【陪PEGGY先生去 #福井 三方五湖 + 敦賀篇】
繼續聲些同 沙米旅日手帖 與 Facebook專頁 和風初心者（わふうしょしんしゃ） Fishちゃん 嘅福井 + 石川 北陸地方之旅。一朝早嚟到 #三方五湖彩虹之路山頂公園（レインボーライン山頂公園），探下兩年前冬天都浸過嘅40度露天 #足湯（ashiyu）♨️，估唔到今年呢度大翻新，足浴區唔單止有瓦遮頭靚仔咗，仲開咗好多靚靚cafe，邊欣賞日本海景色邊飲熱朱古力，身心暖笠笠。😘☕️下山後順道去埋 #上中農樂舎 （かみなか農楽舎），體驗卡通片就睇得多嘅 #搗年糕（#餅つき・mochitsuki）🍡。睇卡通好似好輕鬆，現實係，要搗出煙韌年糕，首先要夠大力，仲要打得準，唔係幫你翻年糕嘅人對手就好危險囉。ww 農楽舎爲我哋準備咗醃菜（鹹食）同黃豆粉、黑蜜同番薯茸（甜食），即搗即食嘅年糕真係食過翻尋味，聲些已密謀出年新年要自己搗年糕了……雖然唔知成唔成功。🙈
#敦賀紅磚倉庫（敦賀 赤レンガ倉庫）亦唔係第一次嚟，前兩次淨係掛住睇敦賀市火車模型，🚂都唔知原來隔離嘅fusion意大利餐廳 ソニョーポリ敦賀 ，係米芝蓮推介食肆，食材唔駛講梗係用呢度新鮮食材精製，難得食到咁好味嘅海鮮洋食，甜品仲有呢度嘅自家製意大利雪糕！🍨和食吃太多，偶爾來一頓洋食，呢度超推介喔～！🍝趁黃昏時間再走一趟 #氣比神宮，⛩仲見到俳諧師 #松尾芭蕉 嘅銅像哩。（可唔可以保佑聲些今年文思泉涌啊？）再去一趟 #海魚街（日本海さかな街）🐟🐟🐟，又嚟入聲些最鍾意嘅黃金鰹魚湯（#黄金のだし・ogon no dashi）；夜晚嚟到 #水花月（若狭みかた きらら温泉水月花）。日頭去浸呢度嘅大衆浴池，可以遠眺 #水月湖 嘅美景，洗滌心靈；晚餐主力嘆若狹嘅靚海鮮，先有 #河豚刺身 仲有 #吉列比目魚 添。完美結束一日行程～。
想睇聲些嘅福井行影片，咁就要留意聲些聽日 #Facebook 同 #Youtube 頻道嘅新片啦～
遲幾日再同各位一齊進發 #石川縣，預告番將會估唔到咁多嘅少女呃like景點喔！🙈🙈🙈🙈💕
#預告定有新旅遊片睇喔
#松尾芭蕉保佑寫得哂啲稿
#最緊要剪得哂啲片🙈
#peggysensei #peggy先生
預告定有新旅遊片睇喔 在 張敬軒預告將開拍新電影拍檔Jeffrey稱為騷肌場面操fit 的相關結果
張敬軒、魏浚笙（Jeffrey）9月17日到尖沙咀出席活動，吸引過百fans圍觀。早前透露即將接拍新戲的軒仔，表示將在下星期拍攝賀歲片《超神經械劫案》，故事 ... ... <看更多>