《派錢啊喂2》
大家好，又係我呀！又黎到新一年既《派錢啊喂》有獎問答遊戲。唔知大家準備好未？同舊年既玩法一樣，請每一位參加者提供一隻截至尋日（2021年7月16日）為止，市值過100億既正股，並附上一句仔既解釋，講講點解你認為佢會响未來既一年內暴跌50%以上！（拿拿拿，我已經將難度調低左架喇，希望多d人中獎啦）遊戲既結算日為2022年7月15日既收市，所有既得獎者均可獲300蚊獎金！（通脹丫嘛）
事不宜遲，照慣例，我講先。我既選股係：特步（1368）。眾所週知，體育用品股係港股其中一個估值超高，高到離晒譜既板塊，李寧（2331）過百倍，安踏（2020）就80倍，連特步都有60倍。至於三家公司响去年上半年既營業額分別係62億、146億同2億。因而可見：特步跟同業既龍頭仲差好遠，而佢地最新公佈既盈喜揭示純利既增長率為五、六成，亦只不過係同市場同步，唔應該享有一個科網般既估值。
原諒我長氣少少（其實你地唔洗寫咁多架，一句就得）昔日既火鍋股隻隻既PE過百倍，今時今日係點？大家都一目了然。將來會唔會成個體育用品既板塊暴跌我唔知，但係我肯定睇唔起特步！尤其是股份响新疆棉事件之後借國潮炒高左4倍。現價要跌落7蚊樓下，只不過係返回個半月前既水平。而且，盈喜後既股價已經唔好反應。補充埋最後既一句：自家既牛指讀數，已經由上月底既100跌到0。所以我揀佢！
各位粉絲，到你地喇！我俾30個鐘頭時間你，請大家响聽晚深夜之前（2022年7月18日23:59前）留言遞交你既心水。記住一隻股只能遞一次，撞左既，就以最先遞交果隻股既粉絲為準。事不宜遲，即刻參加啦！
🥳
#齊來競猜 #每人一隻腰斬股
100蚊樓下 在 【阿信屋新搞作】賣埋化妝品全部100蚊樓下 - Facebook 的推薦與評價
... 新搞作】賣埋化妝品全部100蚊樓下. 經營阿信屋之CEC國際（759）主席林偉駿接受傳媒訪問時透露，將於銅鑼灣近波斯富街一帶開設藥妝店。林. ... <看更多>