關於 2020 叱咤 樂壇 新人 獎 ，我們在網路上蒐集到這些相關的討論、資訊與評價

【 Chill Club推介榜：年度推介20/21 】
MeWe版本：http://bit.ly/3c4Gr63

香港樂壇第五張成績表 ── 《Chill Club推介榜：年度推介20/21》將於4月18日晚上在九展Star Hall舉行，ViuTV早前（3/3）於九龍灣總台舉行記者會，環球唱片、華納唱片、Sony Music、寰亞音樂、英皇唱片和大國文化等多家公司安排歌手出席，包括許廷鏗、鄭欣宜、AGA、Gin Lee（李幸倪）、陳柏宇、林奕匡、泳兒、馮允謙、林二汶、Serrini、岑寧兒、Dear Jane、Supper Moment、C AllStar和per se等合共41個單位，現場聲勢更勝無綫早前由高層曾志偉領軍的「音樂永續樂壇共享」破冰記者會。

獎項方面，首屆ViuTV樂壇頒獎禮設立11個獎項，5項為個人獎、4項為幕後獎，以及兩項歌曲獎，並於記者會上公布入圍名單。當中7項大獎：「Chill Club年度男、女歌手」、「Chill Club年度組合」、「Chill Club年度唱作歌手」、「Chill Club年度新人」、「Chill Club年度十大歌曲」和「Chill Club年度之歌」，會由3月14日至3月28日期間，接受全港市民投票，並以一人一票的方式選出最終賽果。而4項幕後獎：「Chill Club年度作曲人」、「Chill Club年度填詞人」、「Chill Club年度編曲」及「Chill Club年度監製」，則以於2020年5月31日至2021年2月28日期間的40周內，有份參與最多《Chill Club推介榜》冠軍歌的幕後人共同選出。

綜觀所有候選名單，除了莫文蔚憑無綫劇集《飛虎之雷霆極戰》主題曲《呼吸有害》入圍「Chill Club年度十大歌曲」，還有身為「TVB親生女」的王君馨以G. Racie名義入圍「Chill Club年度女歌手」成為媒體焦點外，「Chill Club年度男歌手」一樣值得留意，事關成功入圍的24位男歌手，出道年份由1980年代一直去到2020年代，統統包括在內，堪稱「五代同堂」，而人氣最強的21歲超級新星姜濤，與入行四十載的59歲至尊天王劉德華，將會在「同場」較量，雖說「姜B」叫座力十足，加上有自己公司ViuTV加持，乍看贏面高達99.9%，不過「劉華」出道多年、粉絲早已遍佈港九新界，在普選機制的情況下，面對這股強勁後浪未必輸硬！

「Chill Club年度男歌手」的入圍資格，是2020年5月31日開始，至2021年2月28日前，40周內曾經有歌曲在《Chill Club 推介榜》上榜至頭3位的男歌手；何謂「五代同堂」，看看候選名單便一清二楚。1980年代出道的有 #劉德華、 #黎明 、 #李克勤 。1990年代出道的有 #陳奕迅 、 #鄭中基 、 #劉浩龍 ；2000年代出道的有 #許廷鏗 、 #陳柏宇 、#周國賢 、 #麥浚龍 、 #關智斌 、 #小肥 和 #林一峰 。2010年代出道的，則分別有 #馮允謙 、#林奕匡 、#林家謙 、 #陳健安 、 #陳卓賢 、 #梁釗峰 、 #吳林峰 和 #姜濤 。

現年36歲的 #駱振偉（Thor），雖以藝人身份出道多年，惟及至2020年才有機會推出第一首單飛派台歌《成熟‧不了》，是眾多入圍男歌手之中，唱歌年資最淺的一位，連同屬於男團# MIRROR ，但去年才推出單飛歌曲的 #Anson Kong和 #柳應廷，三人皆為2020年代新人，同一張名單，出道年份橫跨「五代」共40年（劉德華1981年出道拍劇，1985年加入樂壇），甚有傳承的意味，於近年樂壇頒獎禮來說相當罕見，假如頒獎禮當晚，劉德華、黎明和李克勤都願意亮相，場面必定更有睇頭，能否成事，關鍵在於ViuTV製作部副總裁金廣誠有沒有足夠牙力。

由於今次是一人一票選出得獎歌手，參考元旦日舉行的「2020年度叱咤樂壇流行榜頒獎典禮」頒發的「我最喜愛的歌曲大獎」和「我最喜愛的男歌手」，「姜糖」（姜濤擁躉名稱）出動人海戰術，成功將偶像推上頒獎台，看來今次這個獎項，「姜B」應該十拿九穩。不過既然投票量是一項勝負指標，觀乎很多人在「叱咤」之前還不知道姜濤是誰，反觀劉德華素有「民間特首」的稱號，知名度必然較姜濤更勁更入屋，如果「華仔天地」能夠號召大批粉絲坐言起行，紛紛到網上投票，劉天王未必會輸。

當然，讀到這裏，你或者會質疑：「唓，呢啲吹水文，都係冇嘢搵嘢嚟講啫，唔該唔好喺度譁眾取寵啦！」亦可能會有人認為現實是劉德華近年似乎已著重在內地發展：「佢而家睇大陸市場啦，仲邊會理香港？同埋佢呢個Level，仲係唔係要同姜濤爭呢啲獎？」之不過，既然「一人一票」乃今次投票的勝負重點，如果大家都珍惜手上一票，以行動表達自己意見，誰說不可以出現上述預測？亦要留意一點，賽果並不與歌手本身的知名度高低有直接關係，加上今次活動，無論拉票、投票和活動宣傳，悉數在網上舉行，故此粉絲的年齡層和使用網絡的習慣，都能夠左右賽果，愈年輕的人愈見積極，說得坦白一點 ── 跟劉德華年紀相若的支持者，是否願意擁抱網絡世界，全程參與投票和留意最新走勢？以此作為立論基礎，加上姜濤是ViuTV的「親生仔」，宣傳和曝光明顯有優勢，估計現階段姜濤奪得「年度男歌手」的機會仍然較大。

《Chill Club推介榜：年度推介20/21》 投票網站：http://bit.ly/3qQQNus

原文刊於《香港01》 ──
標題：Chill Club頒獎禮︱劉德華姜濤並肩入圍　男歌手獎跨代網絡鬥搶票 https://bit.ly/3sSKiZk

（ 20032021 ）

#游大東 #游大東影視筆記 #chillclub #chillclub推介榜年度推介2021 #viutv 做乜膠睇電視 我睇咗啲乜嘢 Music Picks 9588hk 快樂的 William on the way 私家音樂 ViuTV Keung To 姜濤 Fanpage 姜濤澳門後援會Keung Show Macau 香港樂評 HKMC²

.
【3月號 音樂訪問預告】
.
2018年，ViuTV的《全民造星》帶來一股熱潮，除了姜濤跑出以外，很多觀眾都為Anson（盧瀚霆）的比賽結果緊張、失望、心痛，落敗後他與另外十一位大男孩組成Mirror，在2019年時成為樂壇不可忽視的新勢力。當「還我Anson Lo」言猶在耳，他早已悄然出發，在兩年間成為其中一個最成功的參賽者，證明比賽並不代表一切。2020年是Anson的豐收年，在音樂上橫掃各大電台頒獎典禮新人獎，亦是唯一一位於叱咤樂壇頒獎典禮做開場表演嘉賓的新人。參演的電視劇〈男排女將〉，更奪得民選最佳男配角。2021年脫離新人年，觀眾的期望更高，壓力亦隨之而來，這位新人王打算如何踢開前面的障礙，「自我創大時代」？
.
文／S、紅眼
攝／Leo
.
3月號將刊登完整訪問內容。3月號正準備中，敬請期待。
.
#AnsonLo #盧瀚霆 #大叔的愛 #男排女將 #藝文青 #asartisticasyou

2020 叱咤頒獎典禮 有感

感謝讓我繼續在樂壇成長

去年開始獨自在樂壇發展
今年是我的第一次以個人身份出席叱咤

似是重新入行 再當新人
重回那出道時的青澀

強烈感覺自己應當再實在一點 穩紮一點
開心 @heidibibe 伴著我這一次
尤其這多年一起成長 尤如家人
謝謝你會繼續陪一個
宅到出汁的人走著路

2021 不只換了年份
也換了時代

感謝叱咤繼續支持着廣東歌

我嘛
已有心理準備路不易
好好沉澱、奮鬥、撞板再出發等
都是必經之路
必不斷學習 檢討
豐富自己
願可以繼續為樂壇作出點滴貢獻

最後衷心恭喜各得獎的歌手們👏🏻♥️

Corset @versace
Dress @ganni
Acc @swarovski #atelierswarovski #swarovskihk
Heels @malonesouliers

Styled by @nancyremki

Make up @kingsmakeup__
Hair @hair_salon_hk @calvinttt

Aka
2021

「叱咤頒獎有咩咁好睇？」唔知幾時開始，當有人話要睇叱咤嘅頒獎典禮個陣，身邊有啲朋友都會用呢個問題嚟撻返你轉頭。我諗由無咗4台聯頒開始，香港人都逐漸少咗睇香港樂壇嘅頒獎典禮，我自己都唔例外。由細細個睇啲歌手上台講感言睇到跟住一齊喊，睇Eason同古巨基爭男歌手金獎到2010年因為版稅風波以致四台聯頒開始無咗之後，我會覺得呢十年嘅香港樂壇喺網路普及嘅情況下係經歷改朝換代嘅變化。

喺呢條片，我想以一個觀眾身分分享一下2020叱咤樂壇頒獎典禮有咩咁好睇。

叱咤嘅頒獎典禮我由識聽歌開始已經有追，由03年嘅古巨基回歸樂壇感動講出「我最鐘意唱歌」，到陳奕迅攞過十次男歌手金獎同埋連續9年攞我最喜愛男歌手。我每次睇頒獎禮都好想睇到自己鐘意嘅歌手唱live，睇得好感動又肉緊。但大概去到一個位因為版稅問題有啲歌手唔可以4個台嘅頒獎典禮都出席到甚至攞到獎嘅時候，我就開始少睇咗。直到今年2020年尾，我返到嚟香港，緊貼住我聽嘅係一堆廣東歌，係唔單止一個歌手嘅歌，有林家謙、JER 柳應廷、Jace Chan陳凱詠、等等唔同歌手嘅歌，我突然覺得香港樂壇好似比起以前多咗好多好嘅歌同歌手。

再睇埋2020叱咤樂壇流行榜頒獎典禮，我就發現2020嘅樂壇比起以前真係多返好多色彩。

第一大重點我覺得係因為2年前嘅全民造星造就返香港人嘅偶像出嚟。呢個電視節目唔單止令人與人之間多咗連繫同話題，仲令到一班香港人鐘意返本地嘅嘢。喺樂壇歷史嘅男團入面，除咗Boyz好少少有好多一出嚟都比人狠批，就算自己鐘意男團與否，MIRROR確實成功打入香港樂壇，坐擁一班fans。其實姜濤嘅歌同埋人都攞獎相信大家都唔會意外，因為第一個意想不到攞呢個獎嘅歌手早在2015年已經出現，吳業坤攞我最喜愛男歌手已經係樂壇因為網絡而開始改朝換代嘅分水嶺。當年我仲好記得SNS開始普及，而坤哥係少有用SNS都用得多嘅歌手，因為呢個獎年年都係投票選出嘅所以森美喺15年頒獎嘅時候都講過一段經典嘅說話：

所以15年同16年坤哥連續攞呢個獎除咗係「民意」，仲係話比其他歌手同佢哋嘅fans知道個世界已經唔同咗玩法，跟唔上就好快被時代淘汰。而呢個亦都係我認為嘅第二大重點嚟㗎。喺網絡時代當道嘅世界，全民造星誕生出嚟嘅人贏到人氣贏到口碑，所以姜濤攞獎只係再一次話比大家知時代已經唔同咗。而森美喺頒獎嘅時候都講出一啲類似嘅說話。再者，我認為當晚姜濤嘅歌藝已經好過某部分出道以久嘅歌手。

第三我會覺得係香港今年嘅樂壇多咗唔少高quality嘅歌曲比大家揀，再加上我哋喺網絡都會搵一啲啱自己嘅歌嚟聽，變相就算係一啲非主流嘅音樂都比以前剩係大眾媒體操控曝光個陣多咗唔少曝光率。我哋多咗好多渠道去接觸不同嘅音樂。我自己就認為林家謙嘅曲同編係Canton pop入面有自己風格，而佢幫陳奕迅作嘅《是但求其愛》加埋小克嘅詞我會認為係陳奕迅久違嘅廣東歌神作。當然除咗林家謙，好似Serrini同Perse呢啲非主流嘅音樂人都能夠打入大眾嘅耳仔入面。因為時代改變，新人多咗機會曝光，唔同嘅音樂人都可以有自己嘅平台製作，可以話有種難得一見百花齊放嘅感覺，多咗咁多人討論本土歌手同作品已得係一件值得開心嘅事。

最後我想話，其實每代都會有每代嘅明星。因為時代嘅轉變，每代嘅明星定義同感覺同會隨時代改變。好似我係90後，就嚟30歲，以前聽極都係陳奕迅古巨基個啲，再多啲都係張敬軒陳柏字。上一代個啲明星係張國榮、梅豔芳，講到陳奕迅上一代嘅人都覺得比下去啦。所以其實無得咁樣比，大家要接受時代嘅轉變，欣賞返當代有份努力嘅音樂人。當然以前嘅歌手好重視唱功同台上功架等等嘅專業態度都好需要被重視，不過呢啲嘢都係每人有自己準則，比起無人再討論廣東歌，多返咁多人關注已經係一件好事。

唔好再問：「叱咤樂壇頒獎典禮其實有咩咁好睇？」不如今年比啲時間去留意下聽下新嘅作品，下一年再去投票比你鐘意嘅歌或者人啦。有得嗌下點都好睇啦啩。


每天關注我的9UP狀況：
https://www.instagram.com/ernest_pch/