新書報捷❗️《30趟說走就走的旅行》尋晚已全面售罄🎉🎊
打破埋天窗出版社記錄，成為首本書展未完就一本不留賣晒嘅作品！俾個10黎🙌
我明白每位團友嘅時間都係寶貴既，而嚟到書展呢個咁多姿多彩嘅地方，置身書海當中，你哋居然會選擇排隊企幾個小時黎撐小弟嘅作品，請受小弟一拜🙇🏻♂️。我實在無以為報，所以即使場地時間有限，簽名時我都希望盡量同你地每個人傾多幾句計。
我地已安排火速加印，不過最快都要書展過後先有貨了。
抱歉今日特意黎支持我既朋友要白行一趟。（尤其聽到有部份人係專登從澳門、馬來西亞過來...）本來我手頭上仲有50本左右派俾親朋戚友，我決定暫時奉獻返出黎俾書展；始終書本響書攤上，比在我手上意義更大。實際時間話唔實，我會大概今日四五點左右抬番返去，未買到既朋友，得閒可以去碰下運氣。賣曬就全港都冇貨架喇，係碩果僅存既50本。
感謝天窗出版社既支持、信任、配合、同重視，每位同事都出心出力，由排版、到設計、編輯、宣傳、印刷、擔擔抬抬、現場售賣、人流管制同各樣繁複工序，成個團隊上下一心，無分你我，連老闆都親自落手落腳，我完全感受到團火🔥
最後，再一次多謝各團友既厚愛，冇你地，我根本唔可以咁自由地作多方嘗試同挑戰。我冇背景、冇後台、冇公司捧、唔識埋堆，9年黎由頭到尾都係自己一丁友、一雙手，如果冇你地默默支持咁耐，呢個傻仔根本唔可以咁自由地作多方嘗試同挑戰，呢種任性非常奢侈，所以我非常了解自己係幾咁幸運，感激一路上有你✈️
#30趟說走就走的旅行 #天窗出版社
------------------------------------------
📚買唔到點算？
一、網上訂購加印版(書展期間訂購有8折): https://www.enrichculture.com/products/9789888599233
二、購買Google電子書: https://play.google.com/store/books/details?id=3qygDwAAQBAJ
三、書展後會在各大書局均有發售。（售書日期未定）
攞唔到簽名版既請放心，我已經密切同出版社商量緊，加印完成後，過咗書展，我會再搞多次簽書會，詳情再遲D響度公佈📣
