Search
《草地逐片碌系列》
哪一天我們會飛???就今日啦。今日個天咁藍，識玩一定喺草地玩啦！
真係幾靚，個天夠哂藍野餐、唱歌、跳舞、拍片、彈ukulele 啱哂！呢度係中西區最大嘅草地平原，勁多小朋友喺度踢波。
喺草地上面扎個營，食酸辣米線同蒜泥白肉同炸雞同啤酒同抹茶雪糕都幾正。PND食野先，一陣見！
#PND上環 #PNDouting
《 夜空之鏡 》
除咗周圍飲飲食食，其實香港仲有咩地方好玩、易去、可以野餐同影吓靚相？
添馬公園，兩大特點：「門常開」、「地常綠」，設有一系列唔多市民用嘅觀景台、添馬角、露天劇場甚至添馬茶座；空間感強，仲有唔少草地，潮友可以喺紅色格仔野餐布上野餐、散步或同陽光玩遊戲...等等，呢啲都未係重點！（草地係高咗一級但其實係任人走任人行任人瞓）
其實公園嘅設施，用咩物料打造先係重點！比起Instagram Pier嘅「不定期消失的鏡面」，添馬嘅滑面雲石櫈更加強勢！假設潮友隨身帶備iPhone、普通kit lens，左由郵政總局、右至摩天輪一帶嘅景觀同倒影，其實都可以影埋，當然，黃昏日落，都無問題。
溫馨提示：公共地方係屬於每一位市民架，潮友要有公德心，唔好佔據太耐呀😘
金鐘添馬公園
點去：金鐘站A出口海富大廈，上行人天橋行過政府總部往海邊行5分鐘
#PND草地逐片碌 #PNDOuting #PND金鐘
《#PND草地逐片碌》
唔知多唔多潮友已經去咗日本賞櫻？其實香港都有唔少地方可以賞櫻架！潮友如果行完花市可以去郊外影吓寫真呀！最近天又陰陰地，間唔中有涼風，最適合就係搵個草地野餐、露營！PND影咗半個鐘，滿載而歸，以單車館前左面草地最多人影，沿途目測櫻花樹大約有5-6棵，公園中間嘅幾棵梅花幾棵櫻花咁分佈，棵棵都正在盛放，花期應該4月尾中至尾就完☺️呢幾日去啱啱好可以睇到影到，順便野埋餐，perfect！
P.S.將軍澳單車館公園分單車館同公園兩部分，想踩單車嘅潮友記住只可以喺出面嘅單車徑同單車館內玩
點去：將軍澳A2出口，行10-15分鐘；坑口站A出口，穿常寧路公園盡頭出，或坑口站B出口，行5-10分鐘
@將軍澳寶康路105-107號 #PNDOuting
開放時間：24小時
設施：兒童遊樂場、長者健體園地、中央草坪、草地平台、服務大樓：全日24小時開放、極限運動場、運動攀登牆、緩跑徑、
模型船池：08:00-22:00
