#小編食好西 之 SAY CHEESE～
最近海雲天推出全新芝士點心放題，仲限量有折！身為芝士控嘅小編梗係即去食啦！😍😍😍
🎊優惠詳情🎊 https://flyagain.la/96660
🎊預訂網址🎊 https://flyagain.la/ak9c
📍預訂日期📍 即日起～8月25日23:59
📍享用日期📍 8月20日～9月30日（逢星期一至五）
💰接受消費券💰 支付寶、八達通 及 Tap & Go
🥢點心點評
話明係芝士點心放題，當然就有好多芝士嘢揀啦！蝦餃燒賣茶果奶皇包乜都有芝士version，真係睇到都心心眼😍 不過就算唔食芝士都唔使驚，因為佢有其他普通點心揀，都一樣係任點任食！（點心紙可見圖）
🥳 必encore推介：芝士腸粉、芝士燒賣、芝士蛋撻、芝士蝦餃
呢幾款係小編有encore嘅點心，芝士味好濃郁，食落極滿足！🤩 尤其係芝士蛋撻，雖然佢唔係exactly芝士撻但食落個質感同味道都好似，再加少少蛋香，真係要不斷encore！🤤
而芝士腸粉就係用濃郁芝士醬撈，比起混醬味道係單調咗啲，但都好惹味，會忍唔住一條接一條咁食🤭；蝦餃燒賣本身冇咩期望，但估唔到同芝士可以match成咁，幾有驚喜！🤩
🤭 其他芝士點心：
芝士流心包本身小編好有期望，但原來個餡都係奶皇，加少少芝士拉絲咁，芝士味唔濃，如果個餡係芝士奶皇一齊流就好啦！🥺 芝士饅頭就只有淡淡芝士香同拉絲，小編嫌佢唔夠濃味🤣
玫瑰芝心球、芝士和牛酥、芝士蘿蔔角呢三款都芝士味濃，小編食到玫瑰芝心球入面仲有芝士粒，口感定味道上都好令小編感嘆，但食多過兩個就有點膩，不過點都要試一個！😂 芝士和牛酥就和牛味有點搶咗芝士味，㗳多幾啖就會出味，鍾意食牛既應該都唔會失望；芝士蘿蔔角都幾fresh～
最後有兩款飽肚芝士「點心」﹐小編特別鍾意芝士燴伊麵，食落根本就係龍蝦芝士伊麵嘅走龍蝦version，芝士控一定鍾意！🥰 而個飯就芝士味夠，撈飯都好食，但太多粟米粒（純粹係因為小編唔鍾意粟米😂
😀 其他點心：
除咗芝士，當然都要試下其他清一清個口啦！😋 等小編簡單講下：
胡椒豬肚湯胡椒味特濃，第一啖飲好嗆喉🤨；鮑汁雞腳鮑味夠，雞腳都索哂啲味，小編推薦🤭；口水雞一件件上，好麻下，撈芝士飯食一流🤪；瑞士雞翼入哂味，啱小朋友食😇；黑金流沙包賣相獨特，入面啲奶皇真係湧出嚟咁，食時要睇熱🥵；菲林芝麻卷而家賣少見少，唔算太甜，但有芝麻香，小編幾like🤗
🗺 環境及位置
海雲天位於九龍海逸君綽酒店二樓，距離黃埔站只係幾分鐘步程，附近仲有渡輪碼頭同巴士站，交通極為方便～😎
酒店因位於黃埔海旁，所以坐擁極為誇張嘅210度無遮擋海景❤️，海雲天內都唔例外，好多打卡位，望住咁正嘅景食點心真係別有一番風味！🥰
不過海雲天內並唔係個個位都可以望到海景，想要就建議book嗰時remark定先啦（但唔保證一定有）～💁🏻♂️
💬 結論
每人百零蚊可以食到飽一飽，平時出酒樓食都唔止，而家仲要係五星酒店內嘅中餐廳咁食法，計落真係幾抵食（大食更抵😂）！ 佢上菜速度都幾快，唔怕佢會hold你張單搞到你食唔到好多，所以都幾抵食，點心控定芝士控都可以一戰！😎
完
龍蝦伊麵酒樓 在 【新年芝選】芝士龍蝦伊麵- 酒樓必食 - YouTube 的推薦與評價
平時同親戚朋友去 酒樓 食飯，最鍾意就係嗌芝士 龍蝦伊麵 ！不過唔係每一間都整得足料，又收得貴，原來自己整話咁易！即學即整，芝味就係咁簡單！ ... <看更多>