關於 馬拉松分店銅鑼灣 ，我們在網路上蒐集到這些相關的討論、資訊與評價

2013年，第一次創業
喺觀塘開咗第一間 PT pro
老實講，當時戇居居，真係完全乜都唔識
點樣營運計數，甚至健身知識係零
一步一步走來，我想講呢間健身室，可以話改變我一生

因為呢個地方，我認識咗最好嘅夥伴

因為呢個地方，我從一個連行樓梯都想死嘅人，變成馬拉松都跑左幾次，每個星期都會死去做gym嘅人

由肥妹仔，變到都叫做均勻

由健康知識係零，去到而家極度養生

由冇厘搭霎，變成一個責任心極大嘅人

尋日開張，其實好感動
首先要多謝一班教練，由朝頭早一直幫手，冇咗你哋，尋日我哋應該會做到喊

要多謝來臨嘅朋友，對比上一次開張，我突然發現我多咗好多朋友，多謝你哋特登過嚟，多謝你哋咁錫我，小女子會繼續義氣相隨

多謝來臨嘅傳媒，人生第一次落手落腳去做一個記者會，老實講真係乜都唔識，都係跟住平時去嗰啲記者會去做，招呼不周多多見諒

多謝幫手嘅公司同事，有你哋幫手，我個心都會即刻定啲，你知啦我漏嘢嘅功力幾強先得㗎

最後要多謝PT PRO幾位老闆
多謝你哋永遠都咁合作無間
大家互相補位，永遠都唔鬧交
只會互相體諒，總係為件事好行先

一齊走過九年
老實講今時今日喺香港，一間健身室，唔係大，又唔係連鎖集團
能夠走過9年，一直屹立不倒，甚至衝出香港
(係，順便宣佈台灣裝修緊啦)
一切一切，得來不易

除咗 2 樓繼續我哋嘅私人健身教練課程
銅鑼灣分店今次增設左3樓
3 樓叫GYM PRO
專門俾自由健身教練租場教學生
希望比多一個選擇，俾出面嘅教練可以有地方發展事業
教練們多多支持啦
詳情可以 inbox PT PRO

往後嘅日子，我哋繼續保持一開始嘅宗旨
教好學生，做好自己，繼續增值，將自然健身發揚光大！

#PTPRO #PTPROFITNESS
PT pro
Edward PT pro
Paul Wong 黃耀洪
PT PRO Fitness 台灣店

謝謝Edkin精心炮製。兄弟姊妹，路上小心。

【元朗STRONG！打算去元朗遊行嘅全部同我入嚟！】文：Edkin

我呢啲老人家都要學連登口吻：「打算去元朗遊行嘅全部同我入嚟！」

首先要搞清楚去元朗遊行，最重要嘅目的係乜嘢？

如果純粹用遊行嘅角度睇，我本人覺得今次去元朗遊行風險非常之高：最理想情況不過係和平結集和平散去，但係一個唔小心有乜嘢衝突，令民意有偏離就得不償失。所以好似警察咁講，唔去遊行就乜事都冇。係咪？

錯。

今次元朗一班流氓無差別攻擊市民，係超出咗香港 所-有-人 嘅底線。今日喺元朗，聽日任何一區都可以發生。呢種襲擊，講到明就係恐怖襲擊，目的就係挑起仇恨，令到市民日常活在恐怖氣氛之中。但係有一樣嘢要清楚：攻擊恐怖分子，係武裝部隊嘅工作。作為平民百姓，我哋嘅反擊就係要 生-活-如-常。

超過百年歷史嘅波士頓馬拉松受到恐怖襲擊，造成多人死傷。之後一年既馬拉松，終點線分毫不變，民眾一如過往夾道歡呼支持。已經復原嘅跑手再一次踏上跑道完成比賽。呢一切，都係民眾嘅反抗：Boston Strong，每一個人擦乾眼淚包紮傷口之後，大家堅如磐石，半步不讓，生活如常，絕不會被恐怖襲擊所動搖。

所以今次元朗遊行，係要清楚表明，我哋絕對唔會屈服喺恐怖襲擊之下。我哋針對嘅係施襲嘅兇徒，而過往幾日起底已經好清楚，呢啲人全部都係流氓同埋爛仔。 呢啲人 絕-不-等-同 元朗嘅市民同原居民。今次聲討之餘，最重要係同元朗嘅市民站在同一陣線，開心玩樂，食飯買嘢，享受生活。我哋以往遍地開花嘅光復遊行，係趕走上水嘅水貨客，趕走屯門嘅大媽艷舞，今次係要同元朗市民一齊還原元朗嘅美好，同時唾棄向普通市民施襲嘅恐怖分子，清楚明確。

大家入到元朗，要清楚俾元朗嘅居民知道，反送中抗爭咁耐，幾多萬人上街遊行，我哋冇傷害過任何市民，冇襲擊過任何商舖，清清白白仁義兩全，點可能會出現去襲擊人哋嘅村落或者祠堂呢種咁無厘頭嘅行為？

呢一度我必須要指出一個重要嘅歧點：即使次次遊行都話有鬼，但係今次係好明顯有人希望喺元朗嘅遊行裏面會出事，藉著混亂去挽救自己。

上次以白衣為記既恐怖分子無差別襲擊市民，佢地既樣貌係眾多既攝錄影片段之中被清楚記低。警察即使一時之間未有行動，呢啲人心裏面都係惶惶不可終日。 呢個時候雖然有人嘗試將上星期日嘅襲擊講做「保家衛村」嘅防衛舉動，但係打得咁過火，係人都當呢啲係砌詞藉口。所以今次一早有人散播「入村拆祠堂」呢類荒謬嘅消息，就係為咗希望今次元朗遊行入面出現類似嘅情況，就可以將佢哋上星期日嘅暴行合理化。

而當中係呢件事上面搖旗吶喊得最大聲，就係立法會議員 何-君-堯。

我哋首先睇返上星期日恐怖襲擊之後，港台節目《視點31》上面，何君堯莫名其妙咁不停聲稱朱凱廸既支持者搞光復行動要入村拆人祠堂。大家睇佢嘅動作似係歇斯底里，但係其實佢就係需要咁樣嘅sound bite ，等本地共媒用呢個畫面去大做文章。大家一定要清楚入村拆祠堂呢種講法以前係未出現過，何君堯係首先提出（正如梁振英搞港獨），令到呢個流言變成似層層，逼使鄉議會同警察都要對其回應，從而進一步增加呢件事嘅可信性。 然後何君堯又再神神地自己做live，又以黑社會口吻話「一條生路一條活路」拉朱凱廸落水；明眼人都睇到，如果遊行當日有人著住黑衫入村稍為生事，成件事嘅風向就會畀佢哋扭轉，朱凱廸就會受到波及。

今次元朗恐怖襲擊，何君堯同恐怖分子握手言歡嘅畫面路人皆見，事後建制派同何君堯割席，何君堯係出屎橋結果推咗自己落屎坑。恐怖襲擊之後第二日何君堯父母墳頭被毀，就似係揭露更多難以告人嘅內情。今次何君堯令到元朗及屯門鄉紳灰頭土臉，佢統戰鄉紳嘅價值已經大大降低，如果何君堯再失落立法會議員資格，到時西環唔會再係佢靠山，所有瞄準佢嘅事情都唔會再有所顧忌，佢就死都唔得掂。所以而家何君堯發曬窮惡，係都要同區既主要對手朱凱廸攬炒，可見佢係已經死無退路。

所以今次遊行嘅目標係向恐怖襲擊企硬。同時希望大家唔好畀任何人有機會喺村內生事，然後等任何相關人等有機會由元朗恐怖襲擊嘅罪行之中開脫！

大家今次盡量唔好接近村落，唔需要一定著黑衫，多啲留喺元朗市區消費，食完飯唔好等入黑，盡快散場。流動如水，大家一早散曬就冇機會畀人生事，就更加唔需要擔心要還拖。戰場唔需要一定喺元朗，喺大格局睇，將建制固有嘅力量打散就已經係勝仗。

文末附上元朗簡易地圖，尊重村落，唔好特別打搞。希望大家入到元朗多多開心消費。不過部分店家背景可疑，就可免則免。另外如果遇到突發情況亦附上一系列可以躲避嘅地方。記住動若流水，平安黎平安散就係勝利。

大家加油！
Part 1 背景可疑店鋪，避免消費：
1. 元朗西鐵站對出西鐵燒烤樂園
2. 金禾遊戲機中心
3. 新太陽桌球會
4. 百味軒 餐廳
5. 喜洋洋點心專門店

Part 2 7.27 元朗遊行撤退方法。
1.元朗市中心撤退
一.無封大馬路
往天水圍：輕鐵761p(天耀站)/輕鐵轉西鐵/巴士b1/269d/276p(大馬路沿路都有站，聚星樓落)
往荃灣：68m
往旺角：268x
往上水：276/276P
往沙田：269D
往東涌：E34B
二.封大馬路
往天水圍：輕鐵/輕鐵轉西鐵/行去安寧路或安樂路或朗屏總站搭k73
往屯門：輕鐵/輕鐵轉西鐵
2.朗屏撤退
往天水圍：k73
往青衣：68a(朗屏邨總站/屯公轉車站/荃灣/青衣)
往佐敦/尖沙咀/紅磡：268b
往黃大仙/九龍灣/觀塘：268c
往其他地方：西鐵😂
3.到達天水圍撤退
❌269D(往瀝源)/276P(往上水)因有機會經元朗
❌B1，去福田口岸
❌鐵巴K73(元朗西總站)、K74(唔使理)只去元朗
❌B2/B2P，直接去深圳灣
⭕️天祐苑
（搭西鐵（往紅磡方向車頭2號門）
到月台一落扶手電梯 最近就係exit d 天橋 行斜路落去 直行就係巴士站）
- 九巴69m 經荃灣 ，終點葵芳站
- 69x 經美孚、長沙灣、深水埗、旺角、佐敦，終點西九龍高鐵
- 269B 經西九高鐵站、尖沙咀，終點紅磡
- 269C 經黃大仙、鑽石山、彩虹、九龍灣，終點觀塘
- 276a 上水站
- 城巴 969 西隧去港島，上環至銅鑼灣
- 龍運 E34A ，東涌及機場
⭕️天慈
（k73 「天耀邨耀豐樓」站落車 過對面馬路的巴士站）
- 九巴265B 經美孚、長沙灣、深水埗、旺角、奧運站，終點柏景灣
- 269M 經荃灣、葵興、葵芳，終點荔景
- 276B 經落馬洲皇巴站，終點上水站
- 龍運 A37 ，直去機場，留意A車比較貴
4.往屯門方向撤退
一.到洪水橋站：
（輕鐵610/614/615）
-63x 往佐敦 經屯公轉車站/旺角 （要去洪福邨搭，sorry for唔識行）
-68a 往青衣 經屯公轉車站/荃灣 （行去輕鐵車尾巴士站 唔使過馬路 唔使入隧道）
二.到兆康站：
搭輕鐵(上面嗰三條線 落車要上一層)/西鐵(往紅磡車尾)
-261 往天平邨 經上水

Part 3 地區服務資訊
元朗屯門區
【元朗及天水圍區】
1. 宣道會元基堂
地址：元朗康樂路嘉好樓2樓 (正堂)
時間：1500 - 2130
用途：禱告休息，提供水及洗手間
義工支援：提供合適的交通資訊、傾談關心、代禱服侍
電話：24799138

2. 信義會元朗生命堂
地址：元朗安寧路115-137號 (副堂)
時間：1400 - 2100
用途：禱告休息，提供水及洗手間
電話：2478 6913

3. 基督教協基會元朗社會服務中心
地址：新界元朗水邊圍邨盈水樓平台206-209室
時間：1400 - 2200，會按需要延長開放時間
用途：休息，提供水、急救物資、食物
支援：社工提供元朗地區及情緒支援
電話： 24434853

4. 童軍知友社賽馬會朗屏青少年服務中心
地址：元朗朗屏邨賀屏樓平台216-225室
時間：1500 (27/7) – 0600 (28/7)
電話：24755441 / 82099021 (青少年外展/ 深宵外展)

5. 香港聖公會聖馬提亞綜合服務–賽馬會青年幹線
地址：新界元朗天水圍天龍路4號 (景湖居一、二座對面)
時間：1400 (27/7) – 0600 (28/7)
電話：24460738

6. 基督教香港信義會天水圍外展社會工作隊
地址：天水圍天瑞邨瑞輝樓地下
時間：1400 (27/7) – 0600 (28/7)
電話：24786913 / 98729969 (青少年外展/ 深宵外展)

【屯門區】
兆康西鐵站 (支援站)
位置：兆康西鐵站近巴士站果邊既空間(以前順豐速遞果邊)
時間：1600 (27/7) - 0030 (28/7)
用途：基本物資支援、地區休息站資訊

屯門西鐵站 (支援站)
位置：近屯門西鐵站與河田輕鐵站中間 連儂牆附近
時間：1600 (27/7) - 0030 (28/7)
用途：基本物資支援、地區休息站資訊

1. 屯門贖世主堂
地址：屯門鄉事會路二號
時間：1500 (27/7) – 0600 (28/7)
*將於27/7下午三時起明供聖體，為香港社會祈禱，直至早上六時（28/7）
用途：另開放地方予禱告休息，提供水及洗手間
電話：24596510

2. 信義會王賽明快樂家庭培育中心
地址：屯門兆康苑兆康商場2字樓
時間：1500 (27/7) – 0600 (28/7)
電話：24618099

【地區外展/ 深宵外展服務】
【元朗】
香港基督教服務處元朗區青少年外展工作隊
Tel: 90644064
童軍知友社賽馬會朗屏青少年服務中心 - 深宵外展服務
Tel: 82099021

【天水圍】
基督教香港信義會天水圍外展社會工作隊及深寓外展服務
Tel: 98729969

【屯門】
救世軍屯門深宵青少年外展服務
Tel: 60377780
以上資料由元朗義工提供，願大家平安。

（後記，本文波士頓一段受到文友蝦叔跑步 Uncle Shrimp Running 啟發，特此致謝）
連結：https://www.facebook.com/hasuk42195/posts/2368833173197317

《巴黎鐵塔下的晚餐🗼》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
連續幾日馬拉松式考完大部分試之後，決定放自己出黎抖一抖🤦🏻‍♀️呢間餐廳最吸引我既地方，就係銅鑼灣分店有個倒轉既落地巴黎鐵塔，我自細就好鍾意巴黎鐵塔，身邊既朋友都應該知，無論係我手機殼，定係屋企擺設，都總係有佢既存在，所以呢晚就去左獎勵一下自己🤫入到去之後店員即刻上左碟花生小食，再遞上部平板電腦，一路剝花生一路睇餐牌🥜
.
👁‍🗨 海鮮拼盤（7/10）💲328
.
➰ 呢兜海鮮拼盤都份量十足，有富有嚼勁既鮑魚同埋翡翠螺，熟蝦正正常常無咩特別，熟龍蝦質感爽口彈牙，不過就有少少鹹🦐法國生蠔無想像中咁肥美，但係入口都鮮甜，至於青口會比較遜色👉🏻👈🏻
.
👁‍🗨 極上12安士炭燒安格斯牛仔骨（7/10）💲158
.
➰ 食牛仔骨需要花點牙力，呢個勝在肉味香濃，亦都帶少許油脂香，蘸上岩鹽調味唔錯🥩配上煙肉粒薯仔，薯仔口感偏向似係半生熟薯仔片，十足十Delifrance入面我幾鍾意既法式焗薯批咁🥔
.
👁‍🗨 狂野摩天輪（7.5/10）💲128
.
➰ 🎡既每一格都係放滿炸物，所以要小心轉既時候炸物會高空墮地😂入口仲係熱辣辣，食落炸粉夠薄身，有彈牙既吉列炸蝦、炸帶子、幼條得黎脆身既炸春卷、咬落去飽滿爆汁既炸蠔，最後係不得不提最有驚喜既炸紫薯，口感腍身非死實，紫薯味頗濃帶點甜，的確係好味既😍
.
👁‍🗨 霸王軟殼蟹配法式紅醬意粉（6/10）💲128
.
➰ 霸王軟殼蟹都真係幾大隻既，帶有微微既酥脆🦀不過個意粉有待改善，本身期望紅醬會係番茄醬，但係出到嚟冇番茄味，反而多左陣唔知咩味🍅同埋意粉煮得腍身左啲，建議大家可以留quota點其他野🤤
.
👁‍🗨 The Love of Eiffel（7/10）💲218
.
➰ 乾冰噴煙打卡一流，尤其係啱曬各位少女們💕上層既前面係三粒流心朱古力，分別係酒味、甜度比較高既紅莓、濃味甚至帶點苦澀既咖啡☕️心型朱古力入面係有堅果同提子乾，三粒馬卡龍有最原始既杏仁、好清新既檸檬味道、焦糖花生，最後仲有朵我唔敢試既糖膠玫瑰😳下層有細蛋糕，芝士、藍莓芝士、朱古力三種味，質感都係香濃厚實，味道亦都到位🍰仲有抹茶吉士泡芙，同埋兩杯甜品，一杯係抹茶伯爵茶海綿蛋糕，帶有陣陣茶香，而另一杯係蜜桃，可惜佢既質感同味道都唔太係我杯茶🙈
.
👁‍🗨 What the Duck（7/10）💲118
.
➰ 單睇賣相已經覺得好有創意🦆不過支飲管太短成日跌左入浴缸裡去🛁鴨仔前面既係爆炸糖，入口即刻霹靂啪啦好過癮😛浴缸入面既飲品就係由青蘋果、奇異果、菠蘿汁、紅莓汁、石榴汁糖漿調製而成，飲落係酸酸甜甜既莓汁為重，之後會有微微既奇異果味，整體真係果味十足🍹鍾意甜野既我會覺得幾合意
.
👁‍🗨 Honey Bee（7/10）💲118
.
➰ 呢杯honeybee夠哂honey，野飲面頭放左一大舊蜜糖之外，旁邊仲放左一樽蜜糖，所以甜度完全可以自己控制，想濃啲蜜糖味又或者想甜啲就自行再落，除此之外，仲有一塊牛油格餅，我就貪得意，倒左啲蜜糖落塊餅度一齊食😂講番杯野飲，酒精濃度相當低，岩哂女仔飲，而且佢係由菠蘿，桃同其他酒精混合而成既一杯沙冰底飲品，所以飲落香甜，但個人略嫌菠蘿味吾夠出😳
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Mini Club (銅鑼灣)
地址：銅鑼灣駱克道487-489號駱克駅1樓 (銅鑼灣站C出口)
營業時間：
星期一至日 17:00-03:00
#FoodiesDNN銅鑼灣
#FoodiesDNN香港 @ Mini Club