【鹿頸、鳳坑】
以前咁多年周圍飛✈，12個農曆新年中，有超過一半都唔喺香港，諗番都幾慘慘，成日等到初五後先有幾日假去拜年，有時連年三十晚都唔喺香港，團年飯都冇得食😢。
今年，不再離地😊，成個新年都喺香港，終於可以同小朋友安排節目。疫情期間減少拜年，不如到郊外走走。帶住細佬B👶🏻，繼續都係揀番 BB 級路線。。。南涌 － 鹿頸 － 鳳坑，再原路截返，大約一小時多。
正常可以從粉嶺站外，搭綠色小巴去鹿頸落車，由果度開始行程。不過適逢初一，好多車去果邊遊車河，成條路塞晒🚙🚗🚐，所以今次我哋就喺南涌落車開始行。
進入鹿頸，景色開揚，除咗開初有少少泥路之外，其餘係舖得整齊嘅石屎路，沿海岸而行。中段有大約10至15分鐘樓梯上落，其他都係平路，絕對啱晒細個嘅小朋友👧🏻/老人家👴🏻，邊行邊睇下白鷺、紅樹林，情侶漫步都唔錯㗎❣
而南涌有天后宮及觀音廟，鹿頸、鳳坑亦有士多、茶座。如果再向前行到谷埔，仲會有自家製茶果、豆腐花㗎，不過今次時間關係，冇行去谷埔。
＊粉嶺站至鹿頸小巴，據司機說，只有兩架車主要行駛 (當日我都只係見到三架車來回接載)，所以假日等車頗需時，建議大家預留多 d 時間。
#郊遊 #戶外 #hiking #假日好去處 #親子遊 #粉嶺 #鹿頸 #谷埔 #鳳坑 #hkfamily #familyday
鹿頸谷埔 在 【 隱世秘境探索團—谷埔 】 - Facebook 的推薦與評價
隱世秘境探索團—谷埔✨】 最近天氣咁舒服又涼涼哋 ，緊係去行吓山，打吓咭，吸吓大自然嘅靈氣啦 自己係行山新丁怕辛苦 ？呢個# 鹿頸谷埔 之旅就啱晒你。 ... <看更多>