是真人真事還是虛構都好，淚中有笑。
***
手動轉
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
光復毒撚·時代革命 by一個香港人
******************************
我叫毒撚俊，我係一個香港人
我係屯門大，細個時都會去行下華樂同置樂，但隨住大陸人越來越多，市中心週未都會塞爆後，我連週末都會只可以留係屋企打機，或打飛…
100萬人上街我無出去、200萬人上街我都無出去，因為我唔知上街有咩用，可以爭取到啲咩野。光復屯門時我有睇直播，最有印象係警察保護條大媽離開個公廁，因為我唔撚明究竟個大媽係咩身分，有幾重要，點解甘撚多警察要去保護佢，唔通佢係阿爺認定既下屆特首人選？同樣我亦唔明娜娜對啲肉火焚身嘅街坊阿伯有幾重要一樣。
原本呢一切嘅一切，都只不過係我打機嘅時候會開着個電腦畫面，等緊組隊嘅時候我就望吓個直播有咩睇，打發一下時間。我同千千萬萬嘅毒撚一樣，以為人生大概就係咁樣，直至到有一晚完全改寫左我既毒撚人生。
果晚我如常打機，突然立場姐姐既直播吸引左我既注意。我忍唔住叫咗出嚟：仆你個臭街，點解要打我立場姐姐？果一晚我第一次同其他香港人一樣失眠，腦海中不斷反覆出現白衣人打人、車廂傳出既哀號聲、柳爺血流披面既畫面。果日係7月21日，一個我毒撚俊同香港人永世都忘記唔到既日子。
7月22日白色恐佈瀰漫左成個元朗、天水圍同屯門。屯門市中心同V City、一田所有鋪頭晏晝點零鐘就全部閂晒門。除咗世界末日，我諗唔撚到有咩理由，可以阻止係地產霸權之下，啲鋪頭嘅老細要搵錢嘅決心。香港真係病左、香港人病左，我毒撚俊都病左！
我開始不斷甘睇直播，睇新聞，FB加左好多個群組。7月27日我第一次上街，跟住其他人叫「光復元朗」，嗰日我未入黑前就坐西鐵返左屯門，坐西鐵時，一幕又一幕嘅血腥畫面，不斷係我腦海入面打滾，彷彿見到鮮血係車箱地面湧上嚟。我無辦法想像如果721果既我搭左果班死亡列車，我會唔會成為反送中第一個被打死既香港人？！
8月5號果日我射波去左參加屯門既集會，集會完咗我就返咗屋企，但係夜晚睇住直播見到差佬喺屯門站瘋狂咁樣丟催淚彈，果一刻我真係爆左。雖然我係毒，但毒還毒都有老母生，都有屋企。屯門就係我既屋企，係以前嘅新發邨，到依家既屯門站都留有我唔少既腳毛。試問有邊個可以見到家園被破壞、被催毀會無動於衷？唔通我地連呼吸一啖冇毒既空氣既自由都無埋？好在果晚手足們都be water,無人被捉。
係網上睇到夜晚10點係窗邊咆哮既文宣，我有響應。較好鬧鐘，每晚10點，我就懶理阿媽反對，係窗邊咆哮
光復香港
時代革命
五大訴求
缺一不可
無諗過真係會有人應我。因為我住頂樓，所以有種高高在上既快感，好似樓下回應我既都係我既擁護者一樣。有一晚我咆哮完想閂窗時，聽到有把溫柔而堅定既女仔聲叫「香港人」，我即刻係窗邊用盡奶力大叫「加油」
她「香港人」
我「加油」
她「香港人」
我「加油」
她「香港人」
我「加油」…
Lee一刻，我覺得全世界都只剩低我地兩個既聲音，我同她connect在一起。從果晚開始我愛上2200窗邊咆哮，因為有「香港人」女神，咆哮完女神的聲音都陪伴著我去搵周公。
心想「頂，死仔明今日攪到我遲收工」
我用9秒9既速度趕去搭西鐵番歸，大佬呀！我同女神有約架，唔可以遲過10點番屋企。21:58衝入大廈，好彩即刻有𨋢，眼尾昅到有條女入緊大廈門口，一衝入𨋢，我即刻狂㩒閂門掣，𨋢門閂剩條罅時，我見到頭先入門口果條女，隱約睇到佢十萬火急既眼神。澎一聲𨋢門閂了，但下一秒度門開番，我呆撚咗，睇下錶22:00啦，雖然條女係靚女，但係阻住我同女神之約，點靚都撚無用。佢一入黎我就猛撳閂門掣，突然佢用溫柔而堅定既語氣講左一句「唔該幫我㩒13樓」，果一刻我好似徘徊喺臨死前既回帶畫面一樣
她「香港人」
我「加油」
她「香港人」
我「加油」
唔通佢就係夜夜陪我入夢鄉既女神？
我㩒完13樓，望住閂門背對疑似女神，鼓起我最大既勇氣大叫「加油」，停了幾秒，傳來那句溫柔而堅定既「香港人」作為回應，係電梯上演了
她「香港人」
我「加油」
她「香港人」
我「加油」…
我希望電梯永遠在地下到13樓徘徊，但電梯突然停下來，門亦隨之打開，女神走出𨋢時我望住佢既背景呆左，𨋢門快閂埋嘅一瞬間，女神回頭講：「我叫Emma，香港人」
好在我反應快，即刻㩒開門掣，用盡全力深深吸一口氣咆哮：「我叫毒撚俊，香港人」
講完我呆左，心唸仆街，咩毒撚俊，我明明叫阿俊，英俊既俊，lee次真係毒佢老味。女神Emma忍唔住露出甜笑，同我講「毒⋯⋯⋯阿俊，好開心認識你，快番去窗邊咆哮，夠鐘了！」
今晚係我甘多日黎，最用力咆哮既一晚。
係網上見到823 The Hong Kong Way既文宣時，我係度唸，去唔去好呢？去既話要去邊區？
823一早要番工搭𨋢時，𨋢停左係13樓，我心跳加速，好期待究竟有咩人會入𨋢，內心訓練「Emma 早晨呀！」「Emma甘橋既？」
門一打開，門外係個70幾歲既阿伯。我好似一個洩左氣既皮球一樣，由有為青年變番個毒撚樣。走出大廈門前一刻，背後傳來「阿俊，早晨呀！」，我馬上轉身，望住著左條黑色吊帶裙既女神講左句「Emma甘橋既？」，心唸好在有多想一句對白，如果唔係就唔知點反應，所以「成功只會留給有準備既人原來真係堅啱嘅！」
同Emma一齊走向巴士站時，鬼死甘老尷，唔知講咩好，終於我又鼓起儲左20幾年既勇氣問：你會唔會去參加823 The Hong Kong Way?
女神：會，我放左工會去尖沙咀
我：甘橋既，我都係打算去尖沙咀，可以一齊去（頂，又係甘橋既，要多訓練其他既一問一答）
女神：好呀
我：你…你…你一個人嗎？定會同朋友一齊去？（把男朋友的‘男’字刪去）
女神：我一個人，你呢？
我：甘橋既，我都係（頂，除左甘橋既到底仲有咩字可以用呀？Miss Chan Chan我好撚後悔無好好甘上你既中文堂）
唔知係我太興奮所以有幻覺，我回答完後，女神好似鬆左一口氣甘，有啲怕羞甘甜笑
在尖沙咀海旁，聚集既人越來越多，微風吹唔亂的個頭，但係吹亂左我個心。等一陣，我就可以參與歷史性既一刻，為The Hong Kong Way獻出我既第一次？當然係為我20幾年既毒撚人生獻上我既第一次，第一次同女仔拖手仔。
8點了，我同女神好自然甘拖著手，我左邊係一個60幾歲既婆婆，右邊係女神。當大家叫「香港人 · 加油」時，我感覺到我同女神都不其然緊握著對方，力度好似遇溺既人捉住浮板一樣，深怕浮板會鬆脫。當我看向左邊，望住婆婆時，我腦海中勾劃出我60幾歲拖住60幾歲女神既模樣。
嘴巴喊出：「光復香港 · 時代革命」時，我內心同時喊出：
「光復毒撚 · 時代革命」
823拖手仔 在 [新聞] 快訊／連5升！ 中央銀行宣布升息半碼- 看板home-sale 的推薦與評價
連結：https://reurl.cc/Genj2W
內文：
美國聯準會（Fed）今（23） 凌晨宣布升息1碼（0.25個百分點）後，我國中央銀行緊接
著也在下午召開2023年第1季理監事會議，會後宣布將調高政策利率半碼（0.125個百分點
），利率繼去（2022）年3月、6、9月及12月之後「連5升」。
央行重貼現率、擔保放款融通利率及短期融通利率各調升0.125個百分點，分別由年息
1.75%、2.125%及4%調整為1.875%、2.25%及4.125%，自今年3月24日起實施。
央行自去年3月啟動此波升息循環，3月升息1碼（0.25個百分點），6、9月和12月各升息
半碼（0.125個百點）加上這一次升息半碼，累計5次共升息0.75個百分點。
心得：
地板利率 破2拉~~~ 繼續噴房價?還是反轉了?
現在貸款1000萬 從1.31%到現在2.06%
1000萬 30年 1.31% 每個月33608
現在
1000萬 30年 2.06% 每個月37263
多了3655/月~~
一年就要 4萬多了~~~
現買現套? 還是繼續狂噴?
995我~~去年年中買 現在利率就多了0.5%了~~~
--
※ 發信站: 批踢踢實業坊(ptt.cc), 來自: 59.120.193.115 (臺灣)
※ 文章網址: https://www.ptt.cc/bbs/home-sale/M.1679559747.A.0E2.html
※ 編輯: MOMO0478 (59.120.193.115 臺灣), 03/23/2023 16:24:26
... <看更多>