在香港時嘅偽中產日子與在英國的真生活（11）
再見買、買、買
响香港生活，因為地理位置，好難去感受到真正嘅四季天氣。依家身在英國，踏入九月，秋意已經開始感覺到。我不禁回想當年响香港生活，每年嘅秋天都係熱同熱，結果都會去日本賞紅葉。
咪住...作為偽中產，點會咁浪漫，其實我只係「睇紅葉」，根本無真正「賞紅葉」。背後真正嘅目的係shopping。我近日睇番以前「睇紅葉」嘅相，原來自己影嘅風景同人物，帶比我好多美好回憶去細味。但係我又會問番自己，點解當日無去細心咁花多啲時間去真‧旅行，真‧攝影，而趕頭趕命咁要去shopping呢？
當年嘅我，久不久都要有借口去睇櫻花，紅葉、溫泉、滑雪。不過因為要去outlet、shopping或者福袋，令到行程變得非常緊張，走馬看花，最後辛苦過番工。彷彿忘記咗旅行嘅真正意義，係逃離香港嘅壓迫感同忙碌，去休息同遊覽。
當年嘅我，作為偽中產特色一定係中價減價就買多多，高價減價就買小小。咪又係成屋都係，幾年就要捐一堆，然後又再黎過，循環不息。結果都係買咗一刻嘅快感，睇番所有嘅消費品，都係無記憶嘅。反而，真正嘅風景，遊歷同相片先能夠帶有美好嘅回憶。
自問唔講錶同車，會唔會搵Ascot Chang去bespoke一套西裝或者睡衣（著到一世喎）？或者去Cleverley訂造一對loafer（唔係攞黎番工喎）？再唔係簡單啲買番以前泰八郎嘅眼鏡（係金子眼鏡收購之前，唔係佢個仔造嗰啲喎）？
我其實自己反思而覺得嘅係，既然知道世界上永遠都有最好同最名貴嘅嘢，何必追求啲無聊嘅中價無謂嘢去益啲零售商呢？人上有人，天外有天，又比較什麼呢？偽中產點比都會輸，係我話嘅，唔洗唔服氣，因為大家都係一樣係「中產」！買自己最喜歡，實際有用，而响自己能力範圍之內嘅，就已經足夠。
當見到有人去supermarket揸架Bentley Continental GT，屋企重有架拉利，車房放多架古董300SL，我唔會唔服氣。又或者有人放假番香港shopping買幅畫嘅價錢等如我半層樓，我亦唔會比較。
去到英國厘個感覺更加強烈，因為唔再需要比較，亦唔再需要shopping嘅一刻去減壓。結果旅行嘅時候就係旅行，風景、歷史、文化、親子，買嘅就真係買需要嘅嘢，講嘅係質素、使用率、實用度、品牌（貪慕虛榮點都有嘅）。
响香做嘢生活，壓力亦巨大，生活環境又擠迫，一個中產放假離開香港去旅行真係天經地義。不過，我現在嘅我，旅行一定唔再會放shopping為重點。雖然我仍然覺得日本係我好喜歡嘅地方，不過我諗就响英國，都唔講歐洲，已經有排揸車四周圍去。
#香港偽中產
#英國真生活
#旅行就係旅行
#點解係都要去shopping
#其實我都重係鐘意shopping
#不過追求嘅嘢唔同咗
#我掛住日本比香港多
#再去日本嘅心態一定會唔同
******************************
在香港時嘅偽中產日子與在英國的真生活 （11）英國幸福靚太真係咁易做？
http://bit.ly/2f1yOPl
在香港時嘅偽中產日子與在英國的真生活（10）
http://bit.ly/2wKKb9l
在香港時嘅偽中產日子與在英國的真生活 （9）差七個鐘嘅流星
http://bit.ly/2uyFoY1
在香港時嘅偽中產日子與在英國的真生活 (8.5)
http://bit.ly/2vl0hEK
在香港時嘅偽中產日子與在英國的真生活 (8)
http://bit.ly/2vQSyzR
在香港時嘅偽中產日子與在英國的真生活 (7)
http://bit.ly/2vGnphG
******************************
點解係都要去shopping 在 OneZhop - 點解購物要三思？點解唔可以憑直覺去選購心水產品 ... 的推薦與評價
點解 購物要三思？點解唔可以憑直覺去選購心水產品？ 上次喺衣櫥十大法則其中一項，都提及到購買前要三思：意為好多時女士購物產品衝動，單憑直覺。 ... <看更多>