《機艙劣飲》
就算飛機餐有幾好食都好，
其實都係多鹽多糖多味精，
身邊已有空服朋友，由於長期食機上既飛機餐，
令到膽固醇超哂標，仲要搞到年輕尚輕就出現血管問題，
所以由今日開始，我自己決定都係開始戒食機上食物。
除左機上劣食外，好多時乘客既劣飲，
有時候都令人哭笑不得....
其實，平時好多時候，好多乘客已經有好多好特飲，包括有大叔最鐘意既white wine加雪碧，紅酒溝可樂，蘋果汁溝橙汁，蘋果汁溝soda water(幾好飲😂)...
話說，前陣子做左班好多大媽既機....
👦🏻安德魯：小姐你想喝點什麼？
👵🏻大媽：我想要檸檬奶！
👦🏻：下，檸檬加奶？
👵🏻：對呀，你們沒有嗎？
當時心裏立即萬個OS，檸檬點加奶？會肚瀉的，但又唔可以唔俾佢，又唔想佢飲完肚瀉瀨落我到，於是最後我就俾左杯奶同另外俾左兩片檸檬佢。
唔係講笑，佢最後真係飲哂。
原來細個同朋友講笑既檸奶不是夢，
當我以為呢個劣飲之霸？
Sor9ly...有更加精彩係度等我...
話說我朋友話有大陸👵🏻問佢要橙汁溝鮮奶，
大佬，呢兩樣溝埋一齊啲奶會變一舊舊嫁，
點飲呀？你唔好理，👵🏻飲到就得....
真係唔知啲人個胃係乜野構造...
-----------
IG：www.instagram.com/cabincrew.drew
FB：@貪玩空少安德魯
