#食食食又係食 #自助餐終於開返 #今次仲有KitKat甜品
疫情漸向好轉，困得太耐，都需要放鬆一下，當我知道 La Scala at Royal Plaza Hotel - 花月庭 自助餐開返，就決定約埋好朋友 QB 一齊食飯去😋而且今次係我最愛嘅「日式主題自助餐 x 雀巢® KIT KAT®甜品區」，嘩嘩嘩！食完又要減肥啦🙂
首先介紹呢個特別優惠，就係「明太子帆立貝北海燒」，只要惠顧星期一至四自助晚餐，每個客人可額外獲贈明太子帆立貝北海燒乙客。北海道噴火灣特產帆立貝，配以博多明太子製成嘅醬汁焗製而成，真係必食😉
跟住仲有呢個好特別，以滋賀縣特產嘅晴岡米製作嘅「松葉蟹膏海龍皇雜炊」，米係日本飲食文化其中嘅精華，當然不可缺少以日本米為主題嘅佳餚。大廚即席於客人前以日式龍蝦湯混合松葉蟹膏製作雜炊，最後加入龍躉、帶子、大蝦及手拆松葉蟹肉。真係好特別嘅味道，好啱我呢啲鐘意食米飯嘅朋友喔😍
喜愛食牛嘅朋友更加不能錯過「板燒澳洲 M5 和牛 D-Rump」，即是牛後腰脊嘅部位。呢個部位因其脂肪含量低，肉質柔軟，非常適合既注重健康又愛食肉嘅都市人🙂放在高溫鐵板上煮，再配上秘製日式醬汁，食落口真係好Juicy，仲有香香嘅肉味，令人回味😋
牛魔王都唔可以錯過「谷咕牛肋條」，呢道加入咗朱古力元素嘅谷咕牛肋條，我都自問從未試過🙈食落口有「可可香味」，食嗰陣要用蒜蓉包沾上醬汁一齊食，麵包完全吸收富混合可可香味嘅肉汁，真係會食唔停口，想繼續添多啲麵包😂
食咗咁多美食，仲食唔食得落甜品？點會食唔落，甜品係有另一個胃接收㗎嘛😝跟住就係介紹期間限定嘅雀巢® KIT KAT®主題甜品區啦！今次甜品有4款大蛋糕，包括66% Alpaco 朱古力松露蛋糕、巴西莓朱古力慕絲蛋糕、朱古力草莓忌廉蛋糕、紅桑子朱古力蛋糕。
嶠媽就至愛「66% Alpaco 朱古力松露蛋糕」，佢係一條約 17 吋長嘅巨型雀巢® KIT KAT®朱古力條，是甜品區中最具玩味之作，必食必食！仲有其他特別甜品：抹茶柚子白朱古力撻，芒果朱古力千層酥，香橙紙杯蛋糕，紅寶石草莓慕絲蛋糕。全部甜品都係甜品師傅以不同味道嘅雀巢® KIT KAT®製作而成，大家都不容錯過😋
💡大家最擔心嘅都係安全問題，首先花月庭出入口都設有個人衛生站，備有消毒地毯，為每位客人量度體溫，並提供酒精搓手液；每張餐桌之間保持 1.5 米距離及最多 8 位客人一枱；客人出自助餐位置取食物，必須戴上口罩‼️
Royal Plaza Hotel
#帝京酒店 #花月庭 #瀛脆樂滿Fun自助晚餐 #雀巢KitKat甜品區 #食得安心 #外出取食物都需要戴口罩 #芊嶠與劻霖成長日記
食食食又係食 在 食在好健康 的推薦與評價
只要每周一次實踐「蔬果佔一半餐盤」，就可以為自己的健康加分，並有效減少溫室氣體達到地球友善！ 快點http://mycolor.1000-love.org.tw 參加「餐盤健檢」遊戲，挑選你常 ... ... <看更多>