【懶人文字版食評 😋 第10回】🍽 馬華餐廳
地址：佐敦佐敦道12號耀棠閣地下
價錢︰羊扒餐80 ，馬來特製大餐$98
人均消費：$100
時間：星期四晚上
💡其實沒有什麼特別，不過半年前在普光齋吃飯，望過對面馬路見到有一間類似食馬來西亞的懷舊餐廳。今日想起，就徘徊在太平館及這間馬華餐廳。最後揀了馬華，無他，因為沒有試過！
🏠環境
絕對係這裏最大賣點，我其實不知道他的歷史。不過裝修來看至少30年，而且設計裝修極有王家衛味道。相信都應該係自己鋪，如果唔係點可以維持到。另外特別一提就是餐具， 80年代的咖啡杯，還有懷舊退色的麵包膠碟。想要這種氣息，香港買少見少。不過卡位日久失修，如果後邊有人座，可能就要忍受一下啦！
🤷🏻♀️服務
沒什麼特別，不過至少沒有黑面，兩位姐姐服務都算清晰。叫做有求必應。不過說起現在，這個環境，餐廳服務員都沒有太大心機。這個都可以理解的。剛剛昨天ig po一張相，好多朋友都表示關注。希望疫情盡快過去🙏🏻
🍲食物
老實講，絕對不會抱太大期望。如果要食好啲的土炮西餐可能都會過咗去太平館食瑞士汁牛河。不過老婆話以前讀書時期曾經到訪，所以想回味一下。簡單叫咗兩個分食物，首先第一份係紐西蘭羊扒餐，不過成個餐重點有三樣嘢第一，羅宋湯，絕對懷舊的味道，有些偏辣，第二樣嘢就係餐包，都算幾軟熟。第三樣就係扒餐裏面的Z薯條😂。份羊扒，認真的唔掂，梳打粉拿到啲羊扒淋晒，絕對係平價羊扒的代表。當初還以為這裏的扒餐係鐵板上添🔥
馬來特製大餐，大食的可能會覺得仲抵食，包括一份蝦參乜（蔬菜），另外仲有咖喱雞飯加隻蛋，四串牛肉沙嗲，仲有羅宋湯，仲有嘢飲。🙏🏻🙏🏻沙嗲係好食嘅，肉質亦都較為新鮮，咖喱雞死實，明顯係雪藏。
🌟總分2/5
四碟食物都係有汁，整體感覺一般，都係用醬汁掩蓋食物的原味，唯一最好的就係牛肉沙嗲，叫做有少少肉味。沙嗲汁極較為正宗。如果沒什麼情意結，可以省卻。懷舊色的本地餐廳，或者都係食太平館，灣仔樂意扒房甚至乎西環的森美餐廳😂
#真實食評
#吃喝玩樂
