。沒想到，只靠著微弱的燈光，竟能順利返村。兩人一回到村口，便看到大批村民正在等待。
　
「怎樣？捉到山精嗎？」村民。
「沒有，但我們找到另一具屍體…」鵬叔欲言又止。
　
「我們想先去見村長。」阿公。
　
於是，兩人來到村長的家，鵬叔也不知該從哪裏說起，沒想到阿公劈頭就第一句：「你們上山打的山精，其實是偷渡客，村長你一定知道的嗎？」
　
「偷渡客？我們村從來沒出現過偷渡客啊。」村長。
「是因為你向村民灌輸打山精的傳統，將偷渡客趕盡殺絕。」阿公。
「都說他們是山精嘛～」村長。
　
「十多年前，你在山上燒死的，都是偷渡客吧？」阿公。
　
村長頓了一下，長嘆了口氣：「你沒看到那個雞籠嗎？任由他們亂來，損失的是我們啊。這次只偷了幾隻雞，萬一下次入屋搶劫，那麼怎麼辦呢？」
　
「你為什麼要虛構山精的傳聞？」阿公。
　
「因為簡單嘛～」村長又說：「你想想看，如果我跟大家說，這條村後山經常有偷渡客出沒，為了安全起見，我們上山將偷渡客趕走吧，肯定會有村民反對，惹起爭議，甚至會有人收留偷渡客啊。」
　
「好了，到時候，真的發生意外，有偷渡客入村搶劫，或傷害到村內的小孩，到時候誰負責？難道你負責嗎？還不是我這個村長啊！」
　
阿公當時根本沒法用正義凜然的言辭去說服村長。

這也許是人類的天性，世界每次爆發戰爭，國家都會進行一番洗腦工程，將敵人妖魔化甚至非人化。
　
粹黨領袖希特拉，將猶太人標籤化成蝨子、寄生蟲，日本侵華將華人視為豬狗畜生。這樣做，才能合理化自己的屠殺行為。
　
村長，只是將偷渡客標籤化成山精，使村民有合理的藉口上山打山精而已，所以故事開始時，才不打算將這條村的名字公開。
　
反正山上根本沒有山精，阿公的工作也大功告成，離開村子前，阿公跟鵬叔說：「我沒法改變其他人，也不會被其他人改變。要怎樣做，你自己看著辦。」
　
阿公不想為難鵬叔，獨自離開村子後，四處尋找那間廢鐵工廠的位置，當年沒有Google Map，也沒有網絡，只能四處向人打探。
　
終於，阿公找到了。他拿著家庭合照詢問工廠的老闆，老闆一眼就認出那個男人。
　
「大輝嘛！我認識他啊！之前他在我的工廠打過工，他沒地方住，我還讓他睡在工廠裏，他怎麼了？」老闆。
　
在1950～80年代的香港，製造業都是香港的主要經濟支柱，由於香港地方小，只能以輕工業為主，在六十至七十年代是製造業的頂峰，故此需要大量勞工人手，吃得苦也沒有怨言的偷渡客，成為工廠老闆的寵兒。
　
當時，香港的薪水對大陸工人來說是天文數字，當然任勞任怨。
　
阿公將事情的始末告訴老闆，他得悉母親和兒子都不幸在山上去世時，便臉色一沉：「那…真是天意弄人…大輝他…被抓回大陸了…」
　
根據老闆所說，大輝打算賺點工錢後，從新界坐巴士去九龍領取香港身份證，由於那個年代的新界，是英國向中國租借回來，所以抵壘政策表明，偷渡客必須抵達界限街以南的市區，才能得到香港身份證。
　
大輝賺到足夠的工錢後，老闆答應陪他坐巴士去九龍，還特地借了一套新的西裝給他，打扮得光鮮亮麗。可惜的是，大輝在巴士上不幸遇到警察上車查身份證，只差一步，大輝便帶回大陸。
　
阿公與母親的靈體溝通時，她說因長時間沒收到丈夫的消息，便毅然決定與兒子偷渡來香港，兒子上岸後便一直發高燒，母親想背著他下山找人求救，卻在山上迷路，不久後兒子已四肢僵硬，失去意識，當時正打著大雨，母親只好將兒子放在山洞內，四處求救，希望有奇蹟出現。結果，兩人雙雙死在山上。

阿公的山精故事說完了。
　
以現在來說，很難想像到當時的情況，更不可能想像到「華山救親」的情況。
　
在1962年5月，由於偷渡客眾多，估計位於上水的「華山」約有三萬名偷渡客躲藏在山上。當年政府還未實行抵疊政策，而是將所有偷渡客「即捕即遣」。
　
警察上山將抓捕到的偷渡客拖上卡車，送到石湖墟收容營地，並在翌日將難民送回大陸。
　
沒想到的是，第二日卡車離開收容營時，上萬市民手持餅乾、麵包、乾糧，高聲吶喊要求放人，更有過百人橫躺在馬路上阻止卡車前進。許多偷渡客見狀紛紛跳車逃跑，這次華山救親，有過半數的偷渡客成功逃進市區，成為現在的香港人。
　
更有趣的是，現在香港有很多老人家，都是當年受不住中國管治手法逃來香港的。而現在的他們，卻不知為何成為了「愛國者」，批評對政府不滿而抗爭的年輕人。
　
（完）
我想眾籌一本書《屬於香港人》
在香港被消失前，用故事將歷史留住。
　
也許你覺得歷史很悶，但我對寫故事有100%信心。
香港人亦有義務瞭解香港歷史！
　
全書以故事讓你瞭解歷史，用手繪地圖使你明白當時狀況！
　
《屬於香港人》六月出貨。
為避免這本書「被消失」，唯一方法是「沒存在過」。
所以只接受預售，有多少預訂，就印多少本。
不會公開發售。
預售網址：（可寄海外）
https://bluegodzistore.boutir.com/i/Xqe2DogAA