//支持本Page請Click入內文比Clap，已為Medium收費會員請直接Click入內文閱讀，謝謝！//
//全文太長，有關電影評論部份可Click入內文閱讀//
我對呢套電影有極高評價嘅原因，仲係由於再一次有作品令香港抗爭者感同身受。一般黃絲當然對於FBI果種為求入罪不擇手段、甚至接近插贓嫁禍好有同感：因為現實上嘅香港警察就係會咁做，而且仲要加上各種肉體同精神迫害添──片中嘅Richard Jewell其實應該慶幸自己身處美國，因為而至少FBI仲係某程度上係受住法治制肘、Richard Jewell唔會響迫供過程中被打一身；同埋美國法治基本上仲有險可守、去到最後響Richard Jewell都終於還佢一個清白。
但假如你係好似我，或者一班前線勇武義士咁，係曾經經歷過一班黃屍抹黑同老屈，咁對於呢套電影，就會有更深一層體會。Richard Jewell因為機緣巧合之下，響阿特蘭大紀念公園發現背囊炸彈，拯救咗上百、甚至上千嘅生命，一時間被人捧成英雄係理所當然；
然後呢？一班唯天下恐不亂嘅捉鬼天師，或出於不可告人嘅計算、或執著於個人偏見，於是就開始作出一啲毫無根據嘅陰謀論，愈講愈似層層：例如炒番Richard Jewell以前嘅犯事記錄、佢合法擁有嘅大量槍械、採納對佢早有偏見嘅校長證供、話根據過往統計，「白人保守派男性」就係孤狼炸彈狂徒嘅共通特徵──然後當為佢辯護嘅律師不斷提醒當時Richard Jewell根本無辦法一邊疏散人群、一邊走去電話亭打恐嚇電話，FBI就屈番佢一定係有共犯──咁之前個孤狼特徵呢？當然係扮睇唔倒。
Richard Jewell係咪有責任為自己辯護？佢的確想幫自己辯護，但問題係當佢口齒唔伶俐、講嘢講到1999時，班一早判佢有罪嘅Fake News媒體只會老屈佢對答可疑，然後成班美國左膠就當然媒體報乜就信乜，on99走去齊齊捉鬼──點呀？係咪好熟口面？當日美國社會對Richard Jewell進行嘅種種迫害，就同今日成班捉鬼天屍做嘅嘢一模一樣。
一班開口埋口「咁早出黎裝修就預咗比人捉鬼」、「我捉鬼只係為咗保障大家安全」、「平時對答一啲都唔似正常抗爭者」、「阿邊個邊個聽倒佢同防暴講話係自己人」嘅垃圾黃屍狗，根本就無任何真憑實據肯定人地係鬼，只係憑空將一啲陰謀論講到似層層，然後無視亂屈人係對被屈者做成幾大傷害，仲要掉番轉講到自己行俠仗義巴撚閉。
Richard Jewell響由英雄變成「鬼」，同佢媽媽比班捉鬼天屍不停響身心上肆意催殘，但仍然好勇敢堅持到最後。好彩嘅係佢響法治未至於「殘而不廢」嘅美國，等咗差唔多十年終於等到真兇自首、昭雪冤情嘅一日；而所有曾經老屈佢嘅Fake News媒體，亦陸續被佢控告而最終獲得和解賠償。但響香港呢？呢班「捉鬼天屍」就算係亂捉鬼卻唔會受到任何懲罰，最多一句「So99y」就算撚數。
Richard Jewell被屈成鬼時，至少有一位律師願意相挺去到最後；香港一班抗爭義士，卻隨時因為被捉鬼而被警察掌握倒足夠證據秋後算帳，最終甚至可能終生流亡海外不得回港；而呢班垃圾黃屍狗假若仲有半點良知，當你睇倒Richard Jewell一家人點樣被陰謀論同人格謀殺搞到身心造成極大傷害，應該羞愧到抬唔起頭──只可惜大多數垃圾黃屍狗都係毫無良知同自省之心。
至於廢老燈燒呢頭吹噓自己響台灣支援咗幾多幾多義士幫自己堆藍店抹黃，果頭就鼓吹全民捉鬼迫哂啲手足逃亡海外等佢永遠有得繼續支援──呢個「永續捉鬼圈」，先至係無恥中嘅無恥。
