【Asia Miles 里數加現金】國泰航空官網直接預訂機票 活用里數選擇心儀航班同時賺取里數！同你一齊睇下有咩Tips！
🔍詳情及Tips：MrMiles.hk/miles-plus-cash/
3月中果時有同大家分享過Asia Miles將會推出里數加現金新玩法，話咁快又到咗3月30日正式推出。我就去國泰官網到即刻試下係點玩法，試咗幾個唔同組合得出嚟既結果都好唔同，內文再同大家詳細分享下。
新推出呢個Miles Plus Cash有幾點想提返先：
1️⃣現時係多咗Miles Plus Cash呢個抵銷機票價格既付款方式，但仍然保留以全Asia Miles兌換機票的標準賞，只係本身相對較貴既靈活賞同隨心賞無咗，啫係話如果有機位的話,仍然可以20,000里數兌換來回東京經濟客位
2️⃣先唔講Miles Plus Cash貴定平，呢加係多咗途徑使用Asia Miles，有里數就到期又或者餘下里數唔夠換一張標準賞的話，只要有5,000 Asia Miles都可以用里數加現金呢個方法嚟用咗佢
3️⃣里數加現金既性質上係以國泰官網機票價錢，再用Asia Miles用作抵銷票價所需款項，正因如此即使係用里數加現金都仲可以儲到張機票所得既里數，同埋Marco Polo Club會籍積分，同用全Asia Miles兌換機票的標準賞嚟講係兩樣嘢嚟
4️⃣我試玩咗里數加現金既兌換係隨住唔同日子，唔同Class或人數，里數加現金抵銷票價的兌換比率都會唔同
5️⃣如果標準賞有足夠位兌換而又有你心水時間，相信一般嚟講都係用返Asia Miles標準賞換會抵啲，如果里數就到期而標準賞又搵唔到心水時間，用里數加現金都不失為方法之一
總括嚟講以後揸住里數要換機票就靈活性大咗，想睇多啲Tips就可以睇返內文啦！🔍詳情及Tips：MrMiles.hk/miles-plus-cash/
