[分享文]
網友與一撐警朋友傾完計有感而發：
《撐警前，諗一諗！》
朋友同我講：「嗰班黑衣暴徒，破壞警局,好過份！」佢仲話決定去參加撐警大會。
我同佢講，我都撐警，不過我撐嘅係警察呢個職業，警察嘅職務就係維持法治，儆惡懲奸 ，齋聽都型到爆, 呢種職業，有邊個唔尊敬吖！
問題係：點解要去撐警大會？
有人撐，即係有人反啦！
咁，想問：
究竟你撐啲咩，而你又知唔知人地反啲咩？
正如先前講過，警察嘅天職，係維持法治，而近日抗爭者口中日日問候嘅“黑警”咁又係指邊個呢？
老老實實，叫得做黑警，意思就係做咗衰嘢嘅警察，衰嘢包括：濫捕、施暴、勾結黑社會、性暴力...有少冇多。
呢啲罪行，網上有大把影片可供參考，你見唔到，代表你無知，你唔認同錯嘅，可能你冇咗嘅係...良知，咁...就唔駛睇落去啦！
所以，嚴格嚟講，呢啲黑警，係指犯咗法嘅警察，喺未審判之前，稱為“嫌疑犯”，遺憾嘅係，呢啲嫌疑犯因為得到政府嘅包庇，仍然可以安然無恙咁蒙混警隊中，領住警務人員嘅職銜同高薪，大搖大擺咁繼續奉旨施暴！
結果，警局被圍了，警察被集體問候了。要知道，巿民反嘅，係不守法紀嘅黑警，同不公義嘅惡法！
如果，喺危難中，有個堅守正義嘅警察，走出嚟擋住黑社會嘅藤條同刀，呢個真警察，相信係冇人會反佢，甚至得到萬人嘅景仰以及何妖嘅鄙視。
可悲嘅係，呢啲真警察日日都要硬食同袍惡行嘅死貓。因為，一般大眾係無法以目測去判斷係咪黑警，近日嘅警察，好多時係冇編號、冇制服、冇樣睇，甚至委任証都冇，引致黑警難辨。
而每次嘅撐警活動入面，都係一面倒咁將歪理當真理，將濫權施暴變克制執行任務，比邪教更邪教，促使黑警越黑，白警更難復清白。
真警察被滅聲，被欺壓...
想問，邊個可以幫佢地？
朋友，如可以，可否試試放開懷抱，睇多啲唔同媒介嘅資訊，深入啲了解逃犯條例同香港面臨嘅危機，希望你會從中明白：
大家反啲咩？而你又撐緊啲咩？
多謝你冇unfollow我，多謝你願意聽我“肺”up咁耐！
黑警意思 在 Re: [問卦] 夜店殺警案易寶宏目前在服外役監..? - 看板Gossiping 的推薦與評價