［大韓航空＋韓亞ASIANA］我懷疑有冇人好似我咁得閒寫韓國airline．之前寫過，小小一個韓國，居然有8間客運嘅航空公司，十分神奇（＊）。韓國咁嘅嘥屎，近乎係冇domestic嘅（其實首爾—釡山都有，但只係玩轉機吧？）。唯一最多人坐就係首爾去濟州（你鍾意釡山去濟州都得嘅），而你估到有乜後果，就係平到坐巴士咁，仲要好密，聽韓仔朋友直頭去到機場先買都仲得（而即使香港飛首爾啲機票長期都係平）。
咁但，八間公司（埃汾坐過五間！），有五間都係兩大集團。大韓航空同埋真航空（廉航），就係韓進嘅。韓亞ASIANA，釡山航空，同埋首爾航空，就係錦湖韓亞嘅。
（剩返嗰三間，濟洲航空，T'way同埋EASTARJET，而舊年濟洲航空食埋EASTARJET）
咁即係，大家都估到，實會有人做唔住，再加埋疫情，就當然行業整合了。不過估唔到一嚟就嚟單大嘅，索性 大韓航空 同 韓亞ASIANA 合併。下面另外嗰三間嘢都應該會整合。
話會成為全球第十大航空公司，就聽住先。不過韓進嘅講法係：1億人口以下嘅國家，就唔應該有兩間full service 嘅airline喎。
亦都正如新聞講，係韓國政府主導的—當然有中文同英文梳屎，不過貼日文好似型啲（＊＊）
咁，都係例牌嗰啲嘢啦，整合，節省資源（translation：炒人，機會嚟啦飛雲），少啲競爭（translation：加價）。股價當然係反應正面，韓亞ASIANA一日就升30%，大韓航空都升13%—留意兩間嘅股價都返返疫情之前，十分堅，記住真係冇乜國內線的。不過見啲韓仔韓妹朋友呢期個個都去濟州，同我地去長洲一樣，因為冇得去第度。
又，重覆一次，諗起大韓航空，都係諗起《十二夜》嘅張栢芝，咁就廿年。著大韓航空制服嘅栢芝，就好過飛天小女警了。正所謂香港我地貼架妹，日本人地就貼張栢芝—詹瑞文呃咗我好多年，我後來去咗N次日本，都冇見過有人貼張栢芝（但有人貼韓妹，你懂的）
（＊）其實仲有第九間，江原航空，但完全冇見過。
（＊＊）我唔識日文，但點解會收到日經漑日文newsletter？呢個係一個十分之Catch 22嘅故事。點解收到？因為我取消唔到。點解我取消唔到？因為我唔識日文！上咗去研究咗一排都唔知點取消。咁但做乜我最初會訂？因為當年有篇訪問上咗日經。日文呀！我貼在位度鳩威的，仲send畀日本人朋友。訪問嘅記者的確係日本人，不過個訪問係用普通話進行嘅（而當然，佢嘅普通話仲好過我）（其實唔難，任何「識普通話」嘅外國人都會講得好過我）
=========================================
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7
飛雲日文 在 葉錦龍Sam Yip - ［機會嚟啦飛雲］日文入門班旅遊 ... - Facebook 的推薦與評價
［機會嚟啦飛雲］日文入門班旅遊篇 葉錦龍親自傳授日文功力俾大家 又到假期旺季，日本係好多香港人嘅選擇，但係去到雞同鴨講， 都幾麻煩。 ... <看更多>